الأجنبية مخمورة وبتشتم.. ضحية حادث دار مصر تكشف تفاصيل الواقعة

كواليس وتطورات حادث دار مصر القرنفل بالقاهرة الجديدة حيث استمعت النيابة العامة في القاهرة الجديدة لأقوال ضحية حادث المواطنة الأجنبية ويرصد موقع تحيا مصر تفاصيل أقوال الضحية.

عاجل.. السيرة الذاتية لـ المستشار عبدالراضي صديق رئيس النيابة الإدارية الجديد

تحيا مصر ينشر السيرة الذاتية لـ المستشار أحمد عبود رئيس مجلس الدولة

عاجل.. المستشار أحمد عبود يؤدي اليمين القانونية أمام «السيسي» رئيسا لمجلس الدولة

شدني وهربت منه.. سائق يتحـ ـرش بفتاة في حدائق أكتوبر بالجيزة

أقول ضحية حادث دار مصر القرنفل

قالت هالة عبد الفتاح، خلال تحقيقات النيابة في حادث دار مصر المتهمة فيه فتاة أجنبية، إنها كانت نائمة هي وشقيقتها في شقتهما داخل كمبوند دار مصر في القاهرة الجديدة، وسمعت صوت ارتطام قوي في الخارج، وحينما نظرت من الشرفة شاهدت سيارة على جانبها بجوار سيارة شقيقتها، وأن السيدة قامت بالوقوف في منتصف الشارع وقالت إنها مخمورة وحاول صديقها تهدئتها إلا أنه فشل في ذلك.

واستكملت ضحية حادث دار مصر، خرجت من الشقة شوفت العربية وقمت بالذهاب لسيارة شقيقتي وجدتها مهشمة من مقدمتها، ووجدت فتاة داخل السيارة الأخرى، وبعدما خرجت الفتاة ظهرت عليها ملامح عدم الاتزان وتبين أنها مخمورة، وقمت بالاتصال بالشرطة، وحينما سمعت المواطنة الأجنبية لفظ البوليس بدأت في سيل من السب والقذف موجه لي ولـ شقيقتي وأيضا سيدات مصر، وظلت في وصلة السب حتى حضر صديقها.

شقيقة ضحية حادث دار القرنفل: البنت كانت سكرانة

فيما قالت هادية عبد الفتاح، أنا نازلة زيارة لأختي في أجازه، وإحنا نايمين حصل صوت جامد خرجنا البلكونة بسرعة لقينا عربية مقلوبة على عربية أختي جوا كمبوند شهير ونزلنا نجري وكان كل همنا إننا نخرج البنت دي، ولقيتها بتتكلم إنجليزي حاولت اهديها وأتكلم معاها، وفجأة لقيت عربية تانية جت ونزل منها شاب وعربية تانية نزل منها شابين، واحد منها معاه آلة حادة وحاولوا يسحبوها في عربية وياخدوها وأنا قلت له مش هتمشي إلا لما النجدة تيجي.

وتابعت ضحية حادث دار مصر الأجنبية كانت بتتكلم بالإنجليزي، وبتقول ألفاظ وأنا قولت عندها خوف من اللي حصل وقلت لها متقدريش تمشي عشان نعمل إثبات الواقعة في الشرطة، وجه واحد يهددنا ويشتمنا ويحاول يعتدي على أختي، وفي الوقت ده كانوا بيحاولوا يمشوها من قدامنا والجيران بيمنعوها إنها تمشي، والعربية البيضاء اللي ظهرت في الفيديو كانت ماشية قدام والبنت ماشية وراه بالعربية التانية وشكلهم كانوا في سباق، وساعتها عملت الحادثة وهو رجعلها جري بعد ما عربية أختي اتدمرت، والبنت شتمت السيدات المصرية وشتمتنا.

تفاصيل مثيرة في حادث سيدة دار مصر

وأكدت سيدة حادث دار مصر، البنت دي كانت بتحاول تجري علينا وتهجم وسحلت أختي من شعرها في الشارع وكنا بنتهدد، وبعدها جت الشرطة وقالت لي مش هتقدري تعمليلي حاجة ومحدش يقدر يعملي حاجة وبتشتم بشكل بشع، واكتشفت أن إقامتها منتهية من 6 شهور في مصر، والست دي معهاش رخصة قيادة ولا إقامة في البلد ولا توكيل بقيادة السيارة وكمان مخمورة أثناء القيادة، وصاحب العربية واقف يطبطب عليها ويقولي إنتوا آخركم لو روحتوا القسم هتاخدوا 50 ألف جنيه وخلاص.