كريم فهمي: أنا أهلاوي ولعبت في الزمالك وبقيت كابتن فريق
ADVERTISEMENT
كشف الفنان كريم فهمي عن انتماءه الكروي، وعن تجربته في نادي الأهلي والزمالك، كما تحدث عن بدايته في طب الأسنان والسبب في الابتعاد عنه ودخوله التمثيل من خلال بودكاست فايق ورايق.
كريم فهمي: لعبت سنتين في الأهلي وانتقلت للزمالك
أكد كريم فهمي أن انتماءاته الفنية من خلال بودكاست فايق ورايق، رصده لكم موقع تحيا مصر، وقال: "لعبت سنتين في الأهلي وبسبب مشاكل في الملاعب اتعرض عليا أروح نادي النيل وبابا رفض، بعدها اقترح عليا ألعب في الزمالك وده كان صعب عليا أوي، روحت مع صاحبي نادي الزمالك وقبلونا بسبب مستوانا في اللعب وتاني سنة كنت كابتن فريق".
وأضاف كريم فهمي قائلًا: "بعدها الرجوع للأهلي كان صعب لأني وقتها كنت كابتن فريق في الزمالك واستمريت معهم لحد 19 سنة، وروحت مع الزمالك منتخب مصر الناشئين وشوفت حاجات حلوة أوي جوه نادي الزمالك، شوفت فترة في حياتي اتبسط بها جدا وكانوا عارفين اني أهلاوي بس لما لعبنا ضد الأهلي جبت هدفين".
كريم فهمي: أشتغلت حاجات كتير وأنا في الجامعة
وعلى صعيد متصل، تحدث كريم فهمي عن المهن التي عمل بها أثناء دراسته، وقال: "في الجامعة أنا وأحمد كل واحد فينا اعتمد على نفسه بشكل كامل، أشتغلت حاجات كتير وأنا في الجامعة وكنت بحتاج أعمل فلوس، دلوقتي بقول الحمدلله أني عملت كده وفرقت معايا بشكل كبير".
واسترسل كريم فهمي وقال: "اشتغلت مساعد مدرس انجليزي وكنت باخد 400 جنيه وفي شركة طباعة وفي مستوصفات طبية، سقطت في اعدادي وفي سنة تانية جامعة مش بعرف أذاكر حاجة مش فاهمها أو مش حاببها، في الجامعة حبيت العملي أكتر من النظري واتخرجت من الجامعة بشق الأنفس".
كريم فهمي: قررت أسيب مهنة الطب بسبب الفن
كما تحدث كريم فهمي عن سبب ابتعاده عم مهنة كب الأسنان، وقال: "تعبت أوي في الجامعة لأن وقتها كنت بصرف على نفسي وبلعب كرة وقتها، وبعد ما اتخرجت فضلت اشتغل لحد ما جبت عيادة في فيصل بالقسط".
واختتم كريم فهمي قائلًا: "لما الدنيا مشيت شويه أخدت عيادة في المهندسين ومن هنا قررت أسيب مهنة طب الأسنان، لأن في الوقت ده كنت شغال على فيلم بيبو وبشير وكنت بحب الكتابة ومسلسل عرض خاص، جبت دكاترة زملاء تمسك العيادة بدالي ولكن اتسرقت والعبادة خسرت وحصلت مشاكل وأنا اللي كنت في الوش".
جوجل نيوز
تطبيق نبض
