أحمد السقا: الجدعنة خسرتني كتير ووالدي ضربني مرة واحدة في حياتي لهذا السبب

حل الفنان أحمد السقا ضيف على برنامج بيت السعد والذي يقدمه كلا من الفنان عمرو سعد والفنان احمد سعد وبدأوا حديثهم عن الجدعنة وحرص السقا الدائم على الوقوف بجانب أصدقاءه في العزاءات والجنازات وغيرها وكيف لا يفوت فرصة عليه ليثبت مدى جدعنته.

عمرو سعد: مفيش عمل لأحمد السقا مكسرش الدنيا 

تحدث عمرو سعد وأحمد سعد عن نجاحات أحمد السقا في عدد من الأعمال الفنية بالفترة الأخيرة، ليعلق عمرو سعد في تصريحات رصدها موقع تحيا مصر: مفيش عمل لأحمد السقا مكسرش الدنيا مافيا وافريكانوا لسة لحد دلوقتي بيعملوا عليه فيديوهات على التيك توك.

أحمد السقا يتحدث عن الجدعنة وأحمد سعد: عندي نقص فيها 

وتطرق أحمد السقا بالحديث عن الجدعنة حيث قال: ربنا ما يحوجني لحد ولا يحوج حد ليا، لما حد يقع في ضيقة أو أزمة هو بيبقى مستني يكون كل اللي بيحبهم جنيه فبحاول اكون موجود دائما معاهم.

وعلق أحمد سعد على هذا الأمر، قائلا: انا عندي مشكلة في اني اعمل الواجب.. ليرد عليها السقا: لازم تتخلص من العادة دي عشان تلاقي حد يقف جبنك.

أحمد السقا: وجداني اتشكل من والدي وضربني مرة واحدة في حياتي 

وقال أحمد سعد للفنان أحمد السقا أيضا: كلمنا عن الجدعنة عشان انا عندي نقص فيها ليرد عليها السقا قائلا: ده فضل من ربنا وأبويا اللي علمني اني كلمتي عهد.

وتابع السقا حديثه:  أبويا ضربني مرة واحدة في حياته وكنت في تانية جامعة عشان زعقت لامي وكنت بقولها هنط من البلكونة ومتعصب، وبعدها لقيت والدتي بتكلم أبويا فرنساوي وبعدها لقيته بيقولي نط مش قولت هنط نط ولقيته قام ضربني بالقلم وقالي عشان الكلمة اللي تقولها تعملها بعد كدة .. القلم كان فيه تجريح عشان كدة عمري ما ضربت عيالي لحد دلوقتي.

واختتمت أحمد السقا حديثه، قائلا:  الجدعنة خسرتني كتير وأبويا اللي شكل وجداني واتعلمت أن الكبير والصغير ليه احترامه.

خده في حضنه.. انهيار أحمد السقا أمام مقابر المنتج تامر فتحي بحضور نجوم الفن

غالي اوي .. سعر جاكيت عمرو سعد في برنامجه الجديد

من ناحية أخرى، كانت أخر أعمال أحمد السقا مشاركته في مسلسل العتاولة الذي حقق نجاحا كبيرا في فترة عرضه ضمن سباق مسلسلات رمضان 2024، وشارك به إلى جانب الفنان طارق لطفي وباسم سمرة وزينة ونهي عابدين، وغيرهم من النجوم.