محمد علي رزق: اتخضيت أما قالولي هعمل دور مصطفى ضرغام

تحدث الفنان محمد علي رزق عن تفاصيل شخصيته في مسلسل صيد العقارب والذي خاض بطولته إلى جانب الفنانة غادة عبد الرازق، مشيرا إلى أن شخصية مصطفى ضرغام كانت من أصعب الادوار على الاطلاق وبها العديد من التفاصيل المرهقة وكان يفكر في الاعتذار عنها في البداية.

محمد علي رزق: اتخضيت أما قالولي هعمل دور مصطفى ضرغام 

وقال محمد علي رزق في لقاءه مع الإعلامية فاطمة مصطفى في برنامج الراديو بيضحك والمذاع على راديو 9090 في تصريحات رصدها موقع تحيا مصر: كنت ماضي دور تاني خالص وفاجأة لقيتهم بيكلموني بيقولوا انسى الدور ده خالص انت هتعمل مصطفى ضرغام ووقتها اتخضيت جدا لأني كنت قرأت السيناريو وكنت مدرك أن أصعب دور على الورق هو دور مصطفى ضرغام بشهادة كله وكان فاضل اسبوعين على التصوير فقولتلهم مصطفى ضرغام مين فقالوا إن غادة عبد الرزاق ومخرج العمل استقروا عليك انك انت اللي تعمله خلاص ودكتور باهر كلمني قالي ده دور عمرك وفكرت اعتذر عنه لكن قولت لا انا هاخده تحدي وهي تجربة يا صابت يا خابت.

محمد علي رزق: طردت مراتي من البيت عشان اعمل مصطفى ضرغام 

وتابع محمد علي رزق حديثه كاشفا عن تفاصيل تحضيره للشخصية: جبت كتب بتتكلم عن مراحل الشلل الدماغي وبعدين قولت لازم ادرس اكتر عشان مضيعش الفرصة دي مني واندمجت في الشخصية لدرجة اني طردت مراتي من البيت وقولتلها روحي الاربع الايام دول لحد اما تخلص.

محمد علي رزق يشيد بالفنانة غادة عبد الرازق 

واضاف محمد علي رزق: غادة عبد الرزاق ست جميلة وكنت داخلة أول يوم تصوير وواخد عنها التفكير ده، وفي أول لقاء بيني وبينها كان تاني يوم تصوير وكنت فيه داخل في مود مصطفى اوي ودخلت عليا قالتلي انت عامل اي والشغل معاك عمل ازاي امبارح وقالتلي اجمد كدة انت قمر وشاطر وبعدين أنا دخلت في مود المشهد وكنت بعيط قبل التصوير لقتها سندت على كتفي وعملت المشهد عشان ادخل في المود اكتر.

محمد علي رزق: بحب أدوار الشر عشان مغرية وكان نفسي اسم المسلسل يفضل ألف ليلة وليلة

محمد علي رزق يكشف تفاصيل واقعة وفاة تامر ضيائي: فرد الأمن أخد فلوس عشان يدخل ناس قبله

مسلسل صيد العقارب من بطولة غادة عبد الرازق إلى جانب كل من النجوم ؤرياض الخولي، وسيمون في عودة قوية لها بعد غياب دام كثيرا، فضلا عن الفنان محمد علي رزق الذي ظهر بشكل مختلف تماما عن أدواره السابقة وأيضا الفنان محمد علاء جاميكا.