النائب محمد الحسينى لـ تحيا مصر:«جبنا جول من بولاق الدكرور وبنشكر الرئيس السيسي عليه» .. «مستقبل وطن بطل علي الأرض بجد ..وعلينا ترك خناقة انتخابات المحليات لما بعد صدور التقسيم الإدارى»

النائب محمد الحسيني بندوة تحيا مصر:

 وضع التعليم في أولوياتي ببولاق الدكرور خلال السنوات الماضية وراءه سر تعليمى المتوسط «احنا محتاجين نتعلم أكتر» 

 استجوابي الشهير ضد وزيرة الحصة أثره ظهر على الأرض ببناء أكبر مستشفى على مستوى الجمورية بتكلفة 2 مليار جنيه

أطالب بتحويل أرض كلية الزراعة جامعة القاهرة لمدينة  بولاق الدكرور الجديدة ..وعمل نادي اجتماعي بأرض التضامن 

مستقبل وطن على الأرض بطل شعار لما يقدمه الحزب من خدمات للمواطنين..وأنا بشتغل في بولاق الدكرور علي كده

علينا ترك خناقة انتخابات المحليات لما بعد صدور التقسيم الإدارى الجديد  مع فصل القانون الجديد وصدور الجزء الخاص بالإدارة المحلية 

حل النائب محمد الحسيني وكيل لجنة الإدارة المحلية ضيفا على موقع تحيا مصر، برئاسة الكاتب الصحفي عمرو الديب،وذلك في ضوء اللقاءات التي يعقدها الموقع مع رموز العمل البرلماني  والسياسي في مصر.. ودار الحديث حول التطور الهائل الذي شهده حي بولاق الدكرور، لاسينا في الملف التعليمي، وذلك بعد معاناة في هذا الملف، موضحا أنه علينا طمأنة المواطن لأن  الملف التعليمي شهد تطورا غير مسبوق، مؤكدا أنه سيبذل كل جهده للتصدي لمشكلة الكثافة الطلابية.

وكيل لجنة الإدارة المحلية بمجلس النواب، كشف عن سر اهتمامه بملف التعليم في حوار مفتوح أداره الزميل محمود فايد مدير تحرير الموقع، مؤكدا أن اهتمامه بملف التعليم دفعه لاستكمال دراسته بعدما كان حاصلا على مؤهل متوسط، فحاليا يعمل على تحضير الماجستير، موضحا أن المجلس يعمل مع الحكومة لإدخال الخدمات لعدد كبير من المدارس، وخاصة ونحن في الجمهورية الجديدة التي زادت من طموح المصريين.

النائب محمد الحسيني، تحدث أيضا عن نتائج الاستجواب الشهير الذذي قدمه ضد وزيرة الصحة في الفصل التشريعي الأول، واصفا ذلك بأنه "جاب جول"، موضحا أن أثر الاستجواب ظهر على أرض الواقع وهو بناء أعظم مستشفى حكومة في مصر بتكلفة 2 مليار جنيه، لافتا أن هذا الاستجواب كان هدفه تطوير المنظومة الصحية وخاصة في بولاق الدكرور.
وكيل لجنة الإدارة المحلية بمجلس النواب، تحدث عن سر جملة " مستقبل وطن بطل على الأرض"،  مؤكدا أنه شرف بالإنضمام لهذا الحزب الذي يعمل في إطار ما هو صلاح للوطن والمواطن، مؤكدا أن دعم واستقرار الدولة المصرية مسؤولية الجميع.. وإلى نص الحوار

بولاق الدكرور الجديدة.. النائب محمد الحسيني يناشد الرئيس السيسي لتخصيص أرض بجامعة القاهرة لعمل مدينة "الأحلام".. ويكشف تفاصيل لأول مرة عن "مزاد فيصل والعصابة المفترية"

غرقانة من 30 سنة.. النائب محمد الحسيني يفاجئ أهالي مدينة النجوم بقرار هام

بداية نرحب بالنائب محمد الحسيني في موقع تحيا مصر.. ودايما بقول إن لقاءنا معه له خصوصية.. لأنها تظهر لنا النائب اللي بيشتغل على الأرض.. ومن هنا هبدأ من بولاق الدكرور.. ما الجديد هناك؟

هناك تطور حصل منذ عام 2015 واستطاعنا بدعم الدولة التصدي لملفات عديدة في بولاق الدكرور منها ملف التعليم، والذي كان يعاني بشدة، واستطعنا أن نقوم بعمل 5 مدارس الفصل التشريعي الأول، وفي الفصل التشريعي الثاني نعمل على إنشاء 11 مدرسة في كافة المراحل الموجودة سواء خاصة أو فندقية أو ثانوية أو صناعية، وهو توجه محترم ساعدتنا فيه الدولة المصرية، التي تستجيب لنا عندما نطلب شيء”.

