عاجل.. في أول ظهور له| مشرف أمن واقعة إمام عاشور: حقي راجع ومش هسكت عشان متعملش كدة تاني ياكابتن

كشف فرد الأمن ضحية واقعة مشاجرة إمام عاشور لاعب النادي الأهلي داخل المول الشهير بالشيخ زايد في أول ظهور له، تفاصيل ما حدث داخل المول في تصريحات خاصة لـ موقع تحيا مصر.

زوجة إمام عاشور أمام النيابة: واحد اتحـ ـرش بيا وطلبت استغاثة من الأمن

متشتمش أبويا.. طفل ينهي حياة طفلة العامرية في وسط الشارع

أحكام بالمشدد وغرامات بالملايين للمتهمين في رشوة مياه أسوان

عاجل.. السجن 10 سنوات لـ مجدي راسخ وحسام جنينة بقضية الغاز

مشرف أمن واقعة إمام عاشور في المول التجاري يكشف مفاجآت

وقال فرد الأمن في تصريحات خاصة لـ موقع تحيا مصر «أنا أكتر واحد اضربت وقع عليا أثر مادي وإجتماعي ونفسي وسلبي، كل الأثار السلبية وقعت عليا الفترة اللي فاتت، طيب هل ليا دخل في كل دة أو ليا علاقة بالموضوع لا».

وتابع عبدالله فرد الأمن صاحب مشاجرة إمام عاشور لاعب النادي الأهلي «أنا بشتغل مشرف أمن داخل المول التجاري مسئول عن كل الأفراد المتواجدين، مسئول عن أي تفاصيل في المكان ولازم أبلغ بيها، واللي حصل معايا إن يوم الأربع الساعة 6.40 صباحا كنا واقفين على إحدى البوابات وكان في 3 سيارات واقفين برا المول واتقالي من فرد الأمن في مشكلة هتحصل».

مشرف أمن المول التجاري: إمام عاشور جه ومعاه 15 شخص وكان في حالة غير طبيعية

واستكمل مشرف الأمن بواقعة إمام عاشور «قولت له ملناش دعوة وبعدها بـ دقائق معدودة فوجئنا بكابتن مصر إمام عاشور داخل بعربية بسرعة كبيرة وفرمل قدام المول ونزل واتجمع حواليه 15 شخص، ودخلوا المول بشكل ثائر على بوابة المول، بدون أي حاجة كانوا جوا ومش فاهمين إيه اللي بيحصل، وأديت إشارة لجميع الأفراد محدش يتعرض لكابتن إمام عاشور».

وأضاف مشرف الأمن «أنا قولت عشان ميحصلش مشكلة كبيرة وخناقة، وممكن تتحل فيما بعد ونزل هو والشباب ودخل السلم الكهربائي ومنطقة البارك ولسه بتكلم مع إمام عاشور نعرف في إيه طيب قولنا، لكن هو كان متنرفز وبيتكلم مع الناس اللي معاه، وبعدها بدأ يشتمنا أنا وأفراد الأمن وأنتوا مش تمام، وحاول إمام يمسكني ساعتها من القميص حاولت أفلت منه وأرجع لورا لقيتهم بيجروا ورايا فجريت بعدها لكن الكابتن دفعني ووقعت على الأرض لحظات أغمي عليا».

مشرف الأمن بواقعة إمام عاشور: حقي هيرجع ومكمل عشان إمام عاشور ميعملش كدة تاني

واستطرد مشرف أمن واقعة مشاجرة إمام عاشور في المول التجاري بالشيخ زايد «كان في ناس كتير بتضرب وأنا كان مغمى عليا ومعرفتش إيه اللي حصل، وهو إمام دفعني في الأرض وهو قال المدام اتعاكست ومش عارفين الواقعة حصلت إمتى وهي خارجة 5 الفجر من السينما وهو جاي الساعة 6.40 الصبح بيدور على اللي عاكسها وبعدين هي ما بلغتش ليه ولو كانت بلغت أقرب فرد أمن ليها كان حد فينا اتدخل واتعاملنا».

وتابع مشرف الأمن «زوجة الكابتن قالت أنا معايا إخواتي وأقاربي وأخوات الكابتن إمام عاشور ليه محدش أدخل واتخانق طيب، ولكن كل ده ماليش فيه أنا أغمى عليا وأضربت والفيديو منشور وأنا بضرب، وحصل تأثير سلبي عليا أدبيا ومعنويا وإجتماعيا ونفسيا، وده بسبب اللي حصل معايا، ودلوقتي مش ورايا غير واقعة كابتن إمام عاشور، وبعدها فوقت».

واختتم مشرف الأمن في واقعة إمام عاشور «الكابتن خد الناس اللي معاه ومشي بعد ما عرف أني فوقت، وأنا من محبي الكابتن إمام عاشور وعاشق للنادي الأهلي والكابتن إمام عاشور أنا بقوله حقي هيرجع مش عشاني أنا لكن أي حد هيتحط في موقفي ياكابتن أنت مفروض قدوة لناس كتير إزاي تعمل كدة وعشان متعملش كدة تاني وتتعدى على أي حد».