بعد ساعات من طرحها.. روتانا تحذف أغنية شيرين عبد الوهاب الجديدة هنحتفل

قامت شركة روتانا للصوتيات والمرئيات بحذف أغنية هنحتفل للمطربة شيرين عبد الوهاب التي طرحتها أمس عبر قناتها الرسمية على موقع الفيديوهات العالمي يوتيوب، وذلك بسبب حقوق النشر والملكية على هامش أزمة الشركة مع الفنانة.

تفاصيل أغنية هنحتفل لـ شيرين عبد الوهاب

وجاءت أغنية هنحتفل التي يرصدها موقع تحيا مصر من كلمات تامر حسين وألحان عزيز الشافعي وتوزيع توما، وتقول كلماتها: انا عايزة اقولك لو كنت معايا تركيزي كله ودنيتي ليك لا عادي جدا هلغي اللي ورايا وافضالك انت وادلع فيك ادلع فيك تليفوني هيتقفل هيتقفل وانا وانت هنحتفل هنحتفل باللحظة الحلوة دي والنوم ده حرام عليه ده حرام لو الواحد غفل عايزة استغلك وما اسيبش دقيقة ماتكونش فيها العين في العين انا مش ببالغ لا دي حقيقة جنبي القمر ده وابص لمين ابص لمين تليفوني هيتقفل هيتقفل.

"وانا وانت هنحتفل هنحتفل باللحظة الحلوة دي والنوم ده حرام عليه ده حرام لو الواحد غفل وانا لما اقابلك عندي كلام تاني كلام من اللي هتسرح فيه اسمك وسيرتك لازمة على لساني في القرب ممكن يحصل ايه هيحصل ايه تليفوني هيتقفل هيتقفل وانا وانت هنحتفل هنحتفل باللحظة الحلوة دي والنوم ده حرام عليه ده حرام لو الواحد غفل".

تامر حسين يتحدث عن شيرين عبد الوهاب: عندها قبول إلهي مش بتاع حد

وسبق وأن شارك الشاعر تامر حسين منشور عبر حسابه الرسمي على موقع التغريدات إكس “تويتر سابقًا”، وتحدث تامر حسين في منشوره عن المطربة شيرين عبد الوهاب مشيرًا إلى موهبتها المتميزة وإلى حبه لها والنجاح والقبول الذي تحظى به، وقال تامر حسين في منشوره الذي يرصده موقع تحيا مصر: “شيرين عبد الوهاب فى حتة تانيه دى مصروفلها كم محبة لصوتها ربانى صوت قريب للكوكب كله بعيداً عن أى ألقاب صوتها بيمس كل الطبقات واللهجات ومختلف الأعمار ده قبول إلهي مش بتاع حد اللى حصل في اغنيتين تلاته ماحصلش ف البومات ودعاية مُكثفه وده تأثير ماشفتهوش مع ناس كتير فى انتشار الأغانى ف الشارع عادى جداً كانهم نزلين رسمى”.

بعد يوتيوب وفيسبوك.. شيرين عبد الوهاب تطلق حساب رسمي جديد على انستجرام

شيرين عبد الوهاب تدشن صفحة جديدة على فيسبوك وتطرح ثالت أعمالها هنحتفل

هاني شاكر: شيرين عبد الوهاب صوت لا يعوض

كما أكد المطرب هاني شاكر على أنه يتمنى عودة شيرين عبد الوهاب مرة أخرى إلى الساحة الفنية بقوة، وذلك من خلال لقاء له على قناة mtv اللبنانية.

وقال هاني شاكر في تصريحاته التي يرصدها موقع تحيا مصر: أتمنى من قلبي إن شيرين يكون عندها هدوء نفسي وعاطفي وعائلي وترجعلنا مرة تانية، لأن الحقيقة الفترة اللي بتمر بيها دي صعبة جدًا، وهي محتاجة استقرار وإن الدنيا تهدى شوية، ويبقى عندها سلام نفسي، وربنا يشفيها هي فعلًا من الأصوات التي لا تعوض.