كريم فهمي: في أفلام مش راضي عنها.. أجري بالتمثيل أعلى من التأليف

حل الفنان كريم فهمي ضيفًا على بودكاست فايق ورايق للإعلامي إبراهيم فايق، وكشف فيه عن تفاصيل أعماله الفنية، وأكد كريم فهمي أن هناك أعمال من تأليف غير راضي عنها تمامًا مؤكدًا أن أجره كفنان أعلى من أجره كمؤلف.

كريم فهمي: في أفلام راضي عنها بنسبة 80% لحد 30%

تحدث الفنان كريم فهمي عن الأعمال التي شارك فيها كمؤلف من خلال بودكاست فايق ورايق، رصده لكم موقع تحيا مصر، وعلق قائلًا: "عندي حوالي 13 فيلم نزلوا ليا ولكن في أفلام راضي عنها بنسبة 80% لحد 30%، في أفلام مش راضي عنها نهائي لأن المخرج محترمش اللي أنا كاتبه ولا دماغي".

وتابع كريم فهمي قائلًا: "ده حصل لي في تاني فيلم ماتبسطش بالتجربة غير بعدين لأني اتعلمت منها لكن ساعتها كنت مضايق أوي، اتعلمت مسبش شغلي حتى لو 1% عشان ميحصلش مشكلة حتى لو اتقال أني مؤلف غلس وبتدخل في كل التفاصيل، في أفلام اتبسط بها جدًا زي بيبو وبشير وعلي بابا وهاتولي راجل بحبه جدًا تالت فيلم أكتبه، وطول الوقت بدور على الأفكار اللي برا الصندوق".

كريم فهمي: عندي ADHD .. والخبرات الحياتية فادتني في التمثيل والتأليف

يجمع بين مي عمر ومحمد سامي.. تفاصيل مسلسل إش إش

كريم فهمي: مش هريح الناس على حساب مستقبلي

ومن جانبه، تحدث كريم فهمي عن معاناته مع المخرجين في تقديم السيناريو الخاص به، وقال: "في مخرج ياخد الحاجة اللي أنت كاتبها يبوظه ومش بتكلم عن فيلم مستر أند مسيز عويس لأن مخرج كبير جدًا ونفسي اشتغل معه، وفي مخرج تاني يعمله زي ما انت كاتبه بالظبط وفي مخرج يعلي الفيلم، مش هريح الناس على حساب مستقبلي وفكري لأن كده هخسر كل حاجة".

كريم فهمي: لما بكتب فيلم باخد سنة ونص

وعن المدة التي يستغرقها في كتابة السيناريو قال كريم فهمي: "لما بكتب فيلم باخد سنة أو سنة ونص وهي دي الفكرة احترام الشغلانة، أطول وقت في التنفيذ والكتابة كانت 3 سنين في فيلم ديدو وعلي بابا كان سنة ونص، أجري في التمثيل أعلى من التأليف ولكن اللي وصلت له في التأليف بأخد أعلى أجر فيه".