عمرو يوسف عن مرض كندة علوش: احنا في وضع صعب بقالنا سنين وهتعدي بدعم الناس

تحدث الفنان عمرو يوسف عن مرض كندة علوش خلال حلوله ضيفا على برنامج الراديو بيضحك والذي تقدمه الإعلامية فاطمة مصطفى على إذاعة راديو 9090، مشيرا إلى أنها كانت فترة في شدة الصعوبة وتخطوها بدعوات الجمهور.

عمرو يوسف يتحدث عن مرض كندة علوش 

وقال عمرو يوسف في تصريحات رصدها موقع تحيا مصر: إحنا في الوضع ده بقالنا سنتين بالظبط، ومحدش عرف غير دايرتنا القريبة جداً مننا واللى كان لازم يعرفوا، الناس غرقتنا بشعور كبير من الحب والسند لينا بدعواتهم ورسايل كتير جداً ما بتقفش من وقت ما أعلنت كندة علوش عن تعبها ومرضها للمرة الأولى بداية هذا الأسبوع.

واستكمل: احنا كنا في فترة صعبة وتجربة من تجارب الحياة لكن هانت وهيعدي بدعم الناس ودعواتهم، ومحدش عرف غير دايرتنا القريبة جداً مننا واللي كان لازم يعرفوا، أشكرهم كلهم لأنهم وقفوا جنبا نفسيا جدًا.

عمرو يوسف يوجه رسالة لكندة علوش بعد فترة مرضها 

وسبق ووجه عمرو يوسف رسالة للفنانة كندة علوش بعد إعلان مرضها في تصريحات تليفزيونية، حيث قال: الحمدلله ثم الحمدلله ثم الحمدلله الحمدلله على كل شيء ظروف صعبة مرينا بها على مدار سنتين، لكن أنتي كنتي مؤمنة وملسمة أمرك لله ظهورك وكلامك قوى ناس كتير وهتبدأ رحلتها وكانت خايفة.

وأضاف: أنتي في عز تعبك أديتيهم قوة ربنا يخليكي ليا ولأولادك ولحبايبك في الدنيا كلها، اللي مابطلوش دعاء ليكي من ساعة ما عرفوا ربنا يحبب فيكي خلقه كمان وكمان، عشان أنتي تستاهلي كل حب الدنيا يا أجمل قلب في الدنيا.

عمرو يوسف: أسماء جلال هتكون من أهم نجمات الصف الأول وعلي صبحي كان مفاجأة

عمرو يوسف عن فيلم ولاد رزق 4: قدامنا مش أقل من 4 سنين.. الموضوع محتاج وقت وتفكير

آخر أعمال عمرو يوسف 

وكانت آخر أعمال عمرو يوسف مشاركته في فيلم ولاد رزق 3 والذي خاض بطولته إلى جانب كلا من النجوم أحمد عز، آسر ياسين، كريم قاسم، أسماء جلال، سيد رجب، محمد ممدوح، نسرين أمين، وغيرهم، والفيلم من تأليف صلاح الجيهيني، وإخراج طارق العريان.

وحقق العمل نجاحات كبيرة منذ أول يوم عرض له في السينمات المصرية حيث يتخطى الملايين الجنهيات حتى وصل في أول أسبوع من عرضه لما يقرب من 270 جنيها ليدخل ضمن الأعمال الفنية المصرية الاكثر تحقيقا في الإيرادات على مستوى العالم.