خالد سرحان: التريندات مش في صالح الفنان.. ونجوم التيك توك مفروضين علينا

تحدث الفنان خالد سرحان عن علاقاته بالسوشيال ميديا، وحيث يمكن أن تؤثر التريندات على نجومية الفنان، كما كشف سبب قلة أعماله الفنية، من خلال لقاءه عيش صباحك على نجوم إف إم.

خالد سرحان: مش ببقى فاضي دايما للسوشيال ميديا

أكد خالد سرحان أنه ليس متفرغًا السوشيال ميديا في كل الأوقات ولذلك لجأ لشخص متخصص، من خلال لقاءه ببرنامج عيش صباحك، رصده لكم موقع تحيا مصر، حيث قال: "أنا معايا شخص واحد فقط لأني مش ببقى فاضي دايما للسوشيال ميديا".

وتابع خالد سرحان قائلًا: "هو بس بيقول لي الناس مشغولة بإيه وبتتكلم عن إيه فببدأ أشوف لحد ما نطلع بإفيه حلو لأني واحد من الناس وبحب أسخر زي المصريين بالظبط لكن طبعا بأدب".

خالد سرحان: التريندات مش في مصلحة الفنان

ومن جانبه، تحدث خالد سرحان على تأثير التريندات على نجومية الفنان، وقال: "التريندات وصناعتها مش في مصلحة الفنان، اعمل التريند بشغلك أو بمشهد قوي ويببقى هو ده التريند".

بعد أزمة فيلم النونو.. تركي آل الشيخ: قررنا إعادة النظر في إنتاجه

تامر حسني يعلن عن حفله في جدة: جمهور السعودية الغالي الحبيب وحشتوني

وأضاف خالد سرحان موضحة خطورة الأمر على مسيرة الفنان وقال: "لأنك لازم تقرب من الجمهور بحدود لأنك في الآخر مثل أعلى، ما تبقاش متواجد طول الوقت، ولازم تبقى عزيز، وفي حتة معينة الناس شايفاك عالي، لأنك ممكن تتزحلق وتنزل للقاع".

خالد سرحان: نجوم التيك توك مفروضين علينا

وأشار خالد سرحان إلى دخول بعض النجوم إلى عالم التيك توك، وقال: "في نجوم في التيك توك والمجال بقوا مفروضين علينا، هو ممكن يبقى كاراكتر مطلوب، زي مثلًا ما أستاذ داوود عبد السيد جاب شعبان عبد الرحيم في مواطن ومخبر وحرامي ووظفه صح".

واسترسل خالد سرحان قائلًا: "لكن مش مجرد أجيبه أعمل بيه أي حاجة، الثلاثي شيكو وهشام ماجد وأحمد فهمي كانوا بيعملوا الأول حاجات على النت وبعدين جم في فترة هم اللي شالوا الكوميديا بعد 2011".

وأشار خالد سرحان إلى أحدث أعماله الفنية مشيرًا إلى أنه يشارك كضيف شرف في فيلم لوكاندة دلال وهو من إخراج شادي لينين الرملي بمشاركة عمر متولي، بجانب وأيضًا فيلم آل شنب مع ليلى علوي وسوسن بدر ومحمود البزاوي.

خالد سرحان: أنا غلس في اختياراتي في الفن

والجدير بالذكر أن خالد سرحان كشف سبب قلة مشاركاته في الأعمال السينمائية، حيث قال: "يمكن أنا غلس في الاختيارات شوية ومش منتمي لمجموعة معينة لكن منتمي لنفسي، وأنا مش بحب الكوميديا اللي بالعافية لكن بحب الكوميديا اللي مبنية على موقف مش مجرد إفيهات ورا بعض".