لونه بيج وعينه عسلي .. فتاة تبحث عن قطتها ومكافأة مالية لمن يجدها

نشرت فتاة تدعى مايا صور لقطتها المفقودة على إحدى المجموعات على موقع التواصل الاجتماعي فيس بوك، للمساعدة في البحث عنها، مع مكافأة لمن يجدها.

فتاة تبحث عن قطتها ومكافأة مالية لمن يجدها

وكتبت الفتاة في منشور، رصده موقع تحيا مصر، «مكافأه 5000 جنيه للي هيلاقيه، بقاله ٣ ايام ضايع في مدينه نصر الحي العاشر عند مسجد الخزان، لونه بيج وعينه عسلي وعنده ٤ سنين واسمه سكر لو حد ندهله ب اسمه هيفهمه هو حافظ اسمه جدا، القط تعبان جداااااا ومش حمل يقعد دقيقه واحده ف الشارع ومنهم لله الناس السيبتهم عنده طلعو مضيعينه بقاله ٣ ايام ولسه مبلغني امبارح بس باختفاءه عشان كنت كل شويه بسال عنه وعماله اقولهم صوروه عايزه اشوفه طب انتو محتاجين فلوس للاكل أو الرمله طب هو كويس وبياكل مكنتش بتعدي دقيقه غير وانا عماله بسالهم عنه مكنوش عايزين يقولولي انهم ضيعوه اصلا!!»

تحقيقات في اتهام فتاة لسائق تطبيق نقل بالقيام بأعمال خادشة في القاهرة

بعد حلق رأس فتاة بسبب الحجاب.. الإفتاء: يجب نُصحها بتلطف ولا يجوز إيذاؤها نفسيًّا ولا بدنيًّا لإجبارها عليه

وتابعت، «سيبته عندهم عشان مسافره وضيعوه وكل شويه يقولولي كلام مختلف مره ضاع مننا في الواحه خلوني من امبارح بدور ف الواحه والناس كلها بتدور ف الواحه وقالبه عليه الدنيا ولما ضغطت عليهم ف الكلام قالولي انه وقع عند مسجد الخزان ف الحي العاشر بالله عليكو ساعدوني الاقيه انا قلبي متقطع عليه من امبارح لو فضل في الشارع هيموت بالله عليكو اللي يلاقيه يبعتلي وهديله اللي هو عايزه والله».

وعلق رواد السوشيال ميديا، «أنتي واثقة في الناس دي؟ممكن يكونوا خدوه باعوه لحد، كانت عندي قطة مشافتش الشارع خالص ،، باب الشقة  اتفتح راحت اتكلت علي الله  مع نفسها علي الشارع، زعلت جدا لانها هتتاخد بكل بساطة دورت عليها يومين حول البيت بدون فايدة والله قلت يارب ردها يارب ردها، لقيتها على باب العمارة بعد اسبوع من ضياعها رجعت وقفت  علي باب العمارة تحت وانا نازل لقيتها قدامي، والله ذُهلت من سرعة الاجابة، ربنا يردهالك عن قريب غير بعيد، اعملي محضر للناس اللي كان عندهم لو باعوه هيخافوا و ممكن يقولولك معلومة، والنقطة التانية اطبعي بوسترات و وزعيها في كذا مكان في السوبر ماركت وحراس العمارات و غيره بصورته والمكافأة»