إبراهيم فايق: خسارة منتخب مصر أمام المغرب كارثية وإحنا بنشتغل اليوم بيومه وأرزقيه على باب الله

تحدث الإعلامي إبراهيم فايق على خسارة منتخب مصر الأولمبي أمام المغرب في أولمبياد باريس 2024 بسداسية نظيفة، وأكد بأن الكرة المصرية تعمل اليوم بيومه ولا يوجد تخطيط لكل ما يحدث في كرة القدم المصرية، ويستعرض موقع تحيا مصر التفاصيل.

تصريحات إبراهيم فايق

وقال إبراهيم فايق في رسالة عبر “فيسبوك”، خسارة كارثية، فرق واضح في كل حاجة إحنا ناس بنشتغل اليوم بيومه، ارزقيه على باب الله بنفرح باليومية اللي نخدها وبنكسل نشتغل تاني يوم، ما هي بتيجي بالجدعنه والفهلوه.. أخطط ليه وارتب ليه واشتغل قبلها بسنين ليه؟!!".

وأكمل إبراهيم فايق، ‏دي أقصى حاجة ممكن تتعمل في حالة اللاتخطيط دي، جهود فردية من اللعيبة أحيانا رغبة تزيد وتقل، نجاح مدرب بشكل أحادي جدا في ظل مقاومة لكل طلباته، يعني إنت في حالة العبث دي اخدت كل حاجة تقدر تاخدها".

‏وواصل إبراهيم فايق، مستحيل تقدر تنافس المنظومة الجماعية اللي عندها خطة وأهداف واضحة وشكل ونشأة معينة بيوصل أعلى رتم فيها في البطولات الكبيرة علشان كده بكل تقدير ببارك للمنتخب المغربي حقهم وعن جدارة".

واختتم إبراهيم فايق تصريحاته، ‏واحنا خلينا واقعيين مش هيبقى معندناش ونتساوى باللي اجتهد ونظم ورتب لنفسه من سنين.. حزين علشان اللاعيبه بتاعة منتخب مصر الأوليمبي دي والجهاز تعبوا جدا وكانوا يستحقوا ختام أفضل بس مستوعب أنهم اشتغلوا في لا منظومة موجودة من زمان بلا أي نظام.. فالعيب مش هيبقى عندهم أبدا.