في لجنة الإدارة المحلية "شقينا" على هذا الملف من خلال طلبات الإحاطة لحد ما ربنا كرمنا.. اليوم شغالين على 11 مدرسة وكمان 10 ايام هنشتغل في 8 مدارس إضافة لمدرسة أخرى ستلحق بهم ليكون الإجمالي 20 مدرسة داخل نطاق حي بولاق الدكرور، وهو الحي الوحيد في مصر الذي به طفرة تلعيمية على الأرض.

هنا يظهر دور النائب والسلطة التنفيذية، فعندما تكون العلاقة رشيدة نرى المنتج على الأرض.. والحقيقة هذا لم يأتي من فراغ، فهذا شقة سنوات طويلة من عام 2016، ومن ضمن الراضي استطعنا تغيير قانون الإصلاح الزراعي بدعم من مجلس الوزراء الذي أتوجه له بالشكر وللرئيس السيسي الذي وضع حي بولاق الدكرور على الخريطة”.

نحن كنا نتمنى أن تنظر إلينا الحكومة وكذلك الدولة، والحقيقة أن الرئيس السيسي "شافنا" وطور الحي مثلمنا تطورت الأحياء العشوائية على متسوى الدولة".. لدينا لدينا مجمعات خاصة بالتعليم .. 130 ألف متر مسطح من الإصلاح الزراعي.. وهنا 5 مدارس عليها اسم الرئيس السيسي وهذا يؤكد أنا الدولة نظرت إلينا وشافتنا".

ده نطمأن المواطن أننا أخذنا نفحخة في ملف التعليم وسوف نواجه الكثافة الطلابية في الفصول من خلال دعم الحكومة ومجلس النواب الذي قدم دفعة ومساندة إيجابية كانت نتيجته على الأرض.

اهتمامك بملف التعليم بشكل كبير هل متوقف على البنية التحتية للمدارس الموجودة ببولاق الدكرور، أم اهتمام متكامل على مستوى البنية التحتية والبنية البشرية.. كيف تتوقف أمامها؟

أحييك على هذا السؤال الفني.. نحن نعمل على محاور أساسية، سواء البنية التحتية التي اشتغل عليها، فلكي أنشأ مدرسة جديدة يجب أعمل لها بنية تحتية محترم، وبذلك أستفدت من رفع كفاءة الطرق وإدخال مطارس، والأهم أننا أنشانا مدرسة، وبذلك هناك 3 أو 4 ملفات دخلوا ضمن ملف التعليم.. وهذا يحدث طفرة في المكان ككل ورفع كفاءة لها.

لذلك في ظل الظروف التي نمر بها، نطمأن المواطن البسيط أن المجلس والحكومة شغالين كتف في كتف معاك من خلال إدخال الخدمات، الـ 11 مدرسة تكلف خزينة الدولة مليار جنيه تقريبا، وكلها مشروعات تنموية تفرق مع المواطن البولاقي.

لو أنا بقيم أداء النائب محمد الحسيني في بولاق الدكرور..وشوفت إن العملية التعليمية من أولوياته.. أكيد في سر وراء هذا الاهتمام.. ما هو؟

سؤالك لمس حتة إنسانية، فاحنا على فترات طويلة كان مهمشين، لكن في الجمهورية الجديدة طموحنا زاد بعد المكتسبات اللي أخدناها في ملف التعليم..

في الفصل التشريعي الأول وقفنا المزاد الوهمي العلمي في أرض فيصل، وده من خلال الدولة، وأخذنا تلك الأرض وقمنا بعمل خدمات محترمة للمواطن وهي رسالة قوية.

