سيد صادق: اتعرض عليا دور مسلسل حق عرب ورفضته.. وعبد العزيز مخيون على تواصل دائم معايا

كشف الفنان سيد صادق أنه تم عرض عليه دور في مسلسل حق عرب بطولة أحمد العوضي والذي عرض في رمضان 2024، ولكنه رفض المشاركة مؤكدًا أنه يشتاق للعمل والجمهور كثيرًا، وأكد أنه على تواصل دائم مع الفنان عبد العزيز مخيون.

سيد صادق: بتواصل مع عبد العزيز لأنه جاري 

تحدث الفنان سيد صادق عن علاقته بنجوم الوسط الفني، من خلال تصريحات خاصة لكاميرا تحيا مصر، وقال: "اللي بيتواصل معايا بتواصل معه لكن اللي عايش معايا من زمان عبدالعزيز مخيون جاري، وساكت في العمارة اللي قدامي وأعرفه من سنة 1964، والفنان العظيم والمخرج الملك مجدي أبو عميرة".

سيد صادق: مضطر ارتبط بالزمن الجميل لأن يلاقي نفسي فيه

ومن جانبه، تحدث سيد صادق عن ارتباطه بأعمال الزمن الجميل، مؤكدًا أنه لا يتابع الأعمال الجديدة، وقال: "مضطر أني ارتبط بالزمن الجميل لأن يلاقي نفسي وأنا بتفرج على الأعمال القديمة، كل الفنانين الجيل ده كويسين مواهبهم حلوة وعملوا شغل كويس ولكن للأسف أنا مش بتفرج على الأعمال الجديدة خالص".

بعد شائعة بيعه أثاث منزله.. سيد صادق لـ تحيا مصر: حاجة بايخة وعيب جدًا

سميرة سعيد تعود للأغاني الجريئة بأغنية زن.. تفاصيل

وأضاف سيد صادق قائلًا: "الجمهور واحشني قد ما أنا واحشهم آلاف المرات لكن لدوقتي أصبحت مسن الحمدلله صحتي كويسة وكل حاجة، وأنا اتعرض عليا أعمال كويسة ولكن رفضتها لأن لما اشتغل مع كاست لازم أكون نشيط، ولكن معنديش جهد اجري ورا حد أو أطلع السلم السن بتاعي مايسمحش".

سيد صادق: اتعرض عليا حق عرب ورفضت

وعلى صعيد متصل، كشف سيد صادق سبب اعتذاره عن مسلسل حق عرب، وقال: "خايف أقبل وأعطل الناس عشان كده بعتذر أحسن واتعرض عليا رمضان اللي فات مسلسل حق عرب، وكان دور جميل والكاست حلو وأحمد العوضي شخصية جميلة".

وعن كواليس عرض مسلسل حق عرب عليه، قال سيد صادق: "متواصلتش مع أحمد العوضي عشان الدور أنا جالي السيناريو وقرأته ولاقيت أني هبذل مجهود مش عندي دلوقتي قررت احترم نفسي وأقعد في بيتي".

وأضاف سيد صادق قائلًا: "أنا حابب اشتغل ولكن مش حابب اعطل حد لأن صحتي مش زي زمان  والتمثيل مش سهل والناس فاكرة أنه سهل، ولكن هو أصعب ما يمكن ولازم يكون عندك صحة وقوة أنك تكمل الحاجة اللي بدأتها ومتعطلش حد لأن دي فلوس ناس".