محمد أنور: عندي مواهب كتير.. وسفاح الجيزة نجاحه أن أحمد فهمي هو اللي عمله

حل الفنان محمد أنور ضيف على بودكاست فايق ورايق مع الإعلامي إبراهيم فايق، وتحدث عن بدايته الفنية وحصره في أعمال الكوميديا على الرغم أن بدايته كانت تراجيدي.

محمد أنور: عندي مواهب كتير وفي الجامعة مكنتش بمثل كوميدي

تحدث محمد أنور عن بدايته في الفن من خلال بودكاست فايق ورايق، رصده لكم موقع تحيا مصر، حيث قال: "عندي مواهب كتير وأنا في الجامعة مكنتش بمثل كوميدي، كنت بعمل حاجة جد ومسرحيات عالمية وباللغة العربية وحاجات صعبة جدًا".

وعن مصر في أعمال الكوميديا فقط، علق محمد أنور قائلًا: لما طلعنا للاحتراف وبدأنا نعمل كوميدي وأستاذ أشرف عبدالباقي شافنا وأخدنا، البيعة اتباعت على أساس أننا بعمل كوميدي والمنتج بيتستهل مع أنه لو غير اتجاهك هتنجح جامد".

عمرو أديب يرد على منتقدي فيلم النونو: لجان مدسوسة

الأضخم في المنطقة.. تركي آل الشيخ يكشف عن مسابقة لأفضل سيناريو

محمد أنور: سفاح الجيزة نجاحه أن أحمد فهمي عمله

ومن جهة أخرى، تحدث محمد أنور عن نجاح مسلسل سفاح الجيزة وأسند نجاحه للفنان أحمد فهمي، حيث قال: "سفاح الجيزة نجاحه أن أحمد فهمي هو اللي عمله، لأن لو باسم سمرة اللي عمله كان هيبقى ده الطبيعي، لكن الفكرة أن أحمد فهمي كسر القواعد وقدمه فنجاح المنتج بقى الضعف، للأسف عندنا قوالب في الدراما والتمثيل إحنا شوفنا أيام سودة في البداية".

محمد أنور: متعلق بأهلي وخاصة أمي وفرق السن بينا مش كبير

وعلى صعيد آخر، تحدث محمد أنور عن حياته الشخصية، وقال: "أنا متعلق بأهلي وخاصة أمي لأن فرق السن بينا مش كبير هما 14 سنة وكانت علاقتنا مش أم وابن لكن اتنين أخوات مشاكل يعني، أمي مكنتش متعلمة فكنت برجع من المدرسة احكي لها كل اللي أنا درسته وكانت بتحب حصة الدراسات والتاريخ".

وتابع محمد أنور قائلًا: "ده نمى عندي فكرة اني أحكي وبعدها أمي أخدت شهادة وحفظت القرآن بالتجويد ودلوقتي بتدرس قرآن لدكاترة ومهندسين، عندي حسابين في البنك بس على الأبيض لأني بجهز شقتي بقالي سنتين".

واسترسل محمد أنور قائلًا: "الفقير عنده إصرار على النجاح أكتر من الغني، لأنه مفيش بديل يا ينجح أو هموت لكن الغني عنده بدائل كتير، لازم يكون عندي موهبة عشان أقدر أعيش أهل في مستوى أحسن مينفعش أبقى موظف وفضلت أسعى عشان اكتشف ايه هي موهبتي، أنا من المطرية وهي دي اللي صنعت شخصيتي".