النائبة مها عبد الناصر لـ تحيا مصر: لا توجد بيئة استثمار حقيقية في مصر

قالت النائبة مها عبد الناصر عضو مجلس النواب عن  حزب المصري الديمقراطي الاجتماعي: لما يكون فيه استثمار بحق وحقيقي هيكون فيه تشغيل وفرص عمل أكتر وطول دا مبيحصلش يبقى مفيش استثمار.. الصفقة الكبيرة ممكن تنقذ اقتصاد الدولة لكن مش بتأثر بدرجة كبيرة على المواطنين..فالاستثمارات الصغيرة والمتوسطة هي اللي بتفرق مع الناس أكثر..كمان احنا المناخ عندنا طارد للاستثمار.

 النائبة مها عبد الناصر: حزب المصري الديمقراطي هو حزب مختلف تماما واختار الطريق الصعب

وأضافت في ندوة تحيا مصر: أفخر بأنني من أحد مؤسسي الحزب.. حزب المصري الديمقراطي هو حزب مختلف تماما واختار الطريق الصعب احنا مش بنعين ناس احنا بنعمل انتخابات من القاع للقمة ومرهقة جدا العملية الانتخابية وبيكون فيه الكثير من المشاحنات لكن هذا طبيعي وصحي ويميزنا ويخلينا حزب مختلف.

النائبة مها عبد الناصر لـ تحيا مصر: الأقلية فى البرلمان هى نبض الشارع وقولنا للحكومة «أن الناس بتكلم نفسها فى الشارع من كل حاجة وخاصة الأسعار»

مها عبد الناصر لـ تحيا مصر: البرلمان لا يقوم بدوره.. وبعض النواب لا يحسن العمل التشريعي

وتابعت عضو مجلس النواب عن  حزب المصري الديمقراطي الاجتماعي: الحزب مر بفترات في فترة كان فيها تألق كبير دخلنا البرلمان في 2012 وبعدها البرلمان اتحل وعارضنا مرسي منذ اليوم الأول عند الإعلان الدستوري اللي عمله وكنا احنا أساس جبهة الانقاذ لحد ما قدرنا أننا نتخلص من هذا الحكم، بعدها شاركنا في تحالف 30 يونيو احنا كنا مشاركين وفاعلين بعدها تم غلق المجال السياسي فتوقفنا لحد بداية الحوار الوطني ودعوة الرئيس وقبل الحوار الوطني شاركنا في القائمة الوطنية ودخلنا البرلمان وبدأت الدنيا تفتح.

النائبة مها عبد الناصر لـ تحيا مصر: الانتقاء لابد أن يكون عنوان إجراءات برلمان 2026

مها عبد الناصر لـ«تحيا مصر»:نواب بالبرلمان ميعرفوش يعنى «إيه تشريع ورقابة ولا ليهم علاقة بالقوانين ولا العمل البرلماني».واحنا كأقلية مؤمنين بأن«التغيير بيحصل بالتراكم ومش هنقعد في البيت بسبب الأغلبية»

 النائبة مها عبد الناصر : الأحزاب هي المدرسة الوحيدة الممكنة للكوادر السياسية

واستكملت: بقول أن الأحزاب هي المدرسة الوحيدة الممكنة للكوادر السياسية لو مفيش أحزاب يبقى مفيش كوادر سياسية..والتنظيم هو أساس أن يكون فيها ناس تمثل مجموعات غير ذلك لا يوجد طريقة آخرى فمن المهم أن نقوي الأحزاب.

وقالت عضو مجلس النواب عن  حزب المصري الديمقراطي الاجتماعي: احنا أول ما جات لينا فرصة أننا نشتبك في عملية انتخابية كبيرة كانتخابات الرئاسة2024 شوفنا فريد زهران بيتكلم إزاي وكان بيطرح رؤى وكلنا كنا بنقف في المؤتمرات الجماهيرية بنتكلم ونتناقش . الأطروحات اللي طرحناها.. طرحناها علشان المواطن ينتخبني ولو منتخبنيش في انتخابات الرئاسة ينتخبي في انتخابات البرلمان.