هاني شاكر: أتمنى شيرين عبد الوهاب ترجعلنا مرة تانية.. هي من الأصوات التي لا تعوض

أكد المطرب هاني شاكر على أنه يتمنى عودة شيرين عبد الوهاب مرة أخرى إلى الساحة الفنية بقوة، وذلك من خلال لقاء له على قناة mtv اللبنانية.

هاني شاكر: شيرين عبد الوهاب صوت لا يعوض

وقال هاني شاكر في تصريحاته التي يرصدها موقع تحيا مصر: أتمنى من قلبي إن شيرين يكون عندها هدوء نفسي وعاطفي وعائلي وترجعلنا مرة تانية، لأن الحقيقة الفترة اللي بتمر بيها دي صعبة جدًا، وهي محتاجة استقرار وإن الدنيا تهدى شوية، ويبقى عندها سلام نفسي، وربنا يشفيها هي فعلًا من الأصوات التي لا تعوض.

هاني شاكر عن زوجته: بتدلعني قبل الحفلات.. ومبتغيرش عليا من المعجبات

وسبق وأن كشف المطرب هاني شاكر عن طريقة تعامل زوجته مع معجباته في الحفلات وأكد هاني شاكر أنها لم تشعر بالغيرة تجاه معجباته بل أنها مقدرة بشكل كامل حب الناس له وأنهم مجرد معجبين ومعجبات ليس إلا، و روى هاني شاكر موقف حدث بين زوجته وشقيقتها جعله يراها عاقلة بشكل أكبر، وقال هاني شاكر في تصريحات تليفزيونية: “مراتي نهلة قبل كده بعتت لأختها فيديو ليا من حفلة ومعجبة بتبوسني أختها اتعصبت وقالتلها ازاي سايباه كده وانتِ فين! قولتلها الحمدلله إن دي مش شخصيتك وإن انتِ اللي مراتي مش هي، نهلة مش بتغير وعاقلة جدًا ومقدرة حب الناس ليا وانا بعتبر دي نعمة لما تكون معاك شريك حياة بيقدر شغلك وبيدفعك دائمًا للأمام”.

هاني شاكر يتحدث عن زوجته: بتدلعني قبل الحفلات..ومبتغيرش عليا من المعجبات

اعرف موعد حفل هاني شاكر وأسعار التذاكر.. تفاصيل

أخر أعمال شيرين عبد الوهاب

ومن الجدير بالذكر أن أخر أعمال شيرين عبد الوهاب أغنية اللي يقابل حبيبي، التي طرحتها منذ عدة أيام عبر موقع الفيديوهات العالمي يوتيوب ولكن تم حذفها بسبب أزمتها مع شركة روتانا للصوتيات والمرئيات، وتقول كلمات الأغنية اللي يقابل حبيبي سلامي أماني ليه لو بيني وبينه ايه، ده مهما كان حبيبي والبعد الله يجازيه اللي يقابل حبيبي ياخد صورة معاه يبعتها من وراه اسرح في عيون حبيبي واحكيله عن الحياة.

"غريبة الدنيا ديا تقرب الحبايب وتلاقي الفرحة جاية تغرب الحبايب، لا رحمت اللي اتساب ولا ريحت اللي سايب، ربي عالم بحالي وأنه من يوم ما غاب بتحايل على الغياب لو يرجعلي حبيب نقفل للبعد باب، ياليالي ياليالي ياليالي قربيه حنني قلبه وهاتيه ومسيره في حضني يجي واحكيله حصلي اي".