محمد علي رزق يكشف تفاصيل واقعة وفاة تامر ضيائي: فرد الأمن أخد فلوس عشان يدخل ناس قبله

كشف الفنان محمد علي رزق عن تفاصيل جديدة في واقعة وفاة الفنان تامر ضيائي، وذلك من خلال منشور عبر حسابه الشخصي على موقع التواصل الاجتماعي فيسبوك.

تفاصيل جديدة في واقعة وفاة تامر ضيائي

وكتب محمد علي رزق في منشوره الذي يرصده موقع تحيا مصر: شهادة لوجه الله، أنا أعرف تامر ضيائي من ٢٠٠٤ من أيام فرقة عين الشمس، ودخلنا مركز الإبداع سوى في ٢٠٠٦ وفضلنا صحاب لغاية ماربنا إسترد أمانته، تامر ضيائي طول عمره إنسان محترم و على مدار ٢٠ سنة عمري ماشوفت تامر  متعصب أو شخص متجاوز، إللي حصل مع تامر يوم وفاته شئ مهين خلاه ينفجر.

وتابع: تامر بقاله ١٧ سنة بيراعي زوجته في مرضها عمرنا ماسمعنا عنه إنه عمل مشكلة وكان صابر وراضي بقضاء ربنا، تامر لم يتجاوز الدور زي ماقالوا…بشهادة سوزان زوجتة إنهم كانوا واخدين رقم ٤٢١ ولما جيه الرقم إللي قبلهم بدأوا يقربوا من الباب ولما وصل كان رقمه جيه الأمن منعه وقاله فيه ناس هتدخل الأول فتامر رفض إن حد يتجاوز دوره ومن هنا بدأت المشكلة.

محمد علي رزق: تامر ضيائي معملش حاجة غير أنه اتمسك بحقه

واضاف محمد علي رزق: تامر إنفجر علشان مراته التعبانه إللي قاعدة مستنية دورها علشان تاخد الجلسة فيلاقي الأمن بياخد فلوس علشان يدخل ناس قبل دورها، تامر ماعملش حاجه غير إنه إتمسك بحقه و لما لاقى الراجل بيتعامل معاه بشكل مهين إنفجر، حسبي الله ونعم الوكيل، ربنا يرحمك يا تامر ويجعلك من أهل الجنة.

صديق تامر ضيائي: صلينا عليه الجنازة 3 مرات.. وكان طول عمره راجل

محمد علي رزق يحصد جائزة أفضل ممثل دور ثانى بمهرجان همسة للاداب والفنون  فى دورته الــ 12

أخر أعمال محمد علي رزق

ومن الجدير بالذكر أن أخر أعمال محمد علي رزق فيلم السيستم والذي تدور أحداثه حول قصة الشاب (وحيد)، الذي يعاني من الفشل في العلاقات العاطفية، وعدم قدرته على التعامل مع النساء، فيلجأ إلى صديقه (مصطفى) ليُساعده ويمده بالخبرة من واقع تجاربه العاطفية السابقة.

وشارك في بطولة الفيلم عدد كبير من النجوم والنجمات، منهم: طارق لطفي، أحمد الفيشاوي، نسرين طافش، بسنت شوقي، محمد علي رزق، ميس حمدان، وغيرهم، والفيلم من تأليف أحمد مصطفى، وإخراج أحمد البنداري.