أول رد من حسام حبيب على اتهامات شيرين عبد الوهاب: عملت كدة عشان مش برد عليها

خرج المطرب حسام حبيب للرد على اتهامات طليقته الفنانة شيرين عبد الوهاب والتي تتهمه بها بالاستيلاء على أموالها و تحويل اموال له بحوالي 200 ألف دولار، مشيرا إلى أنه بريء من كل هذه التهم وأنها فعلت ذلك بسبب تجاهله لها.

حسام حبيب ردا على اتهامات شيرين عبد الوهاب: خجلان من اللي بيحصل 

قال حسام حبيب في تصريحات رصدها موقع تحيا مصر على قناة et بالعربي: أنا خجلان من اللي بيحصل ومش عارف أقول إيه للناس طبعا الناس عندها حق تزهق والله ده ما أنا ولا دي شيرين التصرفات دي بريء منها تماما أنا مستغرب اللي بيحصل أكتر منكم ممكن يكون دا حصل عشان خاطر هي بتحاول تتصل بيا بقالها يومين تلاتة وأنا رفضت أرد عليها تماما وقولت المرة دي مش هينفع أسامح زي كل مرة.

حسام حبيب: كل اتهامات شيرين كذب وبينا القانون 

وأضاف: كل اتهامات شيرين كاذبة يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي ياما بتدلعني بقى.

واختتم حسام حبيب حديثه، قائلا:  شيرين عبدالوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك.

بيهدد شيرين عبد الوهاب وبيسرق فلوسها.. أحداث أزمة حسام حبيب

القصة الكاملة لـ حقيقة عودة شيرين عبد الوهاب إلى حسام حبيب

اتهامات شيرين عبد الوهاب لحسام حبيب 

وكانت شيرين عبد الوهاب قد خرجت في تصريحات متداولة وفتحت النار على حسام حبيب مشيرة إلى أنه قام بتعذيبها ودائما ما يقوم بتهديدها وكان المسؤول عن أموالها وقام بسرقتها وحاول أن يزرع الكره في قلب ابنتها كما أنه قام بتحويل مبلغ مالي لنفسه قدره 200 ألف دولار ناسبا كل نجاحات شيرين عبد الوهاب لنفسه، وهو الأمر الذي جعل الثنائي يتصدر التريند من جديد في الساعات القليلة الماضية.