عمرو يوسف: أسماء جلال هتكون من أهم نجمات الصف الأول وعلي صبحي كان مفاجأة

تحدث الفنان عمرو يوسف عن كواليس تعاونه مع عدد من النجوم والنجمات في فيلم ولاد رزق 3 والذي كان من بينهم الفنانة أسماء جلال والفنان علي صبحي وأيضا الفنان أسر ياسين وعدد من ضيوف الشرف الآخرين، مشيرا إلى أن ضيوف الشرف هم من يعطوا طعم للعمل الفني.

عمرو يوسف: أسماء جلال ست محترمة وسعيد بالتعاون معاها

وبدأ عمرو يوسف حديثه بالفنانة أسماء جلال وذلك خلال لقاءه مع الاعلامية فاطمة مصطفى في برنامج الراديو بيضحك على راديو 9090، فقال: أسماء جلال صديقة عزيزة وست محترمة واستغلنا قبلها مع بعض في مسرحية وهي شاطرة جدا ومؤكد انها تكون من أهم نجمات الصف الاول في الفترة اللي جاية.

وتابع حديثه في تصريحات رصدها موقع تحيا مصر: احنا كان فيه بينا جزء عفوي أثناء التصوير عشان كدة بقول هي ذكية جدا وشاطرة ومش الناس اللي بتعطل لما حاجة تتغير في التصوير بالعكس بترجع تاني تركب الموجة وتتعامل مع الموقف فانا سعيد جدا بالتعاون ده وقصتنا عملت ضجة كبيرة على مواقع التواصل.

عمرو يوسف: أسر ياسين إضافة قوية لفيلم ولاد رزق 3 

وتطرق عمرو يوسف بحديثه عن اسر ياسين، فقال: اسر ياسين صديق ونجم كبير وإضافة قوية جدا لفيلم ولاد رزق 3 وشخصية الشايب انا سعيد إنها ظهرت في قفلة الموسم الثاني من ولاد رزق وأسر ممثل كبير وليه جماهيرية عريضة وأنا سعيد أنه انضم للفرقة دي.

بينما قال عن علي صبحي: العسل علي صبحي الجميل والممثل العظيم، فهو كان مفاجأة لينا كلنا وهو من ألذ الممثلين اللي دمهم خفيف وبيضحكوا بشكل كبير وهو ممثل قوي وأنا سعيد بنجاحه في العمل ده ووجوده في السلسة دي اللي ليها جماهيرية كبيرة والناس كلها كانت طالعة مبسوطة بيه.

عمرو يوسف عن فيلم ولاد رزق 4: قدامنا مش أقل من 4 سنين.. الموضوع محتاج وقت وتفكير

الخميس المقبل.. عمرو يوسف في ضيافة فاطمة مصطفى ببرنامج الراديو بيضحك

عمرو يوسف يكشف سبب ظهور عدد من ضيوف الشرف في الأعمال الفنية 

واختتم عمرو يوسف حديثه بظهور عدد من ضيوف الشرف في الأعمال الفنية، قائلا: احنا صحاب، الناس دي كلها صحاب، أحمد فهمي صحبي جدا وصديق عزيز لكل فريق العمل وهو رحب جدا بإنه يكون من ضمن فريق العمل، وكمان كان ليه دور معايا في شقو فدي حاجة احنا بنعملها بينا وبين بعض بنروح ننبسط مع بعض والجمهور بيفرح بيها، وظهور كريم عبد العزيز حصل مع أكبر مفاجأة للفيلم وهو نجم محبوب وليه جماهيرية كبيرة فكانت الضربة ضربتين.