أوكا: أول ما قبلت هشام عباس كلمني بالأفريقي.. واتفقنا على دويتو

حل مطرب المهرجانات أوكا ضيف في برنامج سبوت لايت المذاع عبر قناة صدى البلد، وتحدث عن انفصاله الفني عن أورتيجا وشحتة كاريكا، وعن لقب الجنرال، كما كشف كواليس أول لقاء مع هشام عباس.

أوكا: جنرال أطلقه عليا أورتيجا ومكنتش عايزه

أشار أوكا أن لقب جنرال أطلقه عليه أورتيجا، من خلال لقاءه ببرنامج سبوت لايت رصده لكم موقع تحيا مصر، حيث قال: "لقب جنرال أوكا اللي أطلقه عليا أورتيجا ومكنتش عايزه، وانفصال فرقتنا أنا وأورتيجا وشحتة كاريكا لأن شغلنا انتهى فنيًا مع بعض، لو في شغل يجمعنا لو في صالحنا وهيضيف لينا هنتجمع لكن لو فلوس بس يبقى لا".

وأضاف أوكا قائلًا: "إحنا اللي فتحنا باب المهرجانات الشعبية بعد أغنية الوسادة الخالية، لكن مش السبب في الكلمات اللي بيقولوها، هما بصوا أننا من منطقة شعبية وإمكانياتنا عادية خالص وقدرنا نوصل فإننا لكل الناس فيعملوا زينا عادي، بعدها بدأ العنف واللي بيحب ويتكلم عن نفسه والجمهور بيختار".

للمرة التانية في أمريكا.. عمر كمال يحيي حفل غنائي مع أورتيجا وحمو بيكا وساسو

بعد ظهوره في فيلم قلب 6/9.. سعد لمجرد: مشاركتي تقتصر على أداء الأغنية فقط

أوكا: مش تجبري حد يسمع حاجة واحدة

واسترسل أوكا حديثه عن المهرجانات وقال: "مش تجبري حد يسمع حاجة واحدة كنا بنتسمع زمان عشان مكنش في غيرنا، وكان جديد على كل الفئات وعملنا حاجة كبيرة أوي ، محدش كان بيعرف يفرق الراب عن المهرجانات، لأن مكنش في سوشيال ميديا زي دلوقتي ومكنش أي حد يسمعه".

أوكا: سبب نجاح المهرجانات التكاتك والأفراح والأفلام

وكشف أوكا سبب نجاح المهرجانات في مصر وقال: "المهرجانات كسرت كل الحواجز، وسبب نجاحها هي التكاتك والأفراح والأفلام والأطفال لأنها بتسمعه أكتر، أنا بقدم الراب مع المهرجان من زمان".

كواليس أول لقاء بين هشام عباس وأوكا

ومن جهة أخرى، كشف أوكا كواليس أول لقاء جمعه بهشام عباس وقال: "تعاونت مع هشام عباس في إعلان كنت مبسوط لأنه بالنسبة لي أسطورة، أول ما قابلت هشام عباس كلمني بالأفريقي معرفش ليه بس كان مبسوط لوجودي، اتفقت مع هشام عباس على دويتو ولكن لازم يكون مختلف بشكل مدروس".