انتمائه كان لمودرن سبورت وبس لأنه أصيل وموته هز البلد كلها.. أهالي مدينة أبشان ينعون أحمد رفعت.. فيديو

يتواصل حديث أهالي مدينة أبشان بمركز بيلا في محافظة كفر الشيخ، عن أحمد رفعت لاعب نادي مودرن سبورت والذي وافته المنية صباح اليوم السبت بعد صراع طويل مع المرض، ويستعرض موقع تحيا مصر حديث أهالي مدينة أبشان عن أحمد رفعت.

أهالي مدينة أبشان ينعون أحمد رفعت

وقال أحد جيران أحمد رفعت في تصريحاته، كنت في حالة صدمة كبيرة بعد سماع خبر وفاة أحمد رفعت لاعب نادي مودرن سبورت، وهو ابننا وابن البلد كلها وابن أخونا والكل زعلان عليه ولكن قضاء ربنا وإنا لله وإنا إليه راجعون ومش قادر أمسك نفسي وحزين جدا جدا.

وأكمل، أحمد رفعت كان بيكون موجود في البلد وبيتواصل معانا بشكل مستمر وكان شاب خلوق واسرته طية، وأعرفة معرفة شخصية ووالده كان صديقي ومش قادر أتكلم بعد اللي سمعته وربنا يرحمه يارب.

وتابع، أول ما صحيت من النوم سمعت خبر وفاة أحمد رفعت ولسه عارف حالا، وكان لاعب جميل وخلوق ومحترم ومؤدب والناس كلها كانت بتحبه، ولما شوفت أحمد رفعت مع إبراهيم فايق كنت مبسوط جدا وأنا شايفه وكلنا كنا بنستنى أي مباراة لأحمد رفعت والبلد كلها كانت بتستنى.

وأردف، كنا نتمنى أن أحمد رفعت يحترف زي محمد صلاح ويلعب في الأهلي وأكبر الأندية وهو كان لاعب كبير وخلوق وربنا يرحمه.

وفاة أحمد رفعت

وأضاف أحد أهالي مدينة أبشان، خبر وفاة أحمد رفعت هز البلد كلها، وعيلته كلها متواضعة عيلة الصاوي وفاجعة كبيرة لأهالي أبشان، وكان عندنا أمل كبير في ربنا ويتعافى، ورجع لنا علشان يودعنا.

نادي الزمالك ينعي أحمد رفعت لاعب مودرن سبورت

كان زملكاوي وبار بأهله.. حديث أهالي مدينة أبشان عن الراحل أحمد رفعت لاعب مودرن سبورت.. فيديو

ماجد سامي رئيس نادي وادي دجلة ينتقد نظام الكرة المصرية بعد وفاة أحمد رفعت.. تفاصيل

ماذا قدم أحمد رفعت فى ملاعب كرة القدم قبل وفاته؟

وأكمل، كان عندنا أمل كبير أنه هيرجع للملاعب وهو اللي خلانا نحب نادي مودرن سبورت، وكنا بنتفرج على ماتشات الفريق بسبب أحمد رفعت وبس، الله يرحمه وفراقة مأثر فينا جامد، وأحمد رفعت كان انتمائه للفريق اللي بيلعب فيه سواء أهلي أو زمالك وبيحافظ على شغله كويس وكان محترم جدا.

واختتم، قلب أحمد رفعت كان مع مودرن سبورت وكان بيرفض الكلام على أي نادي تاني إلا مودرن سبورت وهو أثر في البلد كلها وربنا يصبر أهالي البلد كلها ومش قادر أقول أي، وكلنا مؤمنين بالله وربنا يرجمه ويجعل مرضه في ميزان حسناته.