الحلق مش للستات بس وكله لبس شبك مش أنا لوحدي.. أبرز تصريحات أحمد سعد

حل المطرب أحمد سعد ضيف على برنامج Sold out والذي يقدمه الإعلامي محمود سعد على منصة watch it الرقمية وشاشة cbc، وكشف خلاله العديد من التصريحات الهامة والتي ينقلها موقع تحيا مصر في التقرير الآتي.

أبرز تصريحات أحمد سعد 

ندمان اني لبست حلق والله العظيم بس الحلق مش بتاع ستات بس.

دورت على اكبر استايليست في إيطاليا عشان يلبسني لكن هو تقريبا قلعني ملبسنيش بالشبك اللي لبسهولي ده.

ناس كتير لبست شبك مش أنا لوحدي وكنت بتشتم 3 ايام في الأسبوع زي المضاد الحيوي وكنت مبسوط.

اخويا سامح رقم واحد خلقا وعلما ومحترم بشكل يغيظ بيقول لماما حضرتك وبيلبس شبشب في البيت.. ده انا مبلسهوش في الشارع.

 انا كدة تمام مش عايزة اتجوز تاني.

أحمد سعد في Sold out 

عملت أغنية بعتذرلك لبنتي عشان مش قادر اكون معاها دلوقتي.

الست هي المحرك الرئيسي لأي رجل يعني اي راجل عظيم وراه ست قوية.

مش بنتي السبب في طلاق.. انا كان بيني وبين علياء شغل كتير جدا وهي حبت الشغل معايا لدرجة أننا اهملنا حياتنا الأسرية.

الست عندها قدرة في الزن رهيبة لو استغلتها بطريقة إيجابية هتنجح الراجل اللي معاها.

عمرو بينتقدني بشكل وحش أوي، لما بسمعه أغنية بكون تعبان فيها أوي يقولي إيه القرف ده.

عمرو من أهم الناس اللي أنا بتسند عليه دلوقتي هو وجمهوري.

أحمد سعد وفيديو الاستحمام 

تصدر أحمد سعد حديث مواقع التواصل الاجتماعي المختلفة بعد ظهوره في فيديو على موقع انستجرام وهو يستحمى، وهو ما جعل الجمهور مذهول ودخل في حالة من التساؤلات حول تصرفات الفنان الغريبة، وكيف تجرأ على هذا الظهور، وجاءت تعليقاتهم: انت هبت منك على الآخر، أنا كمتابع أشوف واحد بيستحمى ليه، انا كده استفدت ايه.

أعظم قوة في حياتي.. أحمد سعد يتحدث لأول مرة عن طلاقه من علياء بسيوني

بصور داخل الجيم.. أحمد سعد يثير الجدل من جديد

وكانت آخر أعمال أحمد سعد طرحه لأغنية بعتذرلك والذي أشار إلى أنه قدمها لابنته وليست لزوجته الرابعة علياء بسيوني وذلك بسبب عدم قضاء معظم الوقت معها وهو الأمر الذي أدخل الحزن في قلبه بدرجة كبيرة، كما عاش احمد سعد حالة من النشاط الفني في الفترة الأخيرة بعدد من الأغنيات المختلفة التي كانت حديث مواقع التواصل الاجتماعي المختلفة.