محمد علي رزق: بحب أدوار الشر عشان مغرية وكان نفسي اسم المسلسل يفضل ألف ليلة وليلة

حل الفنان محمد علي رزق ضيف على برنامج الراديو بيضحك والذي تقدمه الإعلامية فاطمة مصطفى على راديو  90 90، وتحدث من خلاله عن تفاصيل مشاركته في مسلسل جودر وصعوبة الجرافيك أثناء التصوير مشيرا إلى أنه لم يقابل ياسر جلال نهائيا في العمل.

محمد علي رزق: وافقت على جودر قبل ما أقرأ الدور

قال محمد علي رزق في تصريحات رصدها موقع تحيا مصر: وافقت على جودر قبل ما اقرأ الدور مجرد فكرة ألف ليلة وليلة فرحتني اللي هو حاجة بتاعتنا وأحنا صغيرين فالله بجد همثلها ومكنتش خايف خالص لاني كان معايا عناصر قوية من سيناريو وإنتاج وأخرج وجرافيك والناس كلها مضت ألف ليلة وليلة بدون خوف وخوفي الوحيد بأن الجيل ده ميفهمهاش أنا كنت مراهن على جيلنا.

محمد علي رزق: كان نفسي المسلسل يفضل ألف ليلة وليلة وتغيره كان في مصلحته 

وتابع محمد علي رزق حديثه: كان نفسي اسم المسلسل يفضل ألف ليلة وليلة، لأن مرتبط بيا وانا صغير بس الشركة المنتجة كان ليها رأي تاني وجودر شد الناس عشان كانوا محتاجين يعرفوا قصته اي، فالموضوع كان في مصلحة المسلسل أكتر.

وعن صعوبة تصوير المشاهد التي تحتوي على جرافيك، قال محمد علي رزق: كان فيه مشهد نور بتحط بخور معين والبخور ده بيتحول لدخان كبير والدخان ده بيتعمل جرافيك والمفروض أننا نكح وكدة فقولتله خايف نطلع أوفر وميكونش اللي بنعمله ده مناسب مع اللي هيظهر في الجرافيك.

محمد علي رزق: بطلع طاقتي المكبوتة في أدوار الشر فبتطلع حلوة 

وعن سبب ارتباطه بأدوار الشر، قال محمد علي رزق: بحب أدوار الشر عشان مغرية الواحد بيبقى عنده طاقات مكبوتة فبيطلعها في أدوار الشر، أنا مش هعرف ابقى شرير مع الناس في الشارع وأنا أما حد بيزعلني بقول الله يسامحه ربنا اللي هيجبلي حقي، فبطلع شري في التمثيل فبيطلع حلو جدا.

محمد علي رزق يحصد جائزة أفضل ممثل دور ثانى بمهرجان همسة للاداب والفنون  فى دورته الــ 12

جدير بالذكر، أن مسلسل جودر من بطولة ياسر جلال وتم عرضه ضمن سباق مسلسلات رمضان 2024 وحقق نجاحات كبيرة خلال فترة عرضه وشارك في بطولته أيضا كلا من النجوم نور اللبنانية، ياسمين رئيس، وفاء عامر، تارا عماد، أحمد بدير، عبد العزيز مخيون، علي صبحي، وليد فواز، رشوان توفيق، ياسر الطوبجي، أحمد كشك، جيهان الشماشرجي، عايدة رياض، محمود البزاوى، مجدى بدر، عابد عنان.