شادي شامل: عملت بوتكس وبحب أدلع نفسي.. وولدي كان صارم جدًا معايا

حل الفنان شادي شامل ضيف على برنامج خلاصة الكلام للإعلامية أميرة بدر والمذاع عبر شاشة قناة النهار، وكشف تفاصيل عن حياته الشخصية، وأكد أنه خضع لبعض الإجراءات التجميلية، وكيف كانت علاقته بوالده.

شادي شامل: بحب نفسي جدًا وده مش غرور

تحدث شادي شامل عن سبب تغيير شكله عن قبل الشهرة من خلال برنامج خلاصة الكلام، رصده لكم موقع تحيا مصر، حيث قال: "بحب نفسي جدًا وواثق من نفسي وده مش غرور ولا تكبر بصحى الصبح أبص لنفسي في المرايا وبدلع نفسي، أنا من الشخصيات اللي بتحب تكلم نفسها وساعات بكون مش طايق أبص لنفسي في المرايا".

وعن خضوعه لعمليات تجميل قال شادي شامل: "بعمل بوتكس وعملت فيلر من كام سنة، ومش عيب الراجل يهتم بنفسه لو حاجة هتحلي من شكلك أعملها، وده ميقللش من الواحد زي ما الست بتهتم بنفسها لازم الراجل يهتم بنفسه ولكن في إطار معين".

شادي شامل: كنت بضايق من الانتقادات ودلوقتي ولا الهوا

ومن جانبه، أكد شادي شامل عدم اهتمامه بالانتقادات التي يتعرض لها دائمًا، وقال: "زمان كنت بضايق من الانتقادات ولكن دلوقتي ولا الهوا العالم كله بقى يعمل تجميل ومادام واثق من نفسي أنا تمام".

أمير صلاح الدين: ليا الشرف إني أكون مع أسطورتي المايسترو هاني شنودة

ياسمين عز: لازم تكوني صبورة وتدلعي الراجل.. ومعنديش نصايح للندمانين

وعن أصعب فترة مر بها، قال شادي شامل: "عشت فترة لوحدي بعد انفصال أهلي في مصر كان عندي 19 سنة، واتعلمت اعتمد على نفسي كانت صعبة لأني بعمل كل حاجة لوحدي ومع ذلك الوحدة لذيذة، وكنت شقي وأنا صغير وعندي سقف للغلط وعرفت بنات كتير وفي فترة المراهقة كنت بحب المزيكا والمخدرات بتاعتي كإدمان يعني كانت المزيكا".

شادي شامل: والدي كان صارم وكان يومي أسود لو قولت له أنت

وفي نفس السياق، تحدث شادي شامل عن علاقته بوالده، وقال: "والدي كان صارم جدا ونادرًا لو مد ايديه ومينفعش أقوله انت كان يومي أسود لو قولتها، لازم اقول حضرتك ولو دخل عليا الأوضة لازم أقوم أقف وأبوس أيديه مينفعش أكل على السفرة إلا لما يجي ولا أقوم من على السفرة إلا بعد ما يقوم الأول".

واختتم شادي شامل قائلًا: "لكن حنية الدنيا كانت فيه ودائما بيحضني وأنا بشكره على الشدة دي لما كبرت عرفت أن اللي عمله هو الصح وبقينا أصحاب جدًا، لكن مش بعامل ولادي كده بعملها بطريقة معدلة شوية، وحسيت بالقهر في مواقف اتعرضت لها على مدار حياتي".