أنا مؤهل متوسط، أخذت بكالريوس تجارة وحصلت على ليسانس حقوق وحاليا بعمل ماجستير، وده لأننا اتحرمنا من التعليم.

هذا سر يوضح مدى اهتمام النائب محمد الحسيني بمنظومة التعليم في بولاق الدكرور؟

صحيح، علشان كده نلخص العملية التعليمة في نقطتين، فهم واطلاع الأمور والملفات المختلفة، لأن المواطن الذي لديه قدرة على التعلم سوف يفرق معانا في المجتمع، والحكومة والدولة المصرية شجعونا للغاية، لدرجة اننا على مدارس العهود السابقة كان هناك بالحي 28 مدرسة فقط، والآن خلال السنوات الأخيرة على مدا 75 سنة داخلين على حوالي 25 مدرسة بمساحات كبيرة برؤية جديدة.

من هنا ندخل على ملف الصحة، أنا اتعلمت كويس، ولا أذهب للحكومة إلا إذا قدمت المشكلة والحل لكي أسهل الأمور على التنفيذيين.

هذا فيما يخص التعليم.. أما فيما يتعلق بملف الصحة.. أعتقد المتابع للشأن البرلماني يدرك قيمة الاسجتواب الشهير بخصوص مستشفى بولاق الدكرور، وهو كان الاستجواب الوحيد.. حصل قلقل في هذه الجزئية، ما نتائجها؟

أثر ذلك على الأرض نتيجة تفاعل الحكومة، هو بناء أعظم مستشفى حكومي في مصر بتكلفة 2 مليار جنيهن وساهمنا مع المحافظة والحكومة لفض التشابكات على الرض، واليوم يبنى مبنى عالمي وفق منظومة التأمين الصحي الشامل.

واحنا بنعمل الاستجواب كان هدفنا الصحة في بولاق الدكرور بشكل خاص والمستشفيات في مصر بشكل عام.. واحنا بنطور المستشفى ننفذ بنية تحتية من خلال إدخال الصرف الصحي بسبب تطوير مستشفى روزاليوسف وهو أعظم مشروع صرف صحي.

نطمأن الناس إننا داخل بولا  الدكرور بيتعملنا مستفشفى عالمي، وخلال الربع الثاني من 2025 ممكن نستلم المشتشفى.

أفهم أن استجواب النائب محمد الحسيني بخصوص مستشفى بولاق الدكرور جاب جول؟

ده صحيح، أنا مش قضيتي أمشي مسؤول، بالعكس أن أدعم الأشخاص لكن أبحث عن أثر الاستجواب على الأرض.

واحنا بنعمل المبنى طلبت من الدكتور خالد عبد الغفار، وزير الصحة برفع كفاءة المسجد، فوافق ونعمل الآن مسجد محترم يليق بأهالي بولاق الدكرور، وهذا التعاون نتيجته على الأرض، وهو ده اللي محتاجه المواطن.. لذلك مقولتي دائمًا "ويبقى الأثر".. والأثر إن عندنا مستشفى بـ 2 مليار جنيه و20 مدرسة هتعمل نقلة نوعية أثارها هيبان لما تشتغل.

هذا فيما يتعلق بالتعليم والصحة طرفي الاهتمام لدى المصريين.. لكن هناك ملفات أخرى تتحرك عليها مثل الصرف الصحي ورفع كفاءة بعض الطرق الداخلية والإطارات الأخرى.. تعمل عليها إزاي؟.

علشان نكون منصفين، أنا راجل معنديش مكتب ورافض ده ولا حد بيكتبلي ولا عندي أدمن، أنا عايز أكون فاهم وأتعلم ولام أقابل مسؤول يكون عندي رؤية للحل مش بنظر عليه

بنزل الشارع وألف وأشوف، وكان عندنا مشكلة في رفع كفاءة الطرق الداخلية والرئيسية وحصلنا على دعم إضافي بخلاف الخطط الاستثمارية، واستطعنا نعمل طفرة في البنية التحتية ومشورعات الصرف الصحي ومياه الشرب.. فكرة إننا نتعامل مع المسؤول ونضعه في إطار منضبط هي ده الهدف.. علشان كده واخدين كل الخدمات دي من غير ما نضيع وقت.

