بعد فيديو الرقص في حفلة التخرج .. تصرف غير متوقع من مروة صبري لطالبة الإسماعيلية فرح سعيد
ADVERTISEMENT
أثارت الطالبة فرح سعيد جدلا واسعاً خلال الساعات الماضية، في حفل تخرجها بالإسماعيلية ووصلة الرقص التي قامت بها وسط عدد كبير من الأشخاص في قاعة التخرج، مما تسببت في إشعال السوشيال ميديا وعلق الرواد « دي بتقلد طالبة أسيوط».
وتداول رواد السوشيال ميديا الفيديو على نطاق واسع، معلقين بكمية انتقادات كبيرة، لكن ردت فاطمة، والدة فرح سعيد، طالبة الإسماعيلية، موضحة أن ابنتها كانت في حفل تخرجها في قاعة بالإسماعيلية، والقاعة كان بها أكثر من 2000 شخص، معقبة: "معرفش ليه عملوا كده مع بنتي" حسب ما رصده موقع تحيا مصر.
حفل تخرج بالإسماعيلية
وتابعت والدة فرح سعيد، :" القاعة هى من نشرت فيديو الرقص لبنتي ، مؤكدة أنهم وتواصلوا مع المصورين فكان ردهم: "إحنا ممكن نعمل تريند مع بعض".
مروة صبري تكرم طالبة الإسماعيلية
ونشرت الإعلامية مروة صبري منشور عبر حسابها الشخصي على موقع التواصل الاجتماعي فيس بوك، «حقيقي مبسوطة اوي النهاردة ومن اقرب الحلقات لقلبى عشان كرمت الجميلة الشاطرة طالبة الاسماعيلية الاولى على دفعتها فرح سعيد ومامتها الست الطيبة الجدعة اللي شقيت وتعبت في تربيتها».
وتابعت، «بس السوشيال ميديا كسرت فرحتها ...النهاردة نوروني في برنامجى قعدة ستات وكرمتها على نجاحها...ارقصوا وافرحوا بنجاحكوا»
وعلقت الفنانة عبير صبري شقيقة الإعلامية مروة صبري، «ربنا يكرمك عشان دي ام عظيمه مكافحه قامت علي تربيه بناتها وخلتهم ناجحين وزي الفل واي حد قل ادبه علي البنت الناجحه الاولي علي دفعتها المتربيه الجميله حسابه علي الله ينتقم منه ..شكرا يامروه انك استضفتي نموذج مشرف زي الام المحترمه دي وبناتها ».
لكن اعترض عدد كبير من المتابعين على تكريم طالبة الإسماعيلية، «يعني واحده غلطت في حق نفسها وحق امها برقص خليع وكمان تتكرم ونقول جبر خواطر ده بدل ما حضرتك تقولي ربوا بناتكم يا جماعه كويس، احنا كده بنشجع البنات على اهانة التعليم واحترامه، بدل ما تتكرم مع مرتبة الشرف، يطلعوا يرقصوا ويهزوها، اللي حصل غلط وانعدام تربية وانعدام أهل احنا بنشجع الغلط وبنقول للبنات هزيها احسن ، بلا تعليم بلا هباب
اطلعي هزي وسطك واطلعي تريند
لا ونطبل كمان، دا شئ عظيم ، انتظروا قيديوهاتهم عالتيك توك».
جوجل نيوز
تطبيق نبض
