أعظم قوة في حياتي.. أحمد سعد يتحدث لأول مرة عن طلاقه من علياء بسيوني

تحدث الفنان أحمد سعد عن طلاقه من علياء بسيوني، مشيرا إلى أهميتها في حياته والفرق الذي أحدثته ودورها الكبير في نجاحه، مشيرا إلى أنها من أعظم القوى التي حصل عليها في حياته.

أحمد سعد عن علياء بسيوني: ادتني كل التغيير في حياتي 

وقال أحمد سعد خلال حلوله ضيفا على برنامج sold out، والذي يقدمه الإعلامي محمود سعد على منصة watch it الرقمية: علياء هي أعظم قوة في حياتي.. علياء إدتني كل التغيير في حياتي، والست هي المحرك الرئيسي للراجل، وأي راجل كان عظيم كانت الست هي الدافع ليه، وأي راجل فاشل الست هي اللي خلته فاشل، وده من تجربتي في الحياة أنا فاتح مكتب تجارب.

وأضاف أحمد سعد في تصريحاته التي رصدها موقع تحيا مصر: هي ست لا تكل ولا تمل، هي لو شايفة إن ده الصح هتقولك لازم تعمله، والست عندها قدرة مهولة في الزن، هي عندها هدف هتعمله يعني هتعمله، والقدرة دي لو اتحولت لـ إيجابيات في الزن على الراجل، أنا في الأول لما كنت بسمع منها كنت بقولها أنا عارف أنا بعمل إيه سيبيني أقرر، هي عندها صبر مهول وموجود عند كل الستات، وساعات بيكون استخدامه في النكد.

أحمد سعد: بختار الشخص اللي أسند عليه ونجحت أنا وعلياء مع بعض 

واستكمل أحمد سعد حديثه: أنا فيا حتة حلوة أني بعرف أختار الشخص اللي أسند عليه وأسلم له دماغي، أنا شايف إن هو اللي بيقرر كل حاجة ولكن أنا اللي مقرر إن هو يقرر لي، وشوفت نتيجة نجاحنا مع بعض. 

وكشف أحمد سعد لأول سبب انفصاله، قائلا: مش بنتي السبب.. انا كان بيني وبين علياء شغل كتير جدا وهي حبت الشغل معايا لدرجة أننا اهملنا حياتنا الأسرية، قعدت مرة واتنين وألف أجاهد على حياتنا الشخصية والأسرية، ولو أنا أناني كنت كملت، لأن أنا الوحيد اللي مستفيد.

بصور داخل الجيم.. أحمد سعد يثير الجدل من جديد

غداً.. أحمد سعد يستعد لحفله الجديد في البحرين

فيديو أحمد سعد المثير للجدل 

 وكان قد تصدر أحمد سعد حديث مواقع التواصل الاجتماعي المختلفة بعد ظهوره في فيديو على موقع انستجرام وهو يستحمى، وهو ما جعل الجمهور مذهول ودخل في حالة من التساؤلات حول تصرفات الفنان الغريبة، وكيف تجرأ على هذا الظهور.

وعلق أحمد سعد على الفيديو، قائلا: “لما تستحمى حوماية العيد”، وجاءت تعليقات الجمهور على الفيديو: "انت هبت منك على الآخر، أنا كمتابع أشوف واحد بيستحمى ليه، انا كده استفدت ايه.