خاص| منة فضالي: شاركت في كوبرا لأنب نفسي اشتغل مع محمد إمام.. والسحر والحسد اشتغالات

شاركت في كوبرا عشان كان نفسي اشتغل مع محمد إمام

مبيفرقش معايا حجم الدور قد مضمونه وهقدمه ازاي

شاركت في محارب مجاملة وكان في واحده قبلي مش شاطرة أحمد زاهر رفضها

الحسد والسحر تفاهات واشتغالات

تصدرت النجمة منة فضالي التريند ومحركات التواصل الاجتماعي بعد النجاح الذي حققته في المنافسة الرمضانية لعام 2024 من خلال مشاركتها في مسلسل محارب ومسلسل كوبرا.

والتقت كاميرا موقع تحيا مصر بالفنانة منة فضالي لتكشف لنا عن كواليس مشاركتها في كلًا من العملين والصعوبات التي واجهتها والعديد من التفاصيل الأخرى، وإليكم نص الحوار..

منة فضالي: الشغل مع محمد إمام ممتع و دور حنان بالنسبالي حالة خاصة

وتحدثت الفنانة منة فضالي خلال لقائها مع موقع تحيا مصر عن شخصية حنان في مسلسل كوبرا وكيف كان استعدادها للدور خاصةً وأنه مختلف عنها وقالت: "حنان بالنسبالي حالة خاصة وعمري ماعملت كوميدي غير في جعفر العمده ومحمد سامي هو اللي حطني في النوع دا، الدور كان خفيف ولذيذ واحنا عملناله ستايل معين زي اللبس والشعر الكيرلي، لأن بنات راس البر حلوين وزي القمر ومتعلمين وبيلبسوا كويس وأنا بشوف مش لازم نطلع الشخصيات شكلها مش حلو، بس هي تفكيرها على قدها وتحسيها تافهة".

بعد نجاحها الواسع في رمضان 2024.. موقع تحيا مصر يكرم النجمة منة فضالي

وتابعت حديثها عن كواليس العمل مع الفنان محمد إمام ورأيها في تشبيهه بالزعيم عادل إمام والده وقالت: "الشغل مع محمد إمام ممتع جدا ودي أول مرة اشتغل معاه وهو مريح ومتصالح مع نفسه جدا عمره مابيتدخل في شغل حد ومتربي وابن أصول، لكن الزعيم عادل إمام في حته تانيه لوحده مش عايزه أقول إن محمد إمام شبهه لأنه ليه نوع وستايل معين وجديد وبعيد عن الزعيم الأسطوره".

منة فضالي: مكنتش متوقعة نجاح دوري في كوبرا والدور خدمني لأنه مختلف عليا

كشفت منة فضالي عن استقبالها لدورها في مسلسل كوبرا وكيف تقبلت حجم الدور خصوصًا لأنه صغير بالنسبة لمشوارها الفني وقالت: "مكنتش متوقعة نجاح الدور والشخصية شدتني لأني معملتهاش قبل كده وكان نفسي أشتغل مع محمد إمام من زمان لأنه بيقدم أعمال مختلفة ومميزة".

خاص| منة فضالي: تخوفت من المشاركة في مسلسل كوبرا وعيطت أما لقتني تريند بعد أول مشهد

وتابعت: "الدور خدمني لأني أول مره أعمل كوميدي بشكل مختلف غير جعفر العمدة ومحمد إمام دمه خفيف وبيضحك في الحقيقة غير التمثيل والدور بردو فيه حاجه إنسانية هي بنت بلد وجدعة وحبيته ومجنونه في نفس الوقت".

منة فضالي: مبيهمنيش مساحة الدور قد مضمونه

وعلقت الفنانة منة فضالي على صغر مساحة دورها في مسلسل كوبرا وكيف تقبلتها مؤكدة أنها لم تهتم بمساحة الدور قائلة: "في ناس عملت بطولات محدش سمع عنها حاجة، عمري مابصيت لحجم الدور قد مابصيت لمضمونه وشكله أنا هعمله ازاي ولو محستوش مش هعمله، وفي أدوار عملتها أنا بكون مش راضيه عنها لمجرد المجاملة وممكن حد من أصدقائي يحتاجني مبقدرش اقوله مش هعمل كده".

منة فضالي تكشف مفاجأة عن مسلسل محارب: عملته مجاملة ومش من حق حد يزعل

وصرحت النجمة منة فضالي عن مشاركتها في مسلسل محارب في رمضان 2024: "عملت مسلسل محارب مجاملة ومش من حق حد يزعل واللي كلمني أحمد زاهر ومحمد سيد بشير المؤلف، ولما صورت عرفت إن في حد كان جاي قبلي مش شاطر وأحمد زاهر رفض يقف قدامه وجاب أقرب واحده ليه من صحابه اللي هي انا واحنا عشرة عمر، فمرضتش اكسفه و كانت اول مره محمد سيد بشير يكلمني ومرضتش اقوله لا".

بعد تألقها في مسلسل كوبرا.. منة فضالي تتصدر تريندر مؤشرات البحث

وعندما سؤلت منة فضالي عن رأيها في السحر وكيف تتعامل معه وهل تؤمن به أكدت أنه يعتبر "تفاهات" بالنسبة لها قائلة: "عمري ما بآمن بالجن والكلام دا، بؤمن بالسحر والحسد واوقات بحس انها تفاهات والعفاريت والكلام دا اشتغالات".