أهل شيرين عبد الوهاب استولوا على فلوسها واخوها تعدى عليها في غرفة نومها.. القصة الكاملة لاتهامات حسام حبيب

عاد المطرب حسام حبيب لإثارة الجدل من جديد حول الفنانة شيرين عبد الوهاب، خاصة بعد اعتذارها المفاجئ عن احياء حفلها الأخير في دبي رفقة الفنان حسين الجسمي، حيث اتهم أسرة شيرين عبد الوهاب بتسببهم في خمولها فنيا وسعيهم لتدميرها بشكل تدريجي.

حسام حبيب: اغاني شيرين عبد الوهاب خلصانة بسب أهلها موقفين حالها 

وانتشر تسجيل صوتي للمطرب حسام حبيب طليق شيرين عبد الوهاب وهو يقول به وفقا لما رصده موقع تحيا مصر:  الأغاني خلصانة وزي الفل وتحفة بس هي مش في المود ده من كتر اللي بيتعمل فيها من أهلها، هي مش هتطلع تتكلم عنهم لأنهم أهلها، لكن أنا قررت أتكلم لأن دول مش أهلي ولا يشرفني إنهم يكونوا أهلي، دول ناس ظلموها باعوا السوشيال ميديا بتاعتها متخيل؟".

وتابع حديثه: استولوا على بيوتها وعلى فلوسها وعلى طاقتها، مش هقدر أقول عملوا فيها إيه، قابلوا الإحساس ظلم، أخوها تعدى عليها في غرفة نومها وضربها بسلاح، أنتوا ما تعرفوش حاجة، تهديدات ٢٤ ساعة، حرام ولا غلطة من دول هي ليها فيها يد.. حقها تاخد علاج وتتخن وحقها عليكم تصبروا عليها، الصبر الجميل وبشر الصابرين إذا صبروا، وأنا بقولك الأغاني خلصانة بس هي في حالة أنتوا مش فاهمينها.. منتهى الظلم أقرب الناس ليك هو اللي بيدبح.. الله يكون في عونها ويوقفها على رجليها، أدوها مساحتها، لو مش أنتوا إلى هتصبروا عليها مين هيصبر عليها.. قولولها حتى لو بطلتي تغني هنفضل نحبك وشوفوا هيحصل فيها إيه.. أنا أقرب واحد ليها وعارف شخصيتها وعارف نفسيتها.

حسام حبيب يكشف تفاصيل التسجيل الصوتي المسرب 

وتحدث حسام حبيب عن هذا التسجيل بعد إثارته للجدل، قائلا: التسجيل ده كان بيني وبين واحد صديقي بنتكلم انا وهو ومصرحتش بالكلام ده لأي حد من وسائل الإعلام أو الصحافة وهقدم بلاغ للشخص اللي أخد التسجيلات دي من على تليفوني، والكلام اللي قولته مش غريب ده كل الناس عرفاه وياسر قنطوش صرح بيه بنفسه وشيرين مقدمة بلاغ ضد اهلها للسبب ده وتقدروا تتأكدوا من ده بالمستندات.

بعد خطوبة شيرين عبد الوهاب.. والد حسام حبيب: حب تاني هو احنا خلصنا من الأولاني

حسام حبيب يحضر مفاجأة لطليقته شيرين عبد الوهاب بعد خطوبتها.. غير متوقعة

حسام حبيب للجمهور: أهل شيرين عبد الوهاب هما السبب في إن أغانيها تتعطل 

وتابع حسام حبيب حديثه موجها رسالة للجمهور: بدل ما تهاجموني وتشتموني، اعرفوا مين السبب في اختفاء شيرين عبد الوهاب عن جمهورها وتعطل نزول أغانيها هما هيتسببوا في حدوث مشكلة بينها وبين شركة الإنتاج بتاعتها، اعرفوا الحقيقة، وكل الكلام الي اتقال في التسجيل الصوتي مظبوط لكن أنا مقصدتش أنزله أو اذيعه في الصحافة واللي عمل كدة هياخد جزاءه.