الرئيس السيسي: رغيف الخبز أبو 5 قروش يكلفنا "جنيه وربع"

قال الرئيس عبد الفتاح السيسي، رئيس الجمهورية، إن رغيف الخبز المدعوم الذي يصل للمواطن بخمسة قروش يكلف الدولة “جنيه وربع”.

وأضاف الرئيس السيسي، خلال كلمته فى افتتاح مشروعات تنموية جديدة فى جنوب الوادي:، "رغيف العيش بيتكلف جنيه وربع.. جنيه وربع.. أصل فيه ناس مش بتحب تتكلم.. ليه مش بتكلم وتقول.. هو عيب ولا حرام.. لا عيب ولا حرام".

وتابع: الرغيف أبو شلن بيتكلف جنيه وربع.. بعد ما كانت ميزانية الدولة تتكلف دعم لرغيف الخبز يصل إلى 20 – 30 مليار.. أصبح 120 – 130 مليارا.. الرغيف أبو 5 صاغ ثمنه جنيه وربع.. بيكلفنى 130 مليار جنيه".

الرئيس السيسي يوجه بتنظيم رحلات للإعلام والشباب لرؤية مشروع توشكى

السيسي: الدولة تجهز نفسها لتفادي أي أزمة ومحتاجين كل أيد مصرية

الدولة تستهلك نحو 17 مليون طن قمح سنويا

أكد الرئيس عبدالفتاح السيسي، رئيس الجمهورية، أن الدولة تستهلك نحو 17 مليون طن قمح سنويًا، موجهًا حديثه لرئيس الوزراء الدكتور مصطفى مدبولي، ليرد مدبولي قائلًا: «نستهلك 18 مليون طن قمح سنويًا»، ليعلق الرئيس قائلاً: «18 طن، دكتور مصطفى بينكد عليا أكتر».

وأضاف السيسي، خلال افتتاحه مشروعات تنموية في جنوب الوادي عبر تقنية «الفيديو كونفرانس» بمركز المنارة للمؤتمرات الدولية: «إحنا بنتكلم عن استخدام 10 ملايين طن في الخبز، يعني لما نوفر منهم 20% بعد استخدام الذرة، يعني بنوفر 2 مليون طن، سعرهم يصل إلى 600 مليون دولار أو أكثر حسب سعر طن القمح».

ولفت إلى أن خلط الذرة مع القمح في رغيف الخبز يوفر للدولة نحو 600 مليون دولار أو أكثر سنويًا حسب سعر طن القمح.

وتابع: «لما حد يتكلم في الموضوع ده يقولك ذرة إيه؟! إحنا مش بنقول نغير في المواصفات الطعم أو الشكل، إحنا بنتكلم عن حاجة معقولة كده».

توفير 600 مليون دولا سنويًا

وواصل: «حتى الآن ومهما عملنا لا نستطيع توفير احتياجات القمح ونضطر نجيبه من بره، لكن الذرة ممكن، أنا راجل صريح، آه نعمل كده، لو أقدر أعمل هعمل، هنوفر 600 مليون دولا سنويًا».

الدولة تجهز نفسها لتفادي أي أزمة

قال الرئيس عبد الفتاح السيسي، إن الدولة تجهز نفسها لتفادي أي أزمة، متسائلاً: «هو أنا لازم استني الأزمة؟.. هو شغل البنية الأساسية كان ضروريًا ولا كان زيادة، فهذا كان ضرورياً ودفعنا أرقاماً ضخمة، لو اتعملت على مدار 25 سنة كانت التكلفة أقل».

وقال الرئيس السيسي، خلال افتتاحه عدداً من المشروعات القومية عبر تقنية الفيديو كونفرانس، من داخل مركز المنارة للمؤتمرات الدولية: «المرة الجاية عاوزين نشوف سيناء ومستعدين نساعد كل مستثمر لخوض التجربة ومع نفسه.. احنا محتاجين ده.. محتاجين كل أيد مصرية كل خبرات وكل طاقة عمل وكل جهد مخلص يشتغل اللى نتجاوز فيه".

