مطلعني بشحت .. ابن هاني الناظر يعتذر للمتابعين لهذا السبب

اعتذر الدكتور محمد الناظر طبيب الجلدية نجل الدكتور الراحل هاني الناظر استشاري الأمراض الجلدية للمتابعين عبر حسابه الشخصي على موقع التواصل الاجتماعي فيسبوك بسبب مارك.

ابن هاني الناظر يعتذر للمتابعين

وقال، نجل الدكتور هاني الناظر في منشور عبر حسابه الشخصي على موقع التواصل الاجتماعي فيسبوك رصده موقع تحيا مصر، «يوم الجمعة اللي فاتت كنت عامل لايف عشان أرد على أسئلتكم زي ما كنت بعمل زمان» فوجئت ان فيسبوك بالنيابة عني كاتب التعليق ده، حد من شوية بعتلي الصورة دي، دخلت من شوية ماعرفتش اشيله لأن فيه  فوق ال٣٠٠٠ تعليق، فمش عارف الاقيه بس هحاول ألاقيه وأشيله»

بيخطط لحاجات جديدة .. إبن هاني الناظر يشارك المتابعين بآخر امنيات والده قبل رحيله

علاج حب الشباب في المنزل .. ابن هاني الناظر يقدم روشتة بسيطة

وتابع الدكتور محمد الناظر، «اللي مش فاهم ده إيه، فيسبوك عامل نظام كده مؤخرا يخلي الشخص اللي بيتفرج لو عجبه الفيديو يقدر يدي صاحب الفيديو بقشيش، يكرمش له ٥ جنيه مثلا او ٢٠ لو هو راجل فييس».

واضاف، «المشكلة ان عم مارك مطلعني بشحت بالانجليزي، يعني لو عاوز تحبكها والناس تدفع فعلا، كنت تكتب ”معلش انا مش من هنا ومحفظتي وقعت وانا بعمل اللايف ومحتاج فلوس عشان اعرف أروح” أو مثلا ”ماتنسوش الشاي بتاعي”  أو ”كل سنة وانتم طيبين”  أو ”مش هتراضي الراجل اللي تعبان في اللايف ده” أو  ”اديني نجمة يارب تتجوزي ضابط”   الأساليب الفعالة كتير».

واعتذر مرة أخرى قائلا «طبعا حاجة تكسف، فمعلش بعتذر لكم عن اللي حصل ده، وان شاء الله المرة الجاية احاول اشوف ازاي مايتحطش».

علاج حب الشباب من الدكتور محمد الناظر 

وكتب الدكتور محمد الناظر في منشور منذ أسابيع «لو عندك حبوب في الوجه أو الظهر أوالصدر والكتف، أول خطوة تعملها مش إنك تروح للطبيب، لأن فيه شوية حاجات ممكن تعملها تحسن جدا الوضع، وتوفر على نفسك».

١- أولا استخدام غسول للبشرة الدهنية بشكل يومي، والغسول يتم تدليك الأماكن الدهنية من البشرة وليس كل الوجه، ولما نشطفه نشطف المكان كله واستخدام الغسول مرتين في اليوم صباحا ومساء.

2- وضع كريم مرطب خفيف بعد الغسول.

3- وضع كريم يعالج الحبوب لمدة أسبوعين لكن يوم ويوم وليس يوميا.

4- تجنب الخروج في الشمس ووضع صن بلوك..