بعد 20 عامًا.. أحمد هارون يكشف حقيقة تغير صوته في فيلم سهر الليالي| القصة الكاملة

كشف أحمد هارون عن سبب أزمته في فيلم سهر الليالي وتغيير صوته بصوت الفنان عمرو واكد، وعن رغبة فنان آخر بأخد مشاهد الخيل منه كدوبلير من خلال تصريحاته لـ برنامج كلام الناس.

أحمد هارون عن سهر الليالي: بدأت الفيلم ومكنش في الحسبان أن حد يعمل صوتي

تحدث أحمد هارون عن بداية أزمته في فيلم سهر الليالي، من خلال تصريحاته لـ برنامج كلام الناس، رصدها لكم موقع تحيا مصر، حيث قال أحمد هارون: "فيلم سهر الليالي اتعمل 2001 واتعرض 2003 والواحد اتربط كتير على الدور ده، كان أول ظهور ليا وأنا اتشرفت بالعمل ده والشركة المنتجة هاني خليفة وتامر حبيب".

وعبر أحمد هارون عن استيائه لتغير صوته بصوت عمرو واكد بالدوبلاج، وقال: "بدأت الفيلم ومكنش في الحسبان أن حد يعمل صوتي ومرحلة الدوبلاج بتكون بعد الفيلم، صورت المشاهد ووقفنا كتير ورجعنا كملنا المشاهد، مرحلة الدوبلاج اتأجلت لوقت مش محدد".

أحمد هارون: أي ممثل بيبلغوه قبل الدوبلاج بأسبوع

وأشار أحمد هارون إلى عمله الخارجي بعيدًا عن الفن، وقال: "كنت شغال في شرم الشيخ في مكتب لرحلات السفاري بتاعي وكان عندي من وأنا 19 سنة، وسهر الليالي كان لسه في العلب وفي مراحل لسه هتتعمل، رجعت شغلي في شرم وهاني خليفة عارف كده ولو في دوبلاج المفروض هيكملني".

وتابع أحمد هارون قائلًا: "أي ممثل بيبلغوه قبل مرحلة الدوبلاج بأسبوع ولكن محصلش معايا كده، كلمني هاني وقالي هتعرف تيجي بكرا لما عرف أني في شرم الشيخ، لما سألته على الوقت قالي هكملك تاني بعدها قالي لا خلاص مش مهم، ولما سألته على مشاهد التليفون قالي دول مش دلوقتي بعدها اتفاجئت أن الفيلم خلص".

أحمد هارون عن شائعة ارتباطه مي عز الدين: هي أخت عزيزة وأصحاب لحد دلوقتي

بحضور عدد كبير من الفنانين.. عرض ناجح بدار الأوبرا المصرية لفيلم جحر الفئران للمخرج محمد السمان

أحمد هارون: أول بطولة ليا مع نور الشريف في فيلم قصير

وتحدث أحمد هارون عن أول بطولة له في بداياته، وأخذه كورس تمثيل مع محمد عبدالهادي، وقال: "بدأت أخد كورس تمثيل مع أستاذ محمد عبدالهادي وخلصته في 9 شهور، وفضلت ألوم في دكتور محمد عبدالهادي أني خلاص فشلت ومستقبلي راح".

وكشف أحمد هارون عن طلبه من محمد عبدالهادي وقال: "الأستاذ محمد قالي أنت لسه في الأول وطلبت منه يعرفني على خالد يوسف يعرض عليه مشاهدي في سهر الليالي، وفعلًا كلمه وعرض عليه مشاهدي وبعدها بأسبوع أتصل بيا خالد يوسف وقالي عايز أشوفك، روحت لاقيته واخد لي ميعاد مع يوسف شاهين ودي خطوة قوية جدًا".

وعن أول بطولة له قال: "الفيلم اتصور في لبنان والقاهرة وأجزاء منه في دبي واتعرض في مهرجان إسكندرية للأفلام القصيرة، وبقيت بطل فيلم قصير ليوسف شاهين 11 دقيقة ولكن بطولتي مع الأستاذ نور الشريف، يوسف شاهين اقترح أغير اسمي لـ أحمد سيف الدين وخالد يوسف قالي هنتكلم في الاسم بعدين".

أحمد هارون: قطعت دعوة سهر الليالي ومحضرتش العرض الخاص

وبعد أزمة تغير صوته في سهر الليالي، تعرض لأزمة تغيير اسمه على تتر الفيلم، قال أحمد هارون: "عرفت هاني خليفة بالموضوع وقالت له إني معترض، تفاجئت باسمي على تتر سهر الليالي باسم أحمد سيف الدين، ولما كلمت هاني خليفة قالي أنا مش خلصان من مشاكل الفنانين".

وعن سبب غيابه عن العرض الخاص لفيلم سهر الليالي قال: "خلصت معه وقطعت الدعوة بتاعت الفيلم على باب شركة الإنتاج ومشيت ومحضرتش العرض الخاص، محدش هيسأل عليا لأني عامل 4 مشاهد في فيلم إيه مشكلتك والفرحة كبيرة".

وتتوالى أزمات أحمد هارون في فيلم سهر الليالي ليتفاجئ برغبة أحد النجوم بتأدية مشاهد الخيل كدوبلير، وقال أحمد هارون: "هاني خليفة قالي في جملة أنا أحسن جوكي في مصر قولتها في سهر الليالي، وفي فنان شايف نفسه أحسن جوكي في العالم ومينفعش أطلع أقول الجملة دي".

وتابع قائلًا: "أكد أن الفنان اقترح عليه نعيد مشاهد الخيل والفنان ده يطلع دوبلير بضهره ويتكتب اسمه على التتر شكر خاص، رفضت لأنه مينفعش أصل الدور هيكون فاضل ليه إيه أعمله مش صوتي ولا اسمي ولا بمشاهد الحصان هطلع بإيه"، لتفاجئه الإعلامية ياسمين عز أن الفنان هذا يكون أحمد السقا ولكنه رفض تأكيد أو نفس تصريحها.

واختتم أحمد هارون قائلًا: "أنا أرغمت على كل حاجة على الرغم أن دي أول فرحتي ولكن محدش حس بكل ده, ولكن هاني خليفة رفض وقال للفنان أنه مختارني وإني بركب خيل كويس ومش هينفع أشوه الشخصية، موضوع تغير صوتي مأثرش على نجاحي في سهر الليالي، النجاح كان كبير على الرغم أنه 4 مشاهد بس وسط نجوم كبار".