خاص| منة فضالي: لقب نمبر وان متفصل على محمد رمضان وممكن ينزل بمسلسل يقش كل المسلسلات

رصيد أحمد العوضي في الدراما أقل من رمضان ومحمد إمام

لقب نمبر وان متفصل على محمد رمضان

محمد إمام ملك الأكشن كوميدي في الدراما

صرحت الفنانة منة فضالي عن العديد من آرائها في صناع وأبطال الدراما الرمضانية، ومن أبرز من علقت عليهم الفنان محمد رمضان ومحمد إمام وأحمد العوضي كما أنها كشفت عن بطل الدراما الشعبية المفضل لها، وكشفت عن أسرار مثيرة في كواليس مسلسل نسل الأغراب مع المخرج محمد سامي.

وتحدثت النجمة منة فضالي عن هذه التفاصيل خلال لقائها مع كاميرا موقع تحيا مصر أثناء استضافتها في ندوة تكريمية من ندوات تحيا مصر وإليكم أبرز تصريحاتها..

منة فضالي: رصيد أحمد العوضي في الدراما أقل من محمد رمضان ومحمد إمام

فتحت النجمة منة فضالي قلبها خلال لقائها مع موقع تحيا مصر وصرحت عن تفاصيل عديدة مثيرة للجدل أبرزها تصريحها عن رأيها في الفنان أحمد العوضي وهل يستحق أن يقوم بالبطولة الشعبية أم لا وقالت: "بحب العوضي لكننا مش صحاب ومشتغلناش قبل كده، وبشوف إنه رصيده في الدراما الشعبية أقل من محمد رمضان ومحمد إمام".

وتابعت حديثها عن محمد رمضان: "أنا بشوف محمد رمضان بيشتغل شعبي كتير ودايما أعماله ناجحة ورقم واحد ولقب نمبر وان كان طالع على محمد رمضان من الاول وعمل اغنية اسمها نمبر وان والسنه اللي فاتت كنا نمبر وان في العالم كله بجعفر العمدة، فأنا بشوف محمد رمضان ليه شعبيته وجماهيره والناس بتحبه، ورمضان ممكن ينزل بمسلسل واحد يقُش كل المسلسلات".

أما عن محمد إمام قالت: "محمد إمام في حتة تانية لوحده لأنه بيعمل كوميدي مع الدراما وهو ملك الأكشن كوميدي بيلعب في حتة لوحده لأنه ليه لون مختلف".

خاص| منة فضالي: شاركت في كوبرا لأنب نفسي اشتغل مع محمد إمام.. والسحر والحسد اشتغالات

خاص| منة فضالي: تخوفت من المشاركة في مسلسل كوبرا وعيطت أما لقتني تريند بعد أول مشهد

منة فضالي تعلق على أزمتها مع محمد رمضان: بيستغلوا كلامي عشان يطلعوا شكلي وحش

وسؤلت منة فضالي عن حقيقة أزمتها بسبب الفيديو الأخير لها وقالت: "سألوني على محمد رمضان وقولت انه فنان شامل لأنه بيغني وبيمثل وبيرقص زي محمد فوزي، وقولت محمد إمام في حتة تانية لوحده لكن استغلوا كلامي وحطوه في مانشيت ونزلوه عشان يخلوا شكلي مش حلو ويوقعوا بيني وبين صحابي".

وأضافت: "كنا 4 ستات في جعفر العمده بس كل واحده ليها سكتها وطريقتها في التمثيل ف مينفعش نقارن حد بحد، وفعلا محمد رمضان ومحمد إمام كل واحد ليه استايله لوحده ونجاحه لوحده ومش لطيف يزعلوا الزملاء من بعض، الاتنين نجوم وصحابي وبحبهم واه أنا بحب اطبل لصحابي".

اختلاف معايير منة فضالي في اختيار أدوارها بعد نجاح جعفر العمدة

أما عن التغير الذي حدث لها بعد نجاح جعفر العمدة أكدت على اختلاف المعايير التي تختار عليها أدوارها: "كلنا بعد جعفر العمدة اتحطينا في مأزق ولما جالي كوبرا سألت محمد سامي لأنه زي أخويا وكنت خايفه لانك لما بتخرجي من نجاح كبير اوي بتكوني عايزة تحافظي عليه والحفاظ علي النجاح صعب، واول ما سألته قالي اعمليه علي طول  وشكر في محمد إمام ف وافقت ومضيت واشتغلت علي طول، بحب استشير اللي حواليا في ادواري ومش بشوفه تقليل مني".

بعد نجاحها الواسع في رمضان 2024.. موقع تحيا مصر يكرم النجمة منة فضالي

منة فضالي تتحدث عن محمد سامي: ابن أصول وعمره ماغلط في حد وبيحب شغله

وردت منة فضالي على الشائعات المتداولة حول المخرج محمد سامي ومشاداته مع الفنانين في الكواليس ونفت ذلك قائلة: "اكتر واحد تعب في جعفر العمدة كان محمد سامي وكنا كل شوية نعلقله محاليل من كتر الضغط اللي كان عليه، واي بني ادم هيتعصب في شغله لكن عمره ماغلط وفي مرة كنا في نسل الاغراب انا وملك زاهر وشاف ضوافرنا طويلة وبهدل الدنيا وجاب قصافة وقص ضوافرنا، لكن عمره ماغلط في ممثل وبيقعد مع كل ممثل ويدرسهم مظبوط".