أحمد عيد عبد الملك عن أزمة القمة: منظومة محتاجة وقفات كتيرة وكبيرة ومحدش بيتحرك

انتقد أحمد عيد عبد الملك المدير الفني لفريق غزل المحلة، أزمات الكرة المصرية الفترة الأخيرة، بعد غموض مصير مباراة القمة المقبلة بين الأهلي والزمالك.

تحيا مصر، وكتب أحمد عيد عبد المالك على حسابه الرسمي"فيسوك:"عن نفسي كمدير فني صاعد مع فريق للدوري الممتاز قاعد يتفرج علي الساحة الرياضية ومفيش خريطة محطوطة لاي حاجة جاية ولا لنهاية الدوري الحالي أو بداية الدوري الجديد ولا عارف تتكلم علي صفقات مع لاعيبة الدوري اللي لسة مخلصوش علشان تتعاقد معاهم ولا عارف تحط بداية فترة الاعداد بالظبط امتي وهتفضل لحد امتي تعمل الاعداد ده واحنا مخلصين دوري من اول اسبوع لشهر مايو هنستني ٥ شهور مثلاً علشان نلعب رسمي".

وتابع:"الصراحة الجو العام ميساعدش أي حد يعرف يشتغل وينجح بقالنا ٤ سنين في نفس المشاكل نفسي الدوري علي الاقل يرجع لحقبة بداية الالفية الجديد ملاعب كامل العدد ومواعيد متظبطة وفرق جماهيرية موجودة في الدوري تضيف حلاوة وقوة واثارة للدوري".

واستكمل:" أنا عمال احلم بس هنعمل ايه ما باليد حيلة والكرة حالياً بقت وسيلة لحاجات كتير اووي الاغلب بيستخدمها غلط، منظومة محتاجة وقفات كتيره، وكبيرة ومحدش بيتحرك مستنين الحل من عنده وربنا يسترها على القادم.

وكان نادي الزمالك قد أكد بعد مباراة المصري في الدوري المصري عدم لعب أي مباراة في الدور الثاني إلا بعد مواجهات الدور الأول بما فيهم مباراة النادي الأهلي.

مباراة الأهلي والزمالك

وخلال اجتماع رابطة الأندية المصرية بمسؤولي نادي الزمالك كانت هناك محاولات للعب مباراة الأهلي المقبلة في الدوري مع الوعد بحل الأزمات التي حدثت في الفترة الماضية وإنهاء رفض الزمالك بعدم مواجهة الأهلي.

وطالب نادي الزمالك بلعب المباريات المؤجلة في الدوري المصري الممتاز وفقا للجدول المعلن عنه سابقا.

وحضر حسين لبيب رئيس نادي الزمالك الاجتماع بجانب حسام المندوه أمين الصندوق وهشام نصر نائب رئيس نادي الزمالك.

وتمسك نادي الزمالك بعدم لعب مباراة الأهلي في الدوري الممتاز وأي مباراة في الدور الثاني وتحقيق مطالب النادي في الفترة المقبلة ولعب جميع المباريات المؤجلة وفقا للترتيب.