كزبرة: يوم نتيجة الثانوية العامة أصعب أيام حياتي لكن ميأستش

كشف مطرب المهرجانات الشعبية كزبرة عن معاناته مع نتيجة الثانوية العامة والتي تعد من بين السنوات المصيرية، مشيرا إلى أنه حصل على مجموع 67% ولكن رغم ذلك لم ييأس أبدا واستمر في السعي حتى حقق اول جزء من حلمه.

كزبرة: جبت 67% في الثانوية العامة ولكن ميأستش

وكتب كزبرة في منشور عبر خاصية ستوري بموقع تبادل الصور والفيديوهات انستجرام ورصده موقع تحيا مصر: يوم النتيجة بيفكرني بأصعب أيام حياتي زي النهاردة أنا كنت جايب 67% في الثانوية عامة وساعتها المجموع ده مكنش أحسن حاجة وقولت الحمد لله وساعتها قولت أنا هفضل مركز في الحاجة اللي بحبها ومحدش كان مصدقني وأقرب الناس ليا ودعيت ربنا إنه يكرمني وميأستش والحمد لله وصلت لأول سلمة من حلمي السنة دي بعد ما اتمرمط سنين وانتقادات توصل الواحد إنه ينتحر.

وتابع كزبرة حديثه، قائلا: فأنا حابب أقولكم إن الدنيا حلوة وربنا أكيد ليه حكمة في اللي بتحصل وبيدي كل واحد على قد تعبه فمحدش ييأس والدنيا موقفتش وتقدر تثبت لنفسك ولكل اللي حواليك إنك تقدر تنجح وربنا يكرم الجميع، وبالنسبة للناس اللي نجحت وجابت مجموع اللي نفسها فيه مبروك وربنا يكتب للجميع الخير والنجاح الدايم.

كزبرة يحضر الموسم الثاني من فيلم الحريفة

من ناحية أخرى، يحضر كزبرة للموسم الثاني من فيلم الحريفة وذلك بعد النجاح الساحق الذي حققه الموسم الاول من العمل، وروج كزبرة لهذا الموسم من خلال فيديو على حسابه الرسمي بموقع فيسبوك، قال فيه: بجد أنا بيتبعتلي فيديوهات شباب بتمثل بجد مكنتش متخيل إن فيه شباب موهوبة كده، بإذن الله كل واحد فيكم هيوصل لحلمه ومحدش ييأس وبجد أنا ببقي مبسوط أوي، وأنا بتفرج على كل فيديو بيتبعتلي وبإذن الله زي ما الحريفة كان فاتحة خير عليا هيبقي فاتحة خير على شباب كتير.

كزبرة وأحمد غزي يحتفلان بـ عيد ميلاد نور النبوي |صور

كزبرة عن الجزء الثاني من فيلم الحريفة: هيبقي فاتحة خير على شباب كتير

تفاصيل فيلم الحريفة 

يذكر، أن فيلم الحريفة من بطولة النجوم نور النبوي، أحمد غزي، نور إيهاب، خالد الذهبي، بيومي فؤاد، والكابتن أحمد حسام ميدو، وأحمد بحر الشهير بـ كزبرة، والعمل من تأليف إياد صالح، وإخراج رؤوف السيد، وحقق العمل نجاحا ساحقا في السينمات المصرية والعربية وحصد اشادات كبيرة من الجمهور ليكون "وش السعد" على كزبرة ومن هنا بدأت مشاركاته الفنية.