روبي على الله خالص وأسماء جلال ذوقي في البنات.. أبرز تصريحات أحمد فهمي الأخيرة

حل الفنان أحمد فهمي ضيفا على برنامج جوسيبس، الذي يذاع عبر مواقع التواصل الاجتماعي المختلفة، وأثناء الحلقة تحدث أحمد فهمي عن الكثير من الأمور التي تخص حياته الفنية والشخصية، وفي ذلك التقرير سيرصد موقع تحيا مصر أبرز تصريحاته في الحلقة.

أبرز تصريحات أحمد فهمي عن زملائه النجوم

• شيكو مش بيشبع، هو بيزهق وهو بيحب الأكل جدا
• اسماء جلال ذوقي في البنات كـ شكل
• هشام ماجد ألماني جدا يعني لو في مخه أن النهاردة ينام الساعة 11 ولو القعدة بتضحك جدا يالا أنام دلوقتي حالا، مواعيده مظبوطة جدا
• لو عندنا تصوير 6 الصبح في الفرنجة، بيصحوني أنا وشيكو بالترزيع على البيبان، وهشام 6 الا خمسة قاعد تحت زي الألمان بيفطر في المطعم
• روبي على الله خالص، وهي حد تاني خالص غير اللي على الشاشة، في حالها جدا ونفسيتها فلة وهي من أحسن الناس اللي اشتغلت معاها
• لبلبة مش بتشوفني غير لما تشتكيلي من حاجة وتحس أنها طفلة عندها 6 سنين
• أكرم حسني خطر جدا أنا وهو نتساب في مكان مع بعض عشان بنعمل مشاكل سوا كبيرة

هنا الزاهد تكشف تفاصيل طلاقها من أحمد فهمي

وسبق وأن كشفت هنا الزاهد عن تفاصيل طلاقها من أحمد فهمي خلال لقاء لها ببرنامج صاحبة السعادة، فقالت: مكنتش اتخيل ان في حاجة اسمها طلاق، ربنا عارف اني مقدرش اتحملها جبهالي تمهيديا قبلها بـ 8 شهور لو كان حصل مرة واحده كنت هتعب اوي، أنا حساسة اوي و روتينية مبعرفش حاجة تتغير فجأة، بحس إني ساذجة أوي لازم اتخبط جامد عشان اختار وأركز بعد كده، رسمت في دماغي فراشات وعائلة وبحب الأطفال جدًا لكن الواقع مكنش كده خالص كان عكس كل حاجه بحلم بيها والحياة مش كلها حلوة ومش اي حد تأمنيله أوي وتدخليه بيتك، دايما بتخيل اللي قدامي هيفكر زيي لحد ما يثبت العكس، الجواز مش راجل وست بس اتعلمت اني لازم ابص للعائلة، أنا بعد الطلاق كانت أصعب فترة عليا لكن منزلتش دمعة، وروحت قعدت مع أهلي عشان مكونش لوحدي ومكنتش بفكر ودايمًا راضية بأقدار ربنا وعارفة إنه في النهاية نصيب.

محمد أنور: عندي مواهب كتير.. وسفاح الجيزة نجاحه أن أحمد فهمي هو اللي عمله

أحمد فهمي: لولا وجود أحمد السقا مكنتش هبقى موجود.. وأنا من جمهور ولاد رزق

أخر أعمال أحمد فهمي

ومن الجدير بالذكر أن أخر أعمال أحمد فهمي فيلم عصابة المكس الذي يعرض حاليًا في دور العرض السينمائية، وكانت تدور أحداثه في إطار كوميدي حول (المكسيكي) الذي اعتاد القيام بعمليات السرقة والتهريب وحده دون مساعدة، ويتورط في عملية كبيرة تحتاج للاستعانة بمجموعة تساعده في تنفيذها، ولكنه يكتشف أن من اختارهم يورطونه في مشاكل تهدد نجاح العملية.

وشارك في بطولة الفيلم عدد كبير من النجوم والنجمات، منهم: أحمد فهمي، روبي، لبلبة، أوس أوس، حاتم صلاح، محمد لطفي، وغيرهم، والفيلم من تأليف أمجد الشرقاوي، ورامي علي، ومن إخراج حسام سليمان.