في هذا الإطار.. خلصنا كل الإجراءات الخاصة داخل مدينة النجوم اللي غرقانة بقالها 30 سنة، وخلال أسبوع او 10 أيام هنشتغل في خطوط الحدار، ولغينا فكرة محطة لارفع اللي الفمروض تتعمل، لأنه مينفعش أعمل محطة رفع داخل كتل سكنية. ورجعنا نعمل خطوط انحدار بالتنسيق مع الحكومة.. لأننا مش عارفين نبلط ولا نرفع كفاءة أي طريق بدون البنية التحتية.. حقكوا علينا احنا اتأخرنا لكن كنا محتاجين اعتمادات مالية كبيرة جدا ونجحنا في الحصول عليها.

فيما يخص مياه الشرب والصرف الصحي، محتاجين إعادة النظر في كميات ضخ المياه، وهذا نداء أوجهه من خلال تحيا مصر.. رغم إن هناك انفراجة كويسة حصلت في العديد من المناطق.

ما تحدثنا عنه أهم 3 ملفات يكونوا من شواغل أي نائب في أي دائرة.. وتحقيق النجاحات فيها يعتمد على الإصرار ومواصلة العمل على ارض الواقع.. لكن هنا السؤال: محمد الحسيني بيعمل الدائرة دي إزاي؟

أولا انا قافل شغلي الخاص.. بشتغل عضو مجلس نواب بس مش بشتغل حاجة تانية، ومدي مساحة كبيرة جدا.. وبنقل مشاكل أهالي بولاق الدكرور وتقابل بنتائج إيجابية، وده مش معناه إني حلال كل المشاكل لكن بقدرنا إننا نتحط على الخريطة والدولة شافتنا.

وأثر ده إن رئيس الوزراء جاء لينا 3 مرات، وجه أيضًا الفريق كامل الوزير علشان يعمل كوبري مشاة خلال شهر ويمر معايا.. ده يكمني إني شغال في إطار منضبط وأن هناك اتهمام بالمناطق الشعبية وأقدم لها خدمات.. لذلك أشكر الوزير على اهتمامه ببولاق الدكرور.

الاستمرارية في الشارع يذكرني بواقعة المزاد اللي حصلت في الجيزة.. العصابة المفترية كانت عايزة ايه من المزاد وأنت عملت إيه فيه؟

مينفعش أعمل طلب إحاطة علشان مدسة ومفيش أرض.. فعملنا حصر لأراضي الإصلاح الزراعي الموجودة، وعملنا طلب إحاطة لوزير الزراعة الأسبق وقالي ملكش ولا متر.. وطلعت الورق إننا لينا 27 ألف فدان.

العصابة المفترية كانت عبارةعن  6 فدادين إصلاح زراعية واضع يدهم عليها.. وعملنا طلب إحاطة وبعدها فوجئنا إن الوزير طارحها لمزاد.. لكن اتلغى المزاد وأخذنا موافقة وزير الداخلية اللواء محمود توفيق، وعملنا أكبر مجمع شرطي في مصر وعملنا قسم شرطة ثان لبولاق الدكرور فيه كل الخدمات و2000 متر للتأمينات والمعاشات ومدرسة دولية حكومية 7200 متر، ووحدة محلية جديدة 2000 متر ومكتب بريد 2000 متر، يتبقى 2500 متر، بعمل تواصل مع وزير العدل لعمل محكمة أو ممكن نضيف مدرسة جديدة هناك.

لما الحكومة ساعدتني ووقفت معايا ولغوا المزاد، هيتم عليها خدمات جليلة وخلال 4 شهور هتنور بالخدمات والمشروعات.. هذه الاستجابة لنائب شعبي يعطيني أمل أن هناك قيادات واعية وعلى مدار 9 سنين خدنا مكاسب عديدة وهناخد تاني.

الآن شوفنا نفحة إيجابية في ظل ظروف صعبة، وقارني بأيحي في مصر، لو في أي حد خد الخدمات دي.

