عمرو يوسف عن فيلم ولاد رزق 4: قدامنا مش أقل من 4 سنين.. الموضوع محتاج وقت وتفكير

تحدث الفنان عمرو يوسف عن استقباله لفكرة الجزء الثالث من فيلم ولاد رزق، مشيرا إلى أنه شعر بالتوتر والخوف الشديد من الفكرة ولكن في نفس الوقت كان قلبه جامدا بسبب تأسيس جماهير كبيرة للعمل منذ 10 سنوات بفضل الأجزاء الأخرى.

عمرو يوسف: كنت خايف من التحضير للموسم الثالث من فيلم ولاد رزق 

وقال عمرو يوسف خلال لقاءه بالاعلامية فاطمة مصطفى في برنامج الراديو بيضحك والذي تقدمه على إذاعة راديو 90: 90 ورصده موقع تحيا مصر: كنت قلقان عشان عايز اطلع احسن حاجة وعايز الكواليتي تطلع كويسة والدور أطلع منه أحسن ما عندي وده في أي حاجة أنا بعملها لكن أما يكون في حاجة الجزء الاول والثاني منها حققوا كل هذا النجاح العبء بيكون أصعب بس بردو مش ناسي ازاي الجمهور كان حابب فكرة الفيلم فزي ما كان فيه خوف وقلق كنت متأكد أنه العمل كون جمهور وليه ناس بتحبه، وده خلاني اجمد قلبي واشتغل لأني بنيت علاقة كبيرة مع الجمهور على مدار 10 سنوات.

عمرو يوسف يحسم الجدل بشأن الموسم الرابع من فيلم ولاد رزق 

وعن إمكانية التحضير للجزء الرابع من فيلم ولاد رزق، قال عمرو يوسف: الفرق بين جزء وجزء بياخد حوالي 4 سنين فاحنا لسة بناخد نفسنا إحنا منقدرش نضحك على الناس ونديهم أي حاجة فاحنا لازم ناخد وقتنا والموضوع بياخد تركيز وشغل وبياخد تحضير كبير جدا ما قبل التصوير فأنا اتمنى يبقى فيه جزء رابع وخامس بس لازم يتعمل بتدقيق كبير.

فيلم ولاد رزق 3 

جدير بالذكر، أن فيلم ولاد رزق 3 من بطولة النجوم أحمد عز، عمرو يوسف، كريم قاسم، آسر ياسين، علي صبحي، أسماء جلال، نسرين أمين، وغيرهم، والفيلم من تأليف صلاح الجهيني وإخراج طارق العريان، وكان قد حقق فيلم ولاد رزق 3 نجاحا جماهيريا كبيرا في مصر والوطن العربي فور طرحه في دور العرض السينمائية.

الخميس المقبل.. عمرو يوسف في ضيافة فاطمة مصطفى ببرنامج الراديو بيضحك

بعد دعمه لها في رحلة اصابتها بالسرطان.. لقطات من قصة حب الفنان عمرو يوسف وكندة علوش

وحقق فيلم ولاد رزق 3 إيرادات ساحقة خلال فترة عرضه في السينمات المصرية والعربية متخطيا 270 مليون جنيها في أول أسبوع من عرضه، ما جعل المستشار تركي آل الشيخ يفكر في التحضير للموسم جديد من فيلم ولاد رزق وبالفعل اجتمع مع صناع العمل لمناقشة الأمر.