شهد سعيد لـ تحيا مصر: أنا غلطانة ومظلومة وجنة عليوة رفضت اعتذاري أكثر من مرة.. وأبويا كهربا وساكنة في حي شعبي
ADVERTISEMENT
قالت شهد سعيد لاعبة الدراجات، أنا حاولت الاعتذار أكثر من مرة لـ جنة عليوة ولكنها رفضت وكانت هناك العديد من المحاولات في الفترة الماضية، ويستعرض موقع تحيا مصر التفاصيل.
تصريحات شهد سعيد
وأضافت شهد سعيد في تصريحات في بث مباشر لموقع تحيا مصر، حاولت أعتذر أكتر من مرة لجنة عليوة ولكنها رفضت الاعتذار وحاولت كتير ولكنها كانت بترفض بشكل مستمر.
وأكملت شهد سعيد، الموضوع كبر جداً جداً، واللي حصل مني من غير قصد، والغلط كان غير متعمد وفي هجوم شديد عليا من السوشيال ميديا، والعقاب في السباق كان الشطب من السباق وقتها ودا كان العقاب وأنا مش كنت متعمدة.
وتابعت شهد سعيد، أنا غلطانة ولكن من غير قصد وأنا كنت في المقدمة وجنة عليوة في الخلف، وحدث ميل للعجلة، ولما وقعت الإسعاف وصلت، وبطولة الجمهورية غير مؤهلة للأولمبياد، وأنا تأهلت للأولمبياد في منتصف أبريل والحادثة كانت في آخر أبريل.
واستكملت شهد سعيد، كل اللي بتقوله جنة عليوة غير صحيح وبتقول أني شديتها بأيدي ووقعتها على الأرض وأنا بطلة العالم وأفريقيا، واتحاد الدراجات كله مضغوط نفسيا، وأنا لو مكانها عمري ما كنت هعمل كدا، وأنا تعبانة نفسيا.
وأشارت شهد سعيد، الناس كلها مركزة وشايفه أن شهد سعيد غلطانة وبس وأنا غلطانة ومظلومة، والغلط غير متعمد، والمفروض يكون في دعم كبير ليا، والناس تركز على نفسية اللاعب، وجنة عليوة كانت بتستهزأ بيا والجمهور دعمها بكدا ودا عند الجمهور عادي والشعب دعمها.
أنا ساكنة في حي شعبي وأبويا مش في منصب عالي ووالدي شغال كهربائي وعنده محل كهربائي عادي خالص وساكنة في حي شعبي، وأنا بطلة أفريقيا وبطلة القارة ودا اللي سبب تأهلي للأولمبياد، والناس بتنشر كلام غير صحيح ومش مفهوم، وكل همهم تدمير الشخص وبس.
أهلي متأثرين على التأثير اللي حصلي ومش عارفة أركز في التدريبات ومصدومة من كل اللي بيحصل، والأيام اللي فاتت كانت صعبة، ومستقبلي هيتحدد بكرة، وكان نفسي أروح الأولمبياد ومرعوبة من القرار أنه يكون أني مش هطلع الأولمبياد وكلام الناس يأثر، وعيني فيها صداع كتير وأوقات مش بشوف بيها.
جوجل نيوز
تطبيق نبض
