بعد نشر تحيا مصر.. القبض على نجل الحاجة سمية بعد اعتدائه عليها بكفر الشيخ

ألقت أجهزة أمن كفر الشيخ، القبض على ابن الحاجة سمية الذي تعدى عليها بالضرب وقام بتقيدها في السرير بـ جنزير، بعد نشر موقع تحيا مصر تفاصيل الحادثة.

رحلة اللاعودة إلى ليبيا.. تفاصيل مؤثرة في مصرع عريس كفر الشيخ قبل زفافه بأيام

عياله بيسألوا عليه.. زوجة ضحية جيرانه في كفر الشيخ: قالولوا تعالى نتصالح راح مخرجش

حيث نجحت الأجهزة الأمنية بمديرية أمن كفر الشيخ في ضبط الأبن المتهم بالتعدى بالضرب على والدته في قرية دوبليرة بمحافظة كفر الشيخ وربطها بـ جنزير في السرير بعدما نشر موقع تحيا مصر تفاصيل الواقعة.

سمية سيدة كفر الشيخ تكشف التفاصيل

وقالت السيدة سمية المجني عليها لـ موقع تحيا مصر، حسبي الله ونعم الوكيل في ابني اللي ربطني بالجنزير وأنا متبرعة لأبوه بـ كليتي وعايشة بـ كلية واحدة، لكن هو مفتري وكان بيضربني وبيضرب بنتي اللي جوزها رماها عليا.

تابعت السيدة سمية ضحية ابنها في كفر الشيخ، ابن بطني أه لكن معرفش عمل فيا كدة ليه، ربنا اداني 3 ولدين وبنت واحد من الولاد مات، وبعدها التاني عبده ربطني بجنزير بعد ما عملت فيه محضر في قسم الشرطة وبعد 59 سنة عمل فيا اللي ما يتعملش.

سمية سيدة كفر الشيخ: اتغير بعد الجواز

وأضافت ضحية ابنها في كفر الشيخ، ابني مفيش في احترامه ولا أي حاجة لكن بعد ما أتجوز معاملته اتغيرت وبقى واحد تاني وهو كان على طول برا مصر، وأبوه مات من 6 سنين، واديته كرتونة فيها فلوس بتاعت أبوه، ومن يوم ما اتجوز وهو بيضربني.

واستكملت ضحية ابنها في كفر الشيخ، يوم ما ربطني بالجنزير قالي والله لأقطعلك لسانك وأنا خايفة على نفسي وعلى بنتي عشان اللي هو بيعمله، الواحد يحمى أمه من عمه مش يسيبني ويقولي أنا عارف يا ماما ويسكت وقولت له ياعبده سيب مراتك وخليك مع أمك وأختك.

واستطردت الست سمية، أنت عايزنا نروح نشحت ياعبده ولا عايز ايه، وداني المستشفى قبل كدة وقعدت 10 أيام عشان مقعدش في البيت، وبقوله منك لله ياعبده على اللي عملته معايا، وكل ده عشان أنا عملت إعلان وراثة في عشان خد كل الفلوس.

وقالت شقيقة المتهم بالتعدي على والدته بالضرب، طول عمرنا بنشتكى من الموضوع ده من ساعة ما أتجوز، وهو قبل ما أبوه يموت كسر على أمه الباب وزقها على الأرض، بيسمع كلام مراته وابوه وزي ما هما عايزين بيعمل، وأنا كنت متجوزة وأطلقت بسبب أخويا لما اتهجم عليها وروحت اشتكيت في المركز وعملت محضر ولما جوزي عرف زعل راح اتصل بيا قالي متجيش تاني.

واستكملت شقيقة المتهم بالتعدى على والدته، أنا قولت أساعد أمي وأعيش معاها وقولت اشتغل وخلاص عشان أراعي أمي، لكن أخويا حارمنا من المحل بتاع أبويا وبيعامل عيالي وحش ويضربهم ويضربني، ده غير اللي بيعمله في أمي، وبقوله حسبي الله ونعم الوكيل فيك ياعبده.