شهد سعيد لـ تحيا مصر: انتظر قرار اللجنة الأولمبية المصرية بشأن مشاركتي في الأولمبياد.. ولازم الجماهير تسمع من الطرفين
ADVERTISEMENT
قالت شهد سعيد لاعبة الدراجات، أنا لديها تخوف شديد من قرار اللجنة الأولمبية المصرية بشأن القرار النهائي بشأن موقفها من التواجد في أولمبياد باريس 2024، وأن هناك هجوم كبير من الجماهير على السوشيال ميديا، ويستعرض موقع تحيا مصر التفاصيل.
تصريحات شهد سعيد لموقع تحيا مصر
وأضافت شهد سعيد في تصريحات خاصة لموقع تحيا مصر عبر بث مباشر، أنا خايفة ومرعوبة ومش عاوزة القرار يكون ضدي ومش عارفة أي اللي هيجصل، ومفيش حد هيحس باللي حصل، واتعرضت لضغط كبير، وجنة عليوة بتقول هروح أحصل على المركز الأخير، بقولها لي مش تتمني ليا الخير زي ما أنا بتمنى ليكي الخير، ولما بكون مع نفسي بقعد أعيط كتير ومش عارفة أركز في أي حاجه.
الناس سمعت من طرف واحد وهما معذورين لأنهم مش عارفين قوانين الدراجات، ولما بطل العالم عمل كدا وعمل نفس وقعتي ودفع غرامة وقتها وبس، وكلام الجمهور هو اللي وجعني وكلام جنة عليوة، وأنا بطلة أفريقيا بقالي 4 سنين، ولو حصلت على المركز الأخير في أولمبياد باريس هعوض في أولمبياد 2028 ومفيش حد حاسس باللي أنا بمر بيه، ونفسيتي تحت الصفر وبعد القرار مش عارفة أي اللي هيصحل وراضية بقضاء ربنا وربنا معايا.
مش عارفة لو تم استبعادي من الأولمبياد مش عارفة هيوصل لفين وهعمل أي وبفكر في كل حاجة سيئة، ولازم الناس تصدقني لأني مظلومة ولو كنت أقصد الأذى ليها كان الضرر هيكون ليا كمان، والفيديو المنتشر ليا مع البنت الأمريكية هي اللي غلطانة وحصلت على إنذار.
أزمة شهد سعيد وجنة عليوة
بقول للجماهير تسمع للطرفين ويريحوا الطرفين، وأنا نفسيتي متدمرة من كلام الناس، وحاولت كتير أعتذر لجنة، واتحاد الدراجات حاول حل الأزمة بس هي رفضت ومش بترد ومش عارفة هي بتعمل لي كدا، والموضوع الناس اتكلمت عليه تاني مع اقتراب الأولمبياد.
الناس كانت فين من شهر 4 ولي يكون قبل الأولمبياد، وفي قنوات كتيرة سمعت من طرف واحد والناس بتقول عليا قاتلة وكلام كتير وحش، ومش قادرة أعمل أي حاجه وبقول لوالدي ووالدتي إن شاء الله اللي جاي خير وعاوزة أكمل وأكون في الأولمبياد وعاوزة أعمل أفضل نتيجة، والناس والجماهير ضدي ولو كانوا معايا كنت هكون أسعد إنسانة وهحاول أعمل أي حاجه تفرحهم.
جنة عليوة قالت كتير أنا مش عملته وعاوزة الناس تسألها هي عاوزة أي ومش عاوزة تتصالح لي، واتحاد الدراجات بيدعمني لأنهم عارفين إني مظلومة، وبقول لجنة عليوة أنا أسفة وحقك عليا وأنا غلطانة بس من غير قصد، ومش كان قصدي الأذى، وحاولت الاعتذار وهي رفضت.
جوجل نيوز
تطبيق نبض
