النائبة مها عبد الناصر لـ تحيا مصر: الانتقاء لابد أن يكون عنوان إجراءات برلمان 2026

قالت النائبة مها عبد الناصر عضو مجلس النواب عن  حزب المصري الديمقراطي الاجتماعي: في اعتقادي أن الفصل التشريعي  القادم يفرض على كل الناس اللي بتشتغل في السياسة أنها تنتقي الأفضل لأن البرلمان لو فيه تنوع جيد وخبرات مختلفة هيكون له تأثير جيد على المجتمع..لما يكون فيه ناس في البرلمان عندها خبرات هيضيفوا إضافة جيدة ويثروا النقاش داخل اللجان لأن بيكون عندهم فكرة عن الموضوع والانتقاء لابد أن يكون فى الإجراءات الخاصة بالمجلس القادم.

النائبة مها عبد الناصر لـ تحيا مصر:«مفيش مؤيد ومعارض المصريين كلهم على قلب رجل واحد ضد العدو الصهيوني»

 النائبة مها عبد الناصر : لما يكون فيه ناس في البرلمان عندها خبرات هيضيفوا إضافة جيدة ويثروا النقاش 

وأضافت عبد الناصر، في ندوة  تحيا مصر: مجلس الشيوخ ميفرقش كتير عن مجلس النواب ففيه نفس طريقة الاختيار وفيه بعض الكفاءات بيدرسوا مشروعات وبيقدموها للمجلس، لكن مجلس الشيوخ الشغل فيه أقل بكتير والموضوعات التي تطرح فيه قليلة.. فكان من المهم أن يأخذ موضوعات أكبر ويتم الاستعانة فعلا بخبراء لأنهم عندهم وقت يعملوا جلسات استماع. مجلس الشيوخ لازم يكون فيه خبراء أكثر ويقدروا يعملوا جلسات استماع أكبر ويناقشوا القوانين ذات الحساسية اللي الناس قلقانة منها بحيث أنهم يطلعوا حاجة لمجلس النواب.

 النائبة مها عبد الناصر : البرلمان موجود.. لكن أنا شايفه أنه مش قايم بدوره

وتابعت عضو مجلس النواب: البرلمان موجود.. لكن أنا شايفه أنه مش قايم بدوره.. الغالبية بيوافقوا على أي حاجة بتيجي من الحكومة والتعديلات والتغييرات قليلة جدا وأي حاجة الحكومة بتيجي بيها بتعدي وأنا شايفة أن دا مش دور البرلمان.. وشايفة أن نسب مشروعات القوانين اللي بتتقدم من النواب بيتم إحالتها للجان ويتم مناقشتها تمثل نسبة ضئيلة جدا مقارنة بمشروعات قوانين الحكومة.. فنحن نأمل في برلمان قادم أكثر صحة وعافية.

أخبار مجلس النواب اليوم: أسعار الخدمة بالمستشفيات الحكومية لن تزيد بعد مشاركة القطاع الخاص

واستكملت عبد الناصر: المعايير اللى لازم تكون موجود عشان أقدر أقول أن البرلمان بيقوم بدوره هي بالتأكيد التعددية والحيادية وأن يكون فيه حد أدنى من الناس اللي بتمثل الشعب.. فليس من المعقول أن يأتي ناس مبتعرفش تقرأ القوانين...طول ما احنا معندناش مجال سياسي مفتوح ومفيش تربية حزبية جيدة..طبيعي يكون دا الوضع.. فأنا بعد 4 سنين مش زي ما دخلت فأنا قبل قراءة لائحة المجلس والدستور مكنتش اعرف الكلام دا قبل كدا.. وأنا مش بلوم حد.. لأن فيه ناس اتحطت في هذا المجال.