عمرو أديب: إحنا في وضع حرج وفيه مصيبة هتحصل خلال أيام

حذر الإعلامي عمرو أديب، من الاقتحام الإسرائيلي لرفح الفلسطينية  قائلا :" الاقتحام بات قريبًا و المصريين والفلسطينيين هم المتضررون ، معقبا:" إحنا في وضع حرج".

عمرو أديب: لو حصل الاقتحام يعني هيبقى في مصيبة في رفح

وأضاف أديب، خلال برنامج الحكاية" المذاع على قناة "إم بي سي مصر": " لو حصل الاقتحام يعني هيبقى في مصيبة في رفح ، مستكملا: "الكارثة لن يضار منها إلا طرفين الفلسطينيين والمصريين، إحنا شايفين كل شيء بيتعمل قدامنا، الإسرائيليين بيبنوا مخيمات في خان يونس؛ عشان ينقلوا أكثر من مليون بني أدم ".

وتابع :" الإسرائيليين قايلين والأمريكان قايلين والفلسطينيين عارفين، والمصريين بيحاولوا يمنعوا، معقبا :"نتنياهو شايف أنه من غير رفح مش هيكون ليه وجود".

و أكمل: " كل دي معلومات عارفينها، واللي واقف عنده حاجة حد يقولك هو إيه ده هو المصريين بيعملوا جلسات مع الإسرائيليين عشان موضوع رفح آه في، ويقولك إيه ده هو المصريين بينسقوا مع الإسرائيليين؟ أنا مش بنسق القتل أنا بحاول أمنع المصيبة".

عمرو أديب: محدش حاسس بالمصيبة اللي هتحصل

وواصل حديثه :" المصريين بيحاولوا يوصلوا لاتفاق بين الإسرائيليين وحماس قبل ما تحدث مصيبة رفح، مضيفا : "أنت متقبل أن الإيرانيين كانوا قايلين للأمريكان إنهم هيضربوا الإسرائيليين ومش عايز المصريين يعرفوا الإسرائيليين هيعملوا إيه، محدش حاسس بالمصيبة اللي هتحصل، المصريين بيعملوا كل حاجة كل يوم؛ حقنًا لآلاف يموتوا فوق الـ30 آلاف، وحقنًا لأي نزوح يحصل على الحدود المصرية الفلسطينية".

عمرو أديب: موضوع رفح هو موضوع مصري أساسي

وأضاف: "الإسرائيلي مبيعملش حساب لحد لا عامل حساب لأمريكان ولا أوروبيين، هو يهتم جدًا بإنه ميبوظش الدنيا مع مصر، يهتم جدًا بإن علاقته مع مصر لا تفسد ومش هدي محاضرة إيه هي مصر".

وأردف: "مفيش حد في المصيبة دي غيرنا، اللي في الوش مصر طيب أنت ليه مش عايز مصر تتحرك، وبعدين يقولك أنت فين دورك الإقليمي، موضوع رفح هو موضوع مصري أساسي، إحنا الفلسطينيين بيتكلموا مع الجنود المصريين من الجدار، وإحنا شايفين إخواننا هناك، لازم متعومش على عوم الهتيفة اللي بره دول".