بعد شائعة بيعه أثاث منزله.. سيد صادق لـ تحيا مصر: حاجة بايخة وعيب جدًا

تداول رواد السوشيال ميديا أخبار عن تدهور الحالة المادية للفنان سيد صادق وأن قام ببيع أثاث مما أثار الجدل عبر السوشيال ميديا خلال الساعات الأخيرة، ولكن نفى سيد صادق كل هذا.

سيد صادق: أنا في الأصل تاجر قبل التمثيل

كشف الفنان سيد صادق لكاميرا تحيا مصر حقيقة الأخبار التي تم تداولها السوشيال ميديا، وقال: "أنا بطمن الجمهور أنا حي أرزق، وأنا أنا أصلا تاجر والمحل ده أنا فاتحه سنة 1964 ومتواجد فيه وبدأت الفن سنة 1979".

وأشار سيد صادق إلى أول ظهور له في الفن من خلال باب المسرحية، وقال: "كان أول ظهور ليا مسرحية مطلوب حيًا مع نبيلة عبيد وبكر عزت الله يرحمه وإسعاد يونس الجميلة وبعدها توالت الأعمال".

سيد صادق: بحب مسلسل السراب وفيلم التجربة الدنماركية

ومن جانبه، تحدث الفنان سيد صادق عن أقرب الأعمال الفنية لقلبه، وقال: "في أدوار ليا كنت بحبها زمان ولكن الزمن نساها لي شويه ونسيتها ولكن في أعمال دلوقتي من 15 أو 20 سنة زي مسلسل الحقيقة والسراب وفيلم التجربة الدنماركية وبحب مشهد الفرح فيه".

بعد نجاحه في فيلم عصابة الماكس.. مصطفى بسيط يحصل على الإقامة الذهبية في الإمارات

الأبرز إشاعة حب.. هل تنجح السينما في تقديم أعمال قديمة برؤية جديدة؟

وأكد سيد صادق أن في الفن لا يهم حجم الدور لي العمل الفني ولكن الأهم التأثير، وقال: "والعبرة مش بتعمل قد إيه في الفيلم ولكن تعمل حاجة تأثر على المتلقي ويفضل موجود لحد دلوقتي". 

سيد صادق عن إشاعة بيع أثاث منزله: اتضايقت جدًا

وعلى صعيد متصل، كشف سيد صادق عن غضبه بسبب تداول شائعة بيع أثاث منزله وتدهور حالته المادية، وقال: "زعلان من بعض الناس على السوشيال ميديا لأن تفاجئت إمبارح أني مش لاقي أكل وبعت عفشي بيتي إيه الكلام ده الحقيقة اتضايقت جدا، أولًا معرفش مين ده هو أخد لقطات من احاديث سابقة ومعملش معايا حوار وهو جاب الكلام ده منين".

واختتم سيد صادق قائلًة: "وبعدين الكلام ده يضرني أنا عندي أسرة وعندي أصدقاء لما يقرأوا حاجة زي دي هيقول ايه حاجة بايخة جدا عيب، أنا محافظ على المحل ده من قبل دخولي للفن لحد دلوقتي والفنانين الكبار كانوا بيجوا لي المحل هنا".