ياسمين عز: عاملي الراجل كأنه بسبوسة.. ولو جوزك بيجري ورا الستات أفرحي لأنه رياضي
![ياسمين عز]( /UploadCache/libfiles/44/1/600x338o/566.jpeg)
ADVERTISEMENT
تستمر الإعلامية ياسمين عز في تصريحاتها المثيرة من خلال برنامجها كلام الناس المذاع عبر شاشة MBC مصر، والذي اشتهرت بدعمها للرجل بشكل كامل كما لقبته بالفرعون في كل تصريحاتها، وقد تفاعل معها الجمهور بشكل كبير ولكن بالسخرية من حديثها.
ياسمين عز: عاملي الراجل أنه بسبوسة
فتحت الإعلامية ياسمين عز المداخلات الهاتفية في حلقة اليوم الجمعة مع الجمهور، وقالت لها إحدى المتصلات لـ ياسمين عز: "لما عامل الراجل أنه بسبوسة هو يعاملني على إيه"، ورصد لكم موقع تحيا مصر رد ياسمين عز عليها.
![](/Upload/libfiles/44/1/564.jpg)
حيث ردت ياسمين عز على المتصلة وقالت: "عاملي الراجل أنه بسبوسة وهو هيعاملك انك حتة جاتوه"، لترد عليها المتصلة متقوليش على الراجل فرعون لأن ربنا خسف به الأرض لكن هو راجل وسيد الرجالة والست ست الستات".
ياسمين عز: حب الراجل ماليني مش محتاجة حب من حد
واستكمالًا لتصريحات ياسمين عز المثيرة للجدل، قالت خلال حلقة اليوم: "حب الراجل ماليني مش محتاجة حب من حد، وأنا بدافع عن الرجل لأني بحبه ولكن لا أقبل الخيانة وعمري ما بررت الخيانة".
ونفت ياسمين عز بعض التصريحات التي نسبت إليها وقالت: "مقولتش أن الراجل يطفي السجائر اللي تداولها الجمهور ومفيش إنسان عاقل يقول كده، ومقولتش أن لو راجل بيخونك كده محبوب ولكن بتكلم عن مشاكل الستات بسبب محبة الزميلات في العمل لكن في راجل قال لو راجل في علاقة يبقى محبوب مش أنا اللي أقول كده".
![](/Upload/libfiles/44/1/565.jpg)
وتابعت ياسمين عز قائلة: "دي جمل غشيمة وأنا مقبلش ده على نفسي ولكن أحب يكون رجل حياتي محبوب لأنه لو مش محبوب يبقى رمينه".
ياسمين عز: لو جوزك بيجري ورا الستات افرحي جوزك رياضي
وسألت متصلة ياسمين عز وقالت لها: "جوزي بيجري ورا الستات أعمل إيه؟"، لترد عليها ياسمين عز بتصريح مثير، وقالت: "جوزك بيجري من فعل يجري يعني رياضي أفرحي جوزك رياضي".
وفي اتصال آخر قال لها متصل: "بتفرج على برنامجك وبشكر فيه والحمدلله أن في ناس بتصلح الأحوال ودي أساس العلاقة"، ثم حكى لها مشكلته وقال: "كنت مرتبط ببنت الجيران ومرة واحدة مش عايزة تكمل بدون أي سبب مش عارف أنساها ومحدش بيرد عليا لما تواصلت معها ودي مش من أخلاق الإسلام النهايات أخلاق".
وردت عليه ياسمين عز وقالت: "حسيت بالغصة في قلبك ومن الأخلاق لو البنت ممتنعة أنها تقول السبب الأهل المحترمين يبردوا قلبه ويقولوا السبب للراجل بلاش نخلي حد ينام مضايق مننا".