قالها هنحدث الفيزا وسحب ١٥٠ الف جنيه.. شيماء تروي تفاصيل النصب عليها| فيديو

شيماء أرملة أم لـ 3 أطفال زوجها توفي من فترة، ولما مات كان عندها 21 سنة وبقالها 15 سنة وتجمع الفلوس عشان تأمن مستقبلها ومستقبل عيالها، وسردت قصتها بعد تعرضها للنصب على يد محتال سرق منها تحويشة العمر من بطاقة الفيزا الخاصة بها.

القصة الكاملة لاتهام سيدة طليقها بتعذيب ابنائهم بالسجائر وسلك كهربائي في القاهرة

مش هتجوز غيروا.. فتاة تقفز من السابع في الجيزة بسبب أسرتها

إحالة عصام صاصا وشقيقه للمحاكمة لاتهامهم بالتزوير

للمرة الأولى.. رئيس مجلس الدولة يلحق 3 قاضيات بمكتبه الفني

شيماء ضحية النصب تروي قصتها بعد سحب 150 الف جنيه منها

وقالت شيماء لـ موقع تحيا مصر، أنا ماذتش حد ومعملتش حاجة لحد وعمري ما أتحطيت في موقف زي كدة ابدا، طول عمري بربي عيالي وقافلة بابي عليا، مش عارفة ليه حصل معايا كدة، خدوا كل فلوسي، أنا حاسة أن هيحصلي حاجة مش قادرة أعمل حاجة ولا عملت أكل من يومها.

وأكملت شيماء، ولادي كل ما يسألوني ليه معملتيش أكل أقولهم كلوا أي حاجة أنا تعبانة وأنا معرفش أي حاجة، أنا ماليش في أي حاجة، فوجئت باتصال على تليفوني طلبوا مني رقم الفيزا عشان بنحدث بياناتك وهي كانت محوشة 150 ألف جنيه.

شيماء: واحد كلمني وخد رقم الفيزا وكل حاجة وسرق الفلوس

وتابعت شيماء قائلة «اللي اتصل بيها قالها على الـ 3 أرقام اللي في الأول ولما قالها قالت له الباقي، وقدر ياخد الفيزا ويسرق 150 ألف جنيه، حيث قالت أيضا أنها أخبرته أنه ستذهب بنفسها إلى مكتب البريد والمكالمة فضلت ساعة وقولت له أنا مش فاضية».

وأفادت شيماء، قالي معلش أحنا بنحدث وكل شوية يقولي هيجيلك رسالة مليني الرقم ده وأنا كل شوية أقوله، وكل شوية يقولي مع حضرتك على التليفون، وفي الأخر قالي لازم تروحي على اي ماكينة عشان نكمل تحديث البيانات، وروحت فعلا قدام ماكينة البنك.

شيماء: عرفت أنه بينصب عليا بعد ما خد كل أرقام الفيزا

واستكملت شيماء قصتها، بعدها قالي أسحبي 4 آلاف جنيه سحبتهم، وطلب 4 آلاف جنيه تاني، وبعدها طلب 4 آلاف تالتة قولت له مش عايزة قالي أكتبي الفين جنيه، وفي الأخر قولت له أنا معايا 10 آلاف جنيه وواقفة في الشارع، قالي روحي ماكينة تاني عشان ترجعي الفلوس في الحساب.

وأضافت شيماء، قالي روحي خدمة محفظة كاش، وروحت فعلا المحل والراجل صاحب المحل قاله أنت نصاب، وقفل معاه، وبعدها جيت البيت بالفلوس اللي سحبتها، وبعدها بيومين لقيت الرسايل بتجيلي على التليفون أنه في ساعة ونص سحب كل الفلوس اللي في الفيزا.

اختتمت شيماء قائلة «أنا اتدمرت ومش عارفة أعمل إيه ولا عارفة أقول لأولادي إيه وابني الكبير كل شوية يسألني يقولي مش عايزة تقوليلي اللي بيحصل في البيت، مش عارفة أقوله ايه ولا أعمل ايه أنا في صدمة وانهيار تام شقى عمري كله راح».