ياسمين عز في مأزق بسبب أزمة شهد وجنة .. قالت ايه ؟
![ياسمين عز]( /UploadCache/libfiles/37/0/600x338o/832.jpg)
ADVERTISEMENT
أثارت واقعة مشاركة اللاعبة شهد سعيد لاعبة منتخب مصر للدراجات في منافسات أولمبياد باريس 2024، الكثير من الغضب على وسائل التواصل الاجتماعي بسبب إيقافها محليا لمدة عام بسبب سلوكها الغير أخلاقي مع زميلتها جنة عليوة، التي تسببت في إصابتها بكسر في الترقوة وفقدان في الذاكرة لبعض الوقت خلال مشاركاتهما في بطولة الجمهورية للدراجات بالسويس في أبريل الماضي.
تعليق ياسمين عز على أزمة جنة وشهد
وعلقت الإعلامية ياسمين عز على أزمة شهد سعيد لاعبة منتخب مصر للدراجات عبر برنامجها كلام الناس، والذي رصده موقع تحيا مصر، «انا شوفت الفيديو وشوفت تهيج الرأي العام عليه، أنت غير محترف لركوب الدراجات مينفعش تحكم زي المحترفين، انت شوفت دراجة دخلت في دراجة، فحد وقع، لكن مشفوتش وشهم، أنا مقولتش أنهم مش جنة وشهد، بس لازم نسمع من الطرف الآخر وبعدين نحكم لو لينا حق الحكم، في ناس متخصصه في ده»
تعليق رواد السوشيال ميديا على ما قالته ياسمين عز
وتداول رواد السوشيال ميديا تصريحات ياسمين عز عن أزمة اللاعبتين شهد سعيد وجنة، «احنا مصدقينك يا شهد وعندنا عقل نميز بيه، حد يقول لياسمين ان الكدب حرام وممكن كده تروح النار، بأقلب ف التلفزيون لقيت المذيعة العظيمة ياسمين عز مستضيفة واحدة وبتقولها خليكي قوية وماتخليش الموضوع يأثر عليكي وكلنا معاكي، فبابص هي مستضيفة مين طلعت مستضيفة شهد سعيد اللي زقت زميلتها عمدا ومابصتش وراها حتي تتطمن عليها، فأتمني لياسمين عز مصير لا يقل سوءا عن مصير شهد.
وتابع شخص آخر على السوشيال ميديا، «(ياسمين عز) على قناة (ام بي سي مصر) دافعت عن اللاعبة (شهد) المتهمة بضرب اللاعبة (جنة عليوة) , و قالت أن اللاعبة (شهد) "اتعاقبت" و خلاص , كفاية إيذاءها بالكلام لأنها "بنت عندها 19 سنة" و الناس "دمرت نفسيتها" , ما ينفعش نمنعها من المشاركة في الأولمبياد, هي اتعاقبت خلاص و انتهى الموضوع، و هي بتتكلم قالت جملة غريبة جدا , عن نفسها: "أنا قعدت أركب عجل لحد رابعة جامعة , وقعت ناس و ناس وقعوني عادي جدا"عادي جدا؟؟
تصريحات شهد سعيد مع الإعلامية ياسمين عز
وقالت شهد سعيد لاعبة منتخب مصر للدراجات في مكالمة هاتفية مع الإعلامية ياسمين عز، « اللي حصل أننا كنا في السبق، وهي قالت اني شتمتها وقليت أدبي عليها، واني زقتها ورفعت دراعي وخبطها، كل ده مش موجود في الفيديو».
وتابعت، « أنا روحت اشتكيت للحكم من أختها والحكم قام بتوجيه 4 إنذارات لها وعمري ما شتمتها زي ما بقولوا وأنا مظلومة والمنتشر على السوشيال ميديا غير صحيح، والسبق كله كان 50 كيلو لكن الأزمة اللي حصلت كانت في آخر 50 متر، يعني أنا هسيب ده كله واوقعها قدام الناس كلها، أنا مفيش بيني وبينها اي حاجه »
واضافت، «احنا مش صحاب ولا زمايل ولا في بينا عداوة، واخر مره اشتركت معاها في سباق كان في 2021، ولو أنا فعلا رفعت ايدي وزقتها ووقعتها أنا كما هقع معاها، أنا عمري ما هأذي بني أدم».