أوس أوس: عربيتي الجديد كانت من أمنياتي وبعد الجواز كل احلامك بتبقى إسعاد بيتك

تحدث الفنان محمد أسامة الشهير ب أوس أوس عن سيارته الجديدة والتي أثارت الجدل وسخرية الجمهور على مواقع التواصل الاجتماعي بعد كشفه عنها، وذلك خلال لقاءه مع الإعلامية هبة الاباصيري في لقاء خاص على هامش مهرجان العلمين الجديدة والمقام حاليا في مدينة العلمين.

أوس أوس: عربيتي الجديدة جايبها عشان اروح بيها المشاوير اللي جنب بيتي 

وقال أوس أوس في تصريحات رصدها موقع تحيا مصر عن سيارته المثيرة للجدل: دي عربية كهرباء كرسين ورا بعض بحبها وسريعة وبروح بيها المشاوير اللي جنب بيتي ودي كانت الأمنية اللي نفسي احققها.

وعن الامنيات الأخرى الذي يريد تحقيقها، أشار أوس أوس: بعد الجواز بتبقى كل احلامك الشخصية هي إسعاد بيتك.

أوس أوس: مراتي مش بتتخانق معايا الا أما اتأخر برة 

وتطرق بحديثه عن زوجته، قائلا: مراتي بتضحك أما بتكلم بجد لو قولتلها بحبك أو وحشتني ومبتزعلش مني في حاجة الا أما بسافر كتير وأغيب فترة برة البيت عشان عمل فني، وهي لو طلبت مني اي حاجة بعملها عشان ده دوري بس بحب أن الحاجة الحلوة اللي بعملها تتذكر طول الوقت، ومينفعش هي تشتري حاجات بنفسها أنا اللي اروح وهي تقعد في البيت.

وعن الأمنية الذي يريد تحقيقها، قال أوس أوس: حلم اي ممثل يعمل افلام ذو قيمة وبصمة ولمسة في المجتمع مهمة، نفسي ابقى ذكرى حلوة يعني أعمل أعمال تبقى ذكرى للناس، زي اسماعيل ياسين بمجرد ما يقولوا اسمه بنضحك وعادل إمام أفلامه ومسلسلاته كلها هي مصر، واتمنى أسرتي تبقى بخير وسعادة وابقى مش حارم ولادي من حاجة واعوضهم عن الحاجة اللي وانا في طفل مشوفتهاش.

أوس أوس مازحا: الحمد لله جبت ربع العربية اللي بحلم بيها

خالد الصاوي يشيد بأداء أوس أوس.. والأخير يرد: بحبك يا عالمي

أوس أوس: كل اللي اشتغلت معاهم مدرسة 

وتحدث أوس أوس عن النجوم الذي تعاون معهم، قائلا: اشرف عبد الباقي بيحب الخير للناس كله، وأحمد مكي بيحب الممثل اللي قدامها يبقى احسن منه، ومحمد إمام مش بينام لازم يبقى قاعد على كل حاجة، وأحمد فهمي خريج هندسة بيمسك الاسكريبت يفصصه ويدرس المشهد ده ويضيف للمشهد التاني، أما هيفاء وهبي ست شيك ومش بيفرق معاها مين يضحك أو يقول الايفيه.. استمعت بالشغل معاها.