مي كساب: باسم سمرة يتعمله حساب قدام الكاميرا.. وكنت مرعوبة منه

كشفت مي كساب كواليس تعاونها مع الفنان باسم سمرة، في مسلسل العتاولة بطولة أحمد السقا، وأشارت إلى أصعب المشاهد التي قامت بها معه من خلال برنامج الراديو بيضحك للإعلامية فاطمة مصطفى.

مي كساب: باسم سمرة اكتشاف بالنسبة لي

تحدثت مي كساب عن موهبة باسم سمرة بعد تعاونها معه في مسلسل العتاولة، من خلال لقائها ببرنامج الراديو بيضحك، رصدها لكم موقع تحيا مصر، حيث قالت: "باسم سمرة ده اكتشاف بالنسبة لي بشكل مش طبيعي، كنت رايحة مرعوبة منه اللي هو يالهوي أنا همثل مع باسم سمرة استر يارب".

مي كساب عن باسم سمرة: كسبت أخ وصديق 

وعن علاقته به على المستوى الشخصي وأنها حصلت على صديق وأخ بعد تعاونهما معها، قالت مي كساب: "اكتشفت أنه إنسان طيب جدًا عكس اللي بيظهره للناس متعاون ومحترم، أنا كسبت أخ وصديق وكنت خايفة منه لأنه ممثل جامد يتعمله حساب قدام الكاميرا".

ومن جهة أخرى، كشفت مي كساب أصعب المشاهد التي صورتها مع باسم سمرة، وقالت: "اتبسط معه في الشغل ومشهد اكتشافه أني بحط له سم كنت خايفة منه، فاجئني لما شدني وقالي أنتي بتسميني دي كانت على الهواء والمشهد كان صعب".

مي كساب عن شيماء سيف: شوفتها مش مرتاحة بسبب وزنها.. وهي من عمالقة الكوميديا

غيرت لون شعرها .. حلا شيحة تبرز جمالها بنيولوك

مي كساب: مشهد المواجهة مع باسم سمرة كان صعب

واسترسلت مي كساب حديثها عن المشاهد التي قدمتها مع باسم سمرة والتي أرهقتها، وقالت: "مشهد المواجهة لما كان عايز يقتلني كان صعب، وطلعت كل الطاقة بتاعتي في زاويته، فضل يتخانق معايا ويقولي أهدي مش زاويتك قولت له مش قادرة أنا خلاص اتشحنت".

مي كساب: الناس أثنت على مشهد القبر ولكن بحب مشهد المستشفى

وأكدت مي كساب أنها تصور أغلب المشاهد الصعبة في بداية العمل، وقالت: "أنا موعودة بالمشاهد الصعبة في الأول وموت مالك كان تاني مشهد أصوره وكنت برضو مرعوبة، لأن المشاهد اللي بتكلمي فيها ومحدش هيرد بتكون صعبة زي مشهد القبر بس صورته من أول مرة، الناس أثنت على مشهد المقابر بس أنا بحب مشهد المستشفى لما عرفت أن مالك توفى وبتنكر موته".