دعا الرئيس عبدالفتاح السيسي، المستثمرين للمشاركة في جميع المشروعات الزراعية التي تنفذها الدولة، مؤكدًا أهمية الحفاظ والاستفادة من أى كمية مياه وعدم إهدار أي نقطة مياه.

وأضاف: «عاوز بأقل كمية مياه أطلع أكبر إنتاج لمحاصيل وبالتالي لازم الاستفادة من حجم المياه الموجودة، مشيرًا إلى إنشاء محطات المعالجة الزراعية مثل المحسمة وبحر البقر والدلتا الجديدة للحد من هدر المياه".

تكلفة المشروعات الزراعية

وعلق الرئيس عبد الفتاح السيسي، على كلمة المهندس محمد جمال غريب رئيس مجلس إدارة شركة متخصصة في الزراعة، خلال افتتاح مشروعات تنموية في جنوب الوادي قائلاً: «قصدت أتكلم معاك أنت بالذات.. بسبب حاجتين المزرعة كانت بتقابل مشاكل وكل الجهود اللي اتعملت سابقاً مش نجحت ولكن قدرت تحل المسألة بشكل حاسم، وبتكلم عن نقطتين، التكلفة كبيرة وبالتالي اقتصادياً كبيرة، اقتصاديات المشروع لها عائد جيد، مش هتعمل حاجة علشان الناس اللى شغالة في المجال، محتاج تعمل استثمارات كبيرة لكن العائد جيد».

وأكمل:  «لما بنقول 25 إردباً في الفدان.. دي تجربتك.. لو كان السايد أن الفدان يطلع 18- 20 إردب بنفس كمية المياه والمساحة.. لما الكمية تزيد فوق الـ 20 إردبا محتاج نتوقف عند ده.. في الشغل اللى بيتعمل داخل مشروعات الخدمة الوطنية سواء هنا أو مستقبل مصر مش وصلنا 25 إردبا للفدان.. الرقم ده نجح في مساحة ألفين فدان والمتوسط 25 إردبا يعني فيه زيادة 5 إردبات عن السايد.. لما نقول 5 إردبات في مليون فدان يبقي 2.5 مليون اردب يعني مليون طن.. لو قسمنا ده على كمية هتطلع فوق 20 اردب.. هي هي المياه وهو هو الجهد..

وتابع الرئيس السيسي: "بقول التجربة مش علشان أهنئك وعلشان اسمع كل من يهتم المزارعين في الدلتا والصعيد.. مهم أوي يعرفوا إزاي يوصل بالكمية دي.. والموضوع مش استخدام مكينة ولكن وسائل علمية تزود الكمية والإنتاج الكبير.. ولو قولنا مزرعة بني سويف والمنيا وطبيعة الأرض قاسية شوية.. مهم اوي الناس بتقول الأرقام تكلفتها كتير اوي.. التكلفة كتير لأنك بتعمل كل حاجة مرة واحدة.. والدلتا اتعملت على 150 – 200 سنة.. سنين طويلة وانت بتعمل ده كله مرة واحدة.. المشروع بتدخل الكهرباء والمياه ومحطات الرفع.

وواصل: "لما بنيجي نعمل ده.. حق المشروع قبل حق بلدنا.. اننا نطلع أكبر حجم من الإنتاج.. مليون فدان بتطلع 2.5 مليون فدان.. يبقوا 3 ولا 3.5 مليون طن.. يبقي زودت كمية القمح من غير ما زود أرض أو مياه أو طاقة عمل.. هي نفس المساحة والوقت.. مليون طن هزود 200 ألف طن على نفس الكمية وبالتالي التجربة بتاعتك مهم أوي الحديث معها وأكيد وزارة الزراعة معنية بالكلام .. الرقم ده لافت نظري".