طلبت من محافظ الجيزة السابق، وقولتله عايزين نعمل "بولاق الدكرور الجديدة" فابتسم.. قولتله: أرض كلية الزراعة جامعة القاهرة 200 فدان مش مستفيد بيها حاجه.. ناخدهاو نعملها مدينة.. وده أمل وطموح وبولاق الدكرور محتاجه تتنقل نقلة زي مدن جديد لوضع العنصر البشري في بيئة محترمة.. لذلك من خلال تحيا مصر أنادي بإعادة النظر في الأرض.. كمان بناشد وزير التضامن د. مايا مرسي: عندي 12 فدان خاصة بدور التربية "الأحداث" عليها ملاعب .. في المقابل عايزين في حي بولاق الدكرور نادي اجتماعي وأول نادي شعبي يحمل اسم رئيس الجمهوري كهدية.. احنا بنعمل على القهاوي وبنعتبرها مركز شباب.. وراضيين علشان ظروف الدولة.. لكن عايزنها تبقا على الخريطة صح.

دخلت البرلمان معايا دبلوم ودلوقتي بحضر الماجستير.. النائب محمد الحسيني يتحدث لـ تحيا مصر عن سر اهتمامه بالتعليم

النائب محمد الحسيني وكيل محلية النواب ضيف موقع تحيا مصر.. الإثنين

أرض جامعة القاهرة في ملكية من وحضرتك عايزهم فين؟

دي كانت الملكة فاطمة عملها وقف لجامعة القاهرة، وتم بناء مدينة المبعوثين عليها ثم مباني مدينة العميين جامعةالقاهرة.. طب ليه حاصرلي بولاق الدكرور.. يطلع حد يوقلي الخضرة ومش الخضرة؟.. احنا قاعدين في شوارع 2 متر.. وعايزين مدينة برؤية وإحلال وبعدها نعمل إحلال وتجديد للمكان اللي فيه واللي مش هنسيبه.. ومن حقنا نعيش حياة كريمة.. وآخد خدمات صحية تعليمية رياضية ترفيهية.. أنا في منطق استراتيجية لو تم إعادة النظر فيها يعود بالنفع على الدولة كلها.

نواب كتير بتخاف تدافع عن الدولة بصراحة محمد الحسيني خاصة في ملف الخدمات.. ليه مش بتخاف؟.. هل لأنه استفاد؟

أنا أول واحد بيروح البرلمان وآخر واحد يروح علشان يفهم ويتعلم وياخد مكاسب.. وممكن أقعد 10 ساعات في الجلسة علشان أتكلم دقيقتين أتكلم فيهم ومعنديش أي غضاضة، في الآخر شايفين الخريطة وبنشن صح.

دعم واستقرار الدولة المصرية مسؤولية الجميع، الدولة لو راحت مش هترجع لكن الحكومة لو راحت هترجع، الدولة لازم نحافظ عليها وقدرنا نستردها بعد اللي حصل في 2011.. لذلك نقدي للحكومة لازم يكون بناء.. أنا نائب شعبي من منطقة شعبية مقتنع إنه لازم يكون ليا دور إيجابي لمساعدة الحكومة في وضع حلول يمكن تطبيقها على الأرض.. علشان كده لو عملنا توصيف للأمر.. فاحنا خدنا الخدمات دي بقوة مش بطبطبة.. ودي كانت إرادة دولة وليست خطة.. الخطط كتيرة لكن الإرادة تعني القدرة على التنفيذ على الأرض.

هذه الجمهورية الجديدة تمتاز بالإرادة، وبالتالي المسؤول اللي معندوش إرادة بيضيع وقت، خطط اتحطط في الأدراج متعملتش.. وناس خدت إمضاء لكن 15 سنة لم تنفذ.. لكن أنا باخد الإمضاء وبروح للمسؤول: "فين الفلوس؟".

أنا عايز اليوم يبقا  48 ساعة علشان أخد حل للأرض وأسعى للمواطن، وأنا على الأرض مه المواطن وده توجيه من القيادة السياسية لأنه يقرب المسؤول للمواطن.. وفكرة الرضا الشعبي مش بتييجي غير بوجود إمارة على الأرض..

علشان كده مفيش مواطن بيهاجمني لأني معاه طول الوقت، وفي نفس الوقت بعظم قيمة الدولة ولا أنظر للحكومة لكن أعرف أخد حقي من المسرولين.

