هل المعتدي على والديه له توبة؟ خالد الجندي يجيب

قال الشيخ خالد الجندي، عضو المجلس الأعلى للشئون الإسلامية، إن من يتطاول على والدته بالضرب أو الاعتداء أيا كان ليس له توبة مهما فعل إلا بعد أن تغفر له والدته.

وقال عضو المجلس الأعلى للشئون الإسلامية، خلال حلقة برنامج "لعلهم يفقهون"، المذاع عبر فضائية "DMC"، اليوم الخميس: "فى ست ابنها ضربها كلمتنى وقالت لى إنه ضربها وبتسألنى إنى أدعى له ربنا يهديه، دى هل هناك علاقة ممكن تنشأ بين ولد زي ده وأمه؟".

خالد الجندي: لا طاعة لمخلوق في معصية لخالق

خالد الجندى: حسن معاملة الجار تطول العمر

قمة الحنان والرحمة 

وتابع: "أنا استغربت إيه اللي جوا قلبك يعني إنت جواك إيه اللي ماشي في عروقك إيه ده دم عشان ترفع إيدك على أمك؟، أنا نفسي أفهم إنت إنهي بني آدم، النقطة الثانية قمة الحنان والرحمة من هذه الأم برضه هتلاقي ناس يقول لك معلش ممكن يكون متوتر نفسياً أو عانى نفسياً والكلام ده أنا ماليش دعوة بالكلام".

تربية الأبناء تربية سليمة

حذر الشيخ خالد الجندي، عضو المجلس الأعلى للشئون الإسلامية، من عدم تربية الأبناء تربية سليمة، لافتا إلى أن البعض ترك التربية والقيم والأخلاق التى تربينا عليها بسبب أم مغيبة أو أب مشغول.

وَأْقِصْدْ فِي مَشِيكَ وَاغْضُضْ مِن صَوْتِكَ

وقال عضو المجلس الأعلى للشئون الإسلامية، خلال حلقة خاصة بعنوان "حوار الأجيال"، ببرنامج "لعلهم يفقهون"، المذاع على فضائية "dmc": "لازم نربي أولادنا على ايه اللي يليق وإيه اللى لا يليق فعله؟ كانت أمي، والله أقسم بالذي أنزل هذا القرآن، فاكرها زي دلوقتي وأنا صغير،  تقوليلي: "افرد ظهرك وأنت ماشي، ما حدش كسر عينك، خلي عندك عزة نفس وانت ماشي وأنا طفل صغير مش فاهم الكلام ده فهمته لما كبرت زي ما لقمان كان بيقول لابنه: "وَأْقِصْدْ فِي مَشِيكَ وَاغْضُضْ مِن صَوْتِكَ".

آداب يجب على الأبناء تعلمها

وتابع: "يعني لازم الأب والأم يتدخلوا في نبرة صوت بنتهم، صوتك ما يعلاش، صوتك ما حصلش فيه كذا وانت بتتكلمي، وانت ماشية وانت بتاكلي وانت بتبصي وانت بتضحكي وانت لابسة وانت كل حاجة يا جماعة كانوا بيدخلوا في المشي، في الأكل، في الصوت، وانت بتخبطي على الباب ما تخبطيش أكتر من ثلاث مرات، ولما تخبطي على الباب تتنحي على جنب ما تقفيش قدام الباب وانت داخل تسلم على اللي موجودين، وواحد صغير وواحد كبير، معدي هو اللي يعدي قبل منك، وواحد طالع السلم الكبير يطلع قبل منك، ولو ست أنت اللي تطلع قبل منها ما تمشيش، ما تطلعش وراها، وانت نازلة السلم لازم تنزلي قبل منها، ما تنزليش ورا منها علشان تاخدي بيدها لو حصل أي تعصر أو خلافة، ولازم يكون عينك في الأرض لما تكلمي امرأة، ولازم يكون صوتك واغضض من صوتك، إن انكر الأصوات الصوت الحمير لازم تغسل إيديك.

تربية ابنك عملك الصالح أمام ربنا يوم القيامة

وأكمل: لازم تقصي ضوافرك، لازم تلمع جزمتك، لازم تنظف وشك، لازم تصلي لله سبحانه وتعالى، لازم تشكر ربنا، لازم كل الكلام ده قواعد، فين الكلام ده؟ الكلام ده للأسف الشديد، البعض تركه، لأن أما مغيبه أو أبا مشغولاً، دي الكارثة أعظم مشروع، يا إيها الأب ويا إيتها الأم. هو تربية ابنك اللي هتقابل بيه ربنا يوم القيامة، هو ده عملك الصالح اللي ربنا بيقوله في سورة يس: "إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ". دي الآثار اللي هتقابل بها الواحد القهار".