تامر عاشور عن شيرين عبد الوهاب: يارب يبعد عنها كل خبيث.. واللي اتقال عن أهلها كذب

أكد المطرب تامر عاشور على أن كل الأخبار المنتشرة والمتداولة عن أهل المطربة شيرين عبد الوهاب غير صحيحة، وذلك في منشور عبر حسابه الشخصي على موقع التواصل الاجتماعي إكس.

تامر عاشور وشيرين عبد الوهاب

وكتب تامر عاشور في منشوره الذي يرصده موقع تحيا مصر: كل اللي اقدر اقوله في موضوع شيرين عبد الوهاب.. أن مفيش كلمة واحدة بس من اللي اتقالت وانتشرت صح أنا قريب من أهل شيرين ووالدتها واخوها.. أنا برضه أقولها أني بحبها وكل الدنيا بتحبها وتحب فنها.. أهل شيرين مظهروش في حياتها أخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من ع الارض شيل.

وتابع: يارب يبعد عنها كل خبيث واناني وفاشل وممثل هي أطيب منهم كلهم وهم اللي وقعوها فكل مشاكلها "انت بمن حولك" لو اللي حواليك فشلة غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم  بمنتهى السهولة، أنا كلت عيش وملح ف بيتها وف بيت أمها واخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها اساس من الصحة.. أهل شيرين هم هم اهل شيرين من زمان قوي، بالعقل.

حسام حبيب: اغاني شيرين عبد الوهاب خلصانة بسب أهلها موقفين حالها

وسبق وأن عاد المطرب حسام حبيب لإثارة الجدل من جديد حول الفنانة شيرين عبد الوهاب، خاصة بعد اعتذارها المفاجئ عن احياء حفلها الأخير في دبي رفقة الفنان حسين الجسمي، حيث اتهم أسرة شيرين عبد الوهاب بتسببهم في خمولها فنيا وسعيهم لتدميرها بشكل تدريجي.

أول رد من شقيق شيرين عبد الوهاب على تسريبات حسام حبيب

أهل شيرين عبد الوهاب استولوا على فلوسها واخوها تعدى عليها في غرفة نومها.. القصة الكاملة لاتهامات حسام حبيب

أهل شيرين عبد الوهاب 

وانتشر تسجيل صوتي للمطرب حسام حبيب طليق شيرين عبد الوهاب وهو يقول به وفقا لما رصده موقع تحيا مصر:  الأغاني خلصانة وزي الفل وتحفة بس هي مش في المود ده من كتر اللي بيتعمل فيها من أهلها، هي مش هتطلع تتكلم عنهم لأنهم أهلها، لكن أنا قررت أتكلم لأن دول مش أهلي ولا يشرفني إنهم يكونوا أهلي، دول ناس ظلموها باعوا السوشيال ميديا بتاعتها متخيل؟".