مستقبل وطن على الأرض بطل.. ده معناه إيه؟

أنا في الفصل التشريعي الأول كنت مستقل، وآخر سنة شرفت إني منضم لمستقبل وطن،.. فكرة الناس عن الأحزاب قديمة، وأنا لو مشتغلش من خلال منظومة حزبية يبقا باشتغل مع نفسي وده مينفعش.. قيادات الحزب تدعمنا وتتابعني ومقدرة وجود النائب..

وده بينعكس عليا.. لما أقول أنا عملت ايه مش هكتب 20 صفحة.. هما كلمتني "مستقبل وطن على الأرض بطل".. أبين من خلالها أنا عملت إيه وبنصدر حزب مستقبل وطن.. علشان كده بندي أمل للناس تعالى انضم لينا.

اللي بينتقدنا من حقه لكن هو في النهاية عايز إمارة على الأرض، وآخر إمارة إننا هنفتح مكتبث توثيق شهر عقاري بعنوان "بولاق الدكرور" وهي نقلة نوعية أشكر عليها وزارة العدل ومجلس النواب".

لو النائب محمد الحسيني لخص طموحاته خلال الفترة المقبلة لبولاق الدكرور.. ممكن نجدولها إزاي؟

طموحاتي إننا نخلص 20 مدرسة وأشوف ولادنا داخلين المدارس الدولية الحكومية والمدارس اليابانية، ولما أدخل الفصل ألاقي 40 /50 طالب وتكون المدرسة جنب البيت.. وخدمة تعليمية تليق بالمواطن في الجمهورية الجديدة.. احنا اتحرمنا من ده لظروف صعبة.. وعايزين نوفر ده للجيل اللي جاي اللي هيضلل علينا.

من ضمن الـ 5 مدارس المعمولين عندان أعظم مدرسة حكومية في مصر، واخدة نوابغ بولاق الدكرور، وده الورد الحقيقي اللي فتح ببولاق الدكرور، وهي فخر ليا ونفسي كل المدارس تبقا زيها.. علشان كده أنا قاصد إني أقول إني من بولاق الدكرور.. وقاصد إني راجل صنايعي.

خليني أنقل لجزء تاني في ناقشنا متعلق بلجنة الإدارة المحلية، وحضرتك وكيل أول، وأحد اعضاءها الرئيسييين منذ 2015.. ملفات كتيرة فتحتها اللجنة برئاسة النائب أحمد السجيني وله كله التحية والتقدير.. السؤال اللي بيراود أي مواطن: وصلنا فيهم لفين؟"

كان هناك كتاب دوري من الدكتور منال عوض، وزيرة التنمية المحلية، لتسهيل افجراءات الخاصة بتسهيل البناء، وتم اختصارها في 8 خطوات وحصل تسهيلات عديدة.. وكانت موجودة في البرلمان وعقدت لقاء معنا ورأينا اهتمامها لحل الملفات على الأرض.

التوصية الخاصة بالاشتراطات البنائية كانت عاملة إشكالية طالعة من الإدارة المحلية واستجاب الحكومة لها.. لدينا ملفات عديدة تناولناها لم يكن أحد يتحدث فيها من قبل.. سواء قانون السايس أو المخلفات الصلبة والكلاب الضالة ولازم اللائحة التنفيذية الخاصة به تطلع.. كذلك الأحوزة العمرانية والتقسيم الإداري الجديد والتوسع في رفع كفاءة العنصر البشري وهو مهم في المحليات.. ومنح آلية أكثر لإنشاء أكاديمية للتنمية المحلية علشان يكون عندنا كوادر نستعين بها على الأرض.. واحنا مش عندنا مجالس محلية لذلك الرقابة عبء على السلطة التشريعية.

عايز أتوقف أمام ملف التصالح في مخالفات البناء..أنا مؤمن بمسألة قياس الأثر التشريعي.. لكن عايز أقولك إن قانون 2023 لازالت به مشكلة.. ايه السبب؟

لا أنكر ذلك، لكن التنمية المحلية مظلومة، أنا عايز كل جهة تقوم بالتصالح، والقانون ده المعني به وزارة الإسكان، ليه نشيل المحليات كل تلك الأعباء.. مفيش أماكن تستوعب الناس ولا عندناس استعداد تام.. لذلك عايزين الجهات تتعاون مع المحليات وإعادة النظر في القانون ده علشان كل الجهات تقوم بدورها.

مش مختلف، لكن الحل فين بعد انتهاء أول 6 شهور في قانون التصالح.. لا مواطن قدم طلب تصالح، ولا دولة استفادت ماليا؟

هنا تأتي فكرة تحفيز المواطن للتقديم على التصالح، ولازم الإعلام والميديا يشتغلوا على الملف ده بشكل أكبر علشان المواطن يكون عارف.. واحنا كأحزاب نشتغل على هذا الملف.

القانون يعطي للمبنى شرعية قانونية، وأعتبر القانون قانون استثنائي هدية من الدولة للمواطن.. سهلنا الأمر بإجراءات بسيطة.. هناك كمية مخالفات رهيبة والقانون قفل الملف الخاص بالمخالفات بعد ارتباطه باتلصوير الجوي في أكتوبر 2023.. واللي بعد المدة دي يتحاسب.

محتاجين اجتماعات كل 3 شهور، وده هنعمله في لجنة الإدارة المحلية.. علشان نقيش الأثر التشريعي للقانون ومدى إقبال المواطنين عليه.

فيما يتعلق بالقانون 144 لسنة 2017.. محتاجين النسخة الجديدة منه مثل قانون التصالح.. كيف ترى ذلك؟

أنا قدمت مشروع قانون ولازم يكون فيه تسهيلات، ومينفعش أسعر الأرض بتسعيرة اليوم، خاصة وإنه المواطن قعد في الأرض وخضرها.. وكمان الفكرة أنه يعد إدماج للاقتصاد الرسمي في غير الرسمي وعوائده كبيرة… والقانون لازم يكون اولوية في دور الانعقاد المقبل.

بجانب تلك الملفات، هكون أكثر صراحة: قانون السايس.. من المسؤول عن فشله؟.. ومش عايز إجابة تقول إننا نجحنا في تطبيقه في بعض المناطق.

أنا مش بقول ده، النجاح عندي بيانات.. إلى الآن القيادة الناجحة ابتدت بشكل كويس والإرادات زادت فيما يتعلق بساحات الإنتظار، لكن الظاهرة لم تواجه حتى الآن لنتيجة عدم فهمنا للملف،.. هناك لجنة معنية بهذا الأمر.. المفترض إن السايس ياخد موافقة المرور.. لو قال لأ مقدرتش.. بس أنا شايف ناس راكبة الشارع بشكل مش كويس.. ما تشغل الناس دي في إطار القانون.. أنا عندي مروقف بيلم 40 الف جنيه في اليوم الحكومة بتاخد منه 2000 جنيه في الشهر.. ليه متخدش منه 20 ألف من ال 40.. وليه مندخلش القطاع الخاص علشان نبيع الخدمة.. عايزين من الملف ده 10 مليار جنيه بدلا من الـ 60 : 70 مليون جنيه اللي بتجيبهم.. الرئيس السيسي استرد الدولة.. وعايزين نسترد الشارع.

لما نرجع هنعمل اجتماعات متتالية عن آخر التطورات فيما يتعلق بتطبيق القانون على الأرض.

أعتقد ملف آخر له علاقة بالإدارة المحلية ككل، وتم مناقشته في الحوار الوطني.. وتطرقت للنقاش مع حضرتك فيه من قبل.. وكان هناك شبه توافق على قانون الإدارة المحلية.. وبعيدا عن تعقيدات الملف.. كيف نصل لكادر حقيقي للإدارة المحلية؟

لابد من إصدار القانون، وعايز أفصل هنا الانتخابات المحلية على جنب، وأطلع قانون الإدارة المحلية لوحده.. أنا تقدمت بعمل تقسيم إداري جديد وشددت إنه يمتمش الانتخابات إلا بالتقسيم الإداري الجديد لكي تزيد المشاركة الشعبية ويكون لدينا خدمات أكثر وموازنة جديدة تدعم الحي.. علشان كده بقول للحكومة أنا مش مستعجل الانتخابات إلا بعد التقسيم الإداري الجديد.

في دور الانعقاد ده نخلص قانون المحليات والحكومة تنهي تقسيم الإداري الجديد.. علشان تكون هناك تنمية حقيقية على الأرض.. ويكون هناك إتاحة لمنح المحافظ سلطات أوسع لأنهم "شايلين الطين على الأرض" وعايزين نساعدهم بالقانون الجديد.

رسائل النائب محمد الحسيني في ختام لقاءنا.. رسالة لـ بولاق الدكرور ولجنة الإدارة المحلية والقيادة السياسية؟

هبدأ بالقيادة السياسية، الرئيس السيسي أنا مؤمن بهذا الشخص من قبل ما أكون عضو برلماني، هذا رئيس وطني شغال لصالح الدولة المصرية والتاريخ هيقول ده.. فيه بعض المغرضين عايزين مشاكل في الأرض رغم المشروعات التنموية.. صحيح لدينا أزمة اقتصادية لكن بنعافر والرئيس مهتم يسيب أثر غيجابي عند المواطن البسيط.. وبقول للرئيس هنشوفك في بولاق الدكرور لما ناخد الـ 200 فدان، واسمك يتحط على اللوحة ودي بالنسبة لينا نقلة.

أقدم رسالة للدكتور مصطفى مدبولي، وأقوله إن زيارتك للمناطق الشعبية يؤكد اننا لامسين صدى ده عند المواطن، وطريقة لعب جديدة إنك بتنزل برجليك وتحل وتعطي لنا أمل .. وطموحنا وأملنا كبير نشوف بولاق الكرور على الخريطة.

بقول لبولاق الدكرور، أنا محمد الحسيني أتشرف بانتمائي لها وهي بلدي، وأنا بتعلم وأجتهد علشان ينعكس على أداء البرلماني.. عندنا مشالك كتيرة نحاول ناخد حلول ليها.. وبالتعاون مع السلطة التنفيذية نقدر نحلها.. نفحر إننا عندنا مشروعات بـ 25 مليار جنيه وعندنا 20 مدرسة بتعمل .. عندنا مشروعات تنموية أخرى تحت عنوان "بولاق الدكرور الجديدة".

أخيرا، هي حكاية اتكلمت فيها قبل كده "حكاية العجلة " ومن وجهة نظري دي حكاية نبيلة.. محتاج تقول فحواها للناس لإن هي بجد حكاية نبيلة

ما يميز المناطق الشعبية، إنه ممكن يلخص الصفحة في كلمتين.. عنوانا في 2015 "عايزنها على الخريطة.. الناس تساءلت، قولت إننا عايزين بولاق الدكرور على الخريطة.. ولما دخلت الانتخابات لقيت الدايرة كلها مليانة دعاية.. قولت هنروح فين وسط كل ده.. فجات فكرة "الرسالة" فجبت عجلة ليا ولابني.. وقولنا نتصور بالعجلة ويكون عنوانا "العجلة هتروح البرلمان".. فكل ندوة أخدها معايا.. وقولتهم لو ربنا أراد ونجحت هروح البرلمان بالعجلة.

لما نجحت بعض الناس قعدوا معايا، قالولي هتروح بايه قولتلهم بالعجلة.. استغربوا.. ده يوم تاريخي بالنسبالك وميصحش.. قولتلهم لأ هروح بيها.

العجلة رسالة، أنا مكنتش متخيل الزخم الإعلامي ده.. وروحت المجلس قالولي انت مين ومكنوش عايزين يدخلوني.. قولتهلم أنا محمد الحسيني.. واصريت إني أدخل.. وفتحولي البوابة في النهاية.. وحطيت العجلة على أعلى حتة.. أحد الصحفيين سألني جاي بيها ليه قولتله: دي رسالة ومسؤولية عليا عايزك تقيمني لما ادخل البرلمان اما اركب العجلة أو العجلة تركبني... احنا اتظلمنا وكان عنواني إني جاي من منطقة شعبية أخد حقي.. وحضرتكم عملتوا تقييم طلعت من أفضل 5 نواب في البرلمان.. وهذا الكلام مش من فراغ.. أنا راجل من الناس متضامن جدا معاهم واحارب عليها وأقاتل عليها.. العجلة معايا إلى الآن وهي رسالة زي ما قولت علشان أوصل اللي أنا عايزه مثل شعارات أخرى "عايزين نجيب جول" "كتف في كتف" "هجمة مرتدة" "على أرضي".