كريم فهمي: عندي ADHD .. والخبرات الحياتية فادتني في التمثيل والتأليف

تحدث الفنان كريم فهمي عن حياته الشخصية وبداية عمله في طب الأسنان من خلال لقائه مع الإعلامي إبراهيم فايق بـ بودكاست فايق ورايق، وكشف عن تفاصيل لأول مرة.

كريم فهمي: ربنا هو السيناريست الأعظم

كشف الفنان كريم فهمي تفاصيل حياته الشخصية في بودكاست فايق ورايق، رصده لكم موقع تحيا مصر، وقال: " أنا دائما بقول أن ربنا هو السيناريست الأعظم ودي جملة ياريت تتفهم صح، مهما كنت عايزين نبقى حاجة معينة لكن هو كاتب لنا الأنسب، كل التجارب الحياتية اللي مريت بها قبل كده بتفيدك في الحتة اللي هو اختارها لك".

وعن بدايته في دبي الأسنان والآن في مجال التمثيل والتأليف، قال كريم فهمي: "عديت بمراحل كتير منها كرة ومدارس معينة وصلتني أني أبقى دكتور أسنان، بعد الخبرات الحياتية اللي أخذتها منها قررت أوقف الشغل ده واشتغل حاجة تانية، كل التجارب اللي عديت بها فادتني بشكل مرعب خاصة في التأليف والتمثيل".

كريم فهمي: استيعابي مختلف عن الباقيين في المدرسة

وفي نفس السياق، تحدث كريم فهمي عن معاناته في المدرسة، وقال: "أنا دخلت المدرسة بدري سنة وكان عندي مشكلة كبيرة جدا في المدرسة، كنت بحس أني استيعابي مختلف عن الباقيين مكنتش بفهم غير اللي أنا حابه".

عزة مجاهد وشحتة كاريكا وطاهر أبو ليلة يكشفون تفاصيل فيلم توب تريند T.T قبل طرحه| صور

كان حاسس بالهزيمة.. تفاصيل أخر أيام فاروق الفيشاوي في ذكرى رحيله

وأكد كريم فهمي أنه يعاني من ADHD والتي سببت له العديد من المشاكل في طفولته، وقال: "كانوا بيقولوا عليا ذكي بس لعَبي، وأنا عندي ADHD فرطة حركة على تفكير معين مش بعرف أركز غير على حاجة واحدة بس، كنت صغير معرفش أن دي ADHD وده تعبني ولما كبرت عرفت أني أذكى بكتير من غيري".

وأضاف كريم فهمي قائلًا: "أي حد عنده ADHD عنده سوبر باور ومحدش يقدر ينافسه في الحتة دي، مكنتش شاطر في المدرسة غير لما قررت أني عايز أدخل طب أسنان، وفترة الثانوية انفصلوا أهلي عن بعض وكنت قاعد لوحدي تقريبًا".

كريم فهمي: مكنتش شاطر غير في الثانوية ودخلت طب أسنان

وعن مرحلة الثانوية العامة قال كريم فهمي: "فضلت أذاكر في اليوم ما لا يقل عن 16 لـ 18 ساعة، كنت واخد تفوق رياضي وقتها ومكنتش شاطر إلا في ثانوية عامة ودخلت طب أسنان، وكنت عامل زي ياسمين عبد العزيز في فيلم الثلاثة يشتغلونها وكل فترة كنت بشخصية معينة في المدرسة".

وتابع كريم فهمي قائلًا: "مكنتش من الناس اللي مقطعة السمكة وديلها وبتاع مشاكل لكن عندي كرامتي أهم حاجة، كنت في مدرسة منر هوس سكول أنا وأحمد أخويا، مكنتش بعرف اتعامل مع طلاب المدرسة لأن من الطبقة الراقية وبما كنت بلعب في نادي الزمالك برضو معرفتش اتعامل معهم، وده عمل لي صدمة أحد ما بقيت أعرف اتعامل مع كل